اقوي واسهل طريقة تداول فوركس - تعلم اقوي استراتيجية فوركس

اقوي واسهل طريقة تداول فوركس - تعلم اقوي استراتيجية فوركس ناجحة منذ عشر سنوات ولم تخيب .

الفكرة هى عند ادارة الترس الأكبر يلف الترس الاصغر عدد لفات اكتر وده الطبيعى فى اى حاجة

انا فاهمه الفكره كويس وطريقه العمل بس مشكلتي في حاجتين اول لفه تتمسك منين وعدد اللفات وحضرتك اكيد عارف من خبرتك ان عدد اللفات بتكون منتظمه او ليها قواعد

مثلا هنمسك لفه على اليومي وسيبك من الشهري الان والاسبوعي نركنهم على جمب الان

ونفرض اننا مسكنا لفه من اولها على اليومي بصرف النظر هيا رقم كام على الاسبوعي او الشهري ولو انه مهم لكن في البدايه هنتاجله

علشان منتوهش

السؤال هنا اللفه على اليوم هتحتاج كام لفه على الاربعه ساعات والساعه لحد الدقيقه علشان تكمل وتسلم للأسبوعي وتبدأ لفه جديده

هل ليها قواعد ثابته زي تقسيمات الدورات الزمنيه ولا لكل لفه عدد لفات معينه علشان تكمل

لما ترمي حجر في ميه بيعمل ايه دواير دواير لحد لما تخلص مدته تنتهي وتسكن طبعا هنا نفس الكلام على اللفات

لكن المشكله في عدد اللفات وهتنتهي امتى

.............

بالنسبة لموضوع عدد اللفات او الزمن بتاعها هو غير محدد

والا ماكانش حد غلب فاذا كان الزمن مثلا لفة كل 3 ايام استنى يومين وآجى آخد لفة

وكذلك بالنسبة للعدد

انما الفكرة فين؟

فى اكتمال الحركة

يعنى ايه الكلام ده!!!

يعنى المثل اللى ذكرناه سابقا عن ان الهدف اليومى مثلا 500 نقطة، فهنا اكتمال الحركة يدور حول ال 500 (مش لازم بالظبط) انما اكتمال اللفة على اليومى بالوصول لل 500، وبالتالى على ال 4 ساعات ممكن ينزل ويطلع بس الاتجاه الاساسى صعود فيبقى مقدار الهبوط أقل من المقدار الصعود حتى يصل الى ال 500 فيبدأ فى حالة من تغيير المسار سواء يمشى بالعرض شوية او يبتدى ترند هابط

وهنا فيه كذا نقطة

أولا

نعرف منين ان الحركة انتهت؟ بيبان على العملة انها انهكت من الصعود على جميع الفريمات، زى الرياضى لما بيجيب آخره من التعب، بيكون هو أرهق وأداؤه بيقل (خلى بالك انه لسه بيؤدى ولكن ليس بنفس الكفاءة) ولو بصينا على العضلات من الداخل (دى الفريمات الاقل) نجدها فى حالة ارهاق وعلى وشك التمزّق و غيره وغيره من العلامات

ده المثل اللى بيودينا الى نظام (الدايفرجنس) وهو التعب والارهاق الداخلى حتى مع الاستمرار فى العطاء ولكن يدل على وجود قصور سيُحدث تراجع بعد قليل

فنجد ان السعر يواصل صعوده مع وجود اشارة للدايفرجنس للهبوط وده دليل تعب العملة من الصعود وبداية اكتفائها

معلش انا عارف انى باجرى شوية والناس المبتدئة مش هاتعرف تلاحق ايه الدايفرجنس وباقى الحاجات بس الموضوع ده خارج الشرح

ثانيا

طيب احنا عرفنا منين من الأول ان على اليومى هايمشى 500 نقطة؟؟

ده بيبان من خلال الفريم الأكبر

وخلى بالك القصة مش بالمللى كده وخاصة فى التنبؤات البعيدة

يعنى ممكن نقول هايمشى على اليومى 500 نقطة، ولكن السوق عمل حاجات خلال الفترة الحالية تؤدى الى ان كده اكتفى بالصعود بعد 400 نقطة مثلا واعطى اشارات بالهبوط، فلابد نكون طيّعين مع السوق مش جامدين، وتاخدنا الكرامة لا انا قلت انه هايتحرك 500 يبقى لسه فاضل له 100، الكلام ده فى سوق الخميس انما السوق ده ممكن يفرم أى حد يعاند معاه

وده يخلينا نأكد على المتابعة مع تغيرات السوق

يعنى مش نحط التارجت واستوب ونسيبه ونمشى (ده اذا كنا مسيطرين على الناحية النفسية)

ولكن نتابع

انا فى مرة السوق وصل حتى قبل التارجت بنقطة واحدة، وحلف 100 يمين ماهو جايبها، لحد لما قفلتها يدوى على اقل من التارجت المحدد ب 5 نقاط لما اعطى اشارات تغير الاتجاه، ولو كنت مش متابع كان ضرب الاستوب بعد الوصول الى 99% من الهدف بتاعى (بالذمة ده عقل؟؟)

ومن هنا تظهر نظريات انا شخصيا لا احبذها (ولكنها تنفع مع الغير متابع) فمثلا اللى يقول حط الهدف بتاعك أقل من الهدف الأصلى ب 10 نقاط (ده على اساس اللى حصل معايا كده فيلعب على المضمون) طيب ماهو ممكن يعمل نفس الموضوع وييجى قبل ال 10 نقاط بنقطة، وبعدين اذا كان الهدف انت حاسبه صح ليه تخسر فى كل صفقة 10 نقاط؟؟

او اللى يعمل تريلنج استوب، فبعد ما تكون الصفقة لصالحه 50 نقطة مثلا فتقفل على الدخول ويخرج ب صفر، والأدهى انها ترجع تكمل للهدف بعد ما تخرجه، وكل ده وهو مش متابع

لمن لم يتباع من البداية يرجي الذهاب هنا

ما هى أهم الأساسيات فى الفوركس؟https://tradecapital.yoo7.com/t249-topic

وهنا

رسم الترند الحقيقي في الفوركس تفضل نقهويك ونعلمك الترند الصحيح

هانقدر نحدد ونعرف امتى بالظبط يكون الترند وامتى يكون التذبذب وامتى نكون فى السوق وامتى بنتعد عنه

عشان دى نقطة فى منتهى الأهمية

مش لازم نكون محددين شكل السوق طول الوقت

وزى ما فيه واحد أجنبى قال فى المورس بتاعه، اذا ماكنتش واثق فى الصفقة بتاعتك 100% ماتدخلهاش احسن

فهانقدر نعرف امتى ندخل وامتى ننتظر حتى تتضح الصورة

وباذن الله هاتكون فيه اجابات لكل التساؤلات اللى قلتيها

لما نكمل الموضوع

على فكرة الموضوع مع عدد المشاهدات اللى بقى اكبر من 1700 ده ومع كل الشرح والردود الجميلة دى، الموضوع اتفتح من اقل من يوم ونصف فقط

فباذن الله مع اكتمال الموضوع هايبان حاجات كتير اوى

وصدقونى هاخليكم تشتغلوا بإيديكم وتطلعوا فرص لايف مافيهاش نقاش

يعنى مافيهاش رسم الترند غلط ولا ان اليوم ده عشان آخر الشهر فبيمشى عشوائى ولا ولا ولا

وصدقونى هاتعرفوا اتجاه الخبر قبل صدوره

يمكن مش كتير هايصدق النقطة الأخيرة دى

بس هانشوف

والتجربة خير دليل

خلى بالك، انا مش باقول ان انا اللى هاقول لكم لا

انتم اللى هاتعرفوا الحاجات دى وهاتنزلوا الفرص هنا بنفسكم ان شاء الله تعالى

اليوت، جان، ستيف وغيرهم الكثير ممن اشتهروا فى هذا المجال، هم عبارة عن ايه؟؟

هم مش منزلين من السما، دول ناس عادى جدا زيى وزيك، اكيد لما ابتدوا مجال الفوركس ماكانوش عارفين حاجة وشوية شوية تطوروا، وكان عندهم أفكار كانت غريبة شوية فى زمانهم لحد لما اثبتت جدارة فانتشرت وبقت أسماء معروفة ولهم تلاميذ وبقت طرقهم تدرّس

ليه الناس حاسة ان مافيش تانى خلاص هم دول وبس؟ ماتحاول وتجرب يمكن تكون واحد منهم، ويمكن تكون أفضل منهم، العرب هم أساس كل العلوم

الفكرة كلها فى رأيى تتلخص فى قوة الملاحظة والمتابعة وحسن التفكير وجودة التحليل (ولا أقصد التحليل الفنى، ولكن التحليل عموما)

السعر هو الأساس ومن كتر متابعته تنتج الأساليب

زى أشكال الشموع

دول شوية يابانيين قعدوا قدام الشارت ولاحظوا حاجات من كتر متابعتهم

لقوا لما بتتكون شمعة (سموها بعد كده شوتنج استار) بينعكس السعر وبينزل

طيب بذمتك كام شوتنج استار بتحصل والسعر بيكمل صعود كتير كمان بعدها؟

وحتى استيف نيسون (ده الراجل اللى ترجم ونشر موضوع الشموع اليابانية وليه كتب كتير فى المجال ده) فى كورساته بيقول ان لما بنلاقى أى شكل من أشكال الشموع بيكون مجرد دليل أو يرجّح احتمالية انعكاس الترند مش لازم ينعكس بالفعل، وكمان لازم من تأكيده بحاجات تانية (اللى هى كانت الدعوم والمقاومات الأفقية) يعنى تاااااااانى هى دى الأساس

طيب

لما نلاحظ حاجات على الشارت ومن اسلوب تحرك السعر برضة، بس تخلينا نقدر ناخد الاتجاه من أوله قدر الإمكان مش ده كويس؟

لما نقدر نتوصّل (سوا) الى ان الأخبار ماتفرقش معانا ونتاجر فى أيام الأخبار عادى بل ونستفيد من قوة اتجاه الخبر مش ده جميل؟؟

أنا عاوز أسأل سؤال، لما بلاش نتاجر وقت الأخبار (وما أكثرها) ، وبلاش طبعا يومى الخميس والجمعة لما فيهم من احداث وقوة تحركات تعصف بالحسابات، وساعات بلاش يوم الاثنين عشان ده اول الاسبوع ولا يقل خطورة عن الخميس والجمعة، وبالتأكيد نستبعد أول وآخر كل شهر عشان تقفيل الشهر (اذا كنا مابندخلش فى نهاية الاسبوع هاندخل فى نهاية الشهر؟ دى حاجة بالعقل حتى)، ونستبعد آخر شهر فى السنة (تقفيل ميزانية دول بقى وخروج ناس كتير من السوق لتسييل فلوس قبل الأجازات وحاجات كتير تانية انا مش عارفها) ده طبعا غير الأجازات الرسمية خلال السنة

حلو جدا الشغلانة اللى بتشتغل يوم الاربعاء 21 مارس (ده لو انت فاضى وما بتحتفلش بعيد الأم) ويوم الثلاثاء 11 سبتمبر (ربنا يجعل كلامنا خفيف عليهم) وبسسسسس والباقى اجازات لصعوبة السوق

بالذمة ده كلام؟؟ امال داخل الفوركس ليه

فلما نقدر نشتغل كل الايام (اللى فيها فرص طبعا) وفى اى وقت مش فترات معينة (عند اكتمال الفرصة) وانت بنفسك وباقى الأعضاء هاتنزلوا فرص هنا انا متأكد باذن الله

بس يارب ساعتها تفتكرونى مش تاخدوا الموضوع وتبقوا مليونيرات وماحدش يعبّرنى

أزّوج ان كل عملةمختلفة عن الأخرى
صحيح بيكون فيه بعض العملات متشابهة فى الحركة ولكن ليست متطابقة
فعلى سيبل المثال اليورو والباوند
دول اشهر عملتين يُقال انهم متشابهين
ولكن كم من المرات تلاقى الباوند منطلق نزول مثلا واليورو واقف بيتفرج
والعكس صحيح
بل ومن الممكن يمشوا عكس بعض احيانا
فانا احب اعامل كل عملة لوحدها

المهم

انا عملت تيمبلت للشموع فقط (فاضى يعنى) بس عشان نوفّر وقت تظبيط الالوان والشموع وكده
واهى بداية الغيث قطرة (حاجة كده لحد بكرة)

ولو فيه اى سؤال زى ماتفقنا عشان نبتدى على ميّة بيضا (زى ما بيقولوا)

النقطة دى ممكن نتكلم فيها كتيييييير
بس عموما وباختصار

هو اليورو والباوند فى ترند صاعد واضح جدا
بس انا باعمل حاجة تانية غير كل الناس
انا باحب استفيد من كل شىء
هو صحيح طالع انما ليه لما ييجى يريح ماستفيدش من الترييحة دى؟ ههههه
انا ماقلتش ده تغيير اتجاه ولكنه هاينزل وبالفعل نزل شوية
انا كنت بايع اليورو من 870 وبعدين لقيته غير اتجاهه قبل الهدف اللى كنت حاطه ب 10 نقاط فقفلت فورا
وزى ما قلنا سابقا مش عيب ابدا انك ترجع فى كلامك وتوقعك مع ظهور الجديد فى تغيرات السوق، انما العيب حاجتين أولا انك تخسر، وثانيا انك تعاند وتقول انا صح وكل الدلائل ضدك
ثانيا كنت بايع الباوند من 330 فى شمعة الساعة 10 زى ما قلت والحمد لله نزل شوية حلوييييين بالنسبة لترند صاعد ، حاجة وستين نقطة مع اليورو، ولله الحمد قمّة الرضا
الفكرة اللى باقولك ممكن نتكلم فيها كتير وهى موضوع القناعة
انا من الناس اللى تحب تقفل على الربح ومش لازم يبقى كتير
هاديلك مثل
انا شوفت مشاركات (مش هاقول مين) واحد شاطر وما شاء الله دخل صح وكسب فوق ال 60 نقطة ولكنه وضع الاستوب على الدخول وهدفه مش فاكر 80 ولا 100 حاجة كده
فرجعت الصفقة وضربت استوب
صحيح هو ماخسرش
ولكنه ماكسبش
فيبقى ليه المخاطرة من اساسه؟؟ ماكانش يدخل احسن

انا فى رأيى لو كان قفل على مكسب 60 وبناقص ال 20 اللى فاضلين على الهدف اللى فى مخيلته
كان بكرة فى صفقة تانية يكسب اكتر منهم
بل وهايكون عنده عمق دفاعى 60 نقطة من امبارح حتى لو خسر النهاردة هاتبقى خسارته من مكسب امبارح مش من راس المال (كانهم ماجوش امبارح زى ماهو حصل بالفعل)
بس على الاقل هايتاجر مرتاح اكتر بكرة
وبكده ممكن يكسب بكرة اكتر عشان هايدخل فرص باستوب افضل وتارجت اعلى
ويقفل على مكسب
فبعد بكرة يزيد
وهكذا يشوف حسابه بيكبر تراكمى

السوق مش هايجرى والفرص مش هاتخلص
انا لو اخدت من كل فرصة 20 او 30 نقطة بسسسس ودخلت كذا فرصة هاتلاقينى عامل فوق ال 300 نقطة فى يوم الزوج مامشيش فيه ال 300 نقطة دول اساسا
يعنى لو واحد واخد اليوم من اقل نقطة لأعلى نقطة انا هاكون كسبان اكتر منه

ورأيى كمان ان السوق ده صعب، فقدر الامكان تكون بعيد عنه ومتفرج افضل
لحين اصطياد الفرصة الممتاااااازة
تدخل تاخد حظك منها وتجرى
وتحتفظ بفلوسك (وفلوس الفوركس) فى جيبك
وتقعد باشا هههههه
تنتظر الفرصة التانية والتالتة
او تعيش حياتك
بدون قلق ان فيه تريدة ويمكن تعكس ويمكن مش عارف ايه
عيييييييييييييش
انت بتشتغل عشان تجيب فلوس عشان تعيييييييييييش
مش عشان نموت جنب الشارت ههههه

ويارب مايطلعليش ناس من بتوع السوينجات يقولولى كلامك فارغ
انما ده اللى انا باعمله وده اللى مناسب معايا
والحمد لله

بسم الله الرحمن الرحيم
نبدأ التطبيق العملى

أولا
شرح مبسط للتيمبلت عشان جاتلى فيه اسئلة على الخاص
شمعة السعر اللى الاغلاق فيها اقل من الافتتاح بتكون لونها احمر
واللى الاغلاق فيها اكبر من الافتتاح لونها اخضر

فيه خطوط منقطة بالطول ودى ذات اهمية قصوى
دى بتسمى (Period Separator)
يعنى فاصل لكل فترة
لو انت على فريم الساعة بيكون الفاصل ده كل يوم (بتوقيت البرنامج بتاعك)
ولو نقلت على فريم ال 4 ساعات بيكون الفاصل ده كل اسبوع
ولو انتقلت لليومى هايكون الفاصل كل شهر
اما لو انت فى مدرجات الدرجة التالتة هايكون الفاصل اعلانى

دى حاجات بدائية جدا ولكن بالفعل الناس سألونى فيها
ولكن مهم شرحها عشان هانستخدمها بعد شوية

نيجى بقى للمهم
عاوزين تركيز من فضلكم
فيه اداة فى البرنامج اسمها
Linear Regression Channel
ودى المسئولة عن رسم قناة على عدد شموع معينة
طيب ولو الأداة دى مش موجودة عند فى التوول بار؟
نعمل الاتى
ندوس بالماوس الزرار اليمين على أداة رسم خط الترند
ونختار من القائمة اللى هاتطلع
Customize
ونختار من اللستة على الشمال الأداة اللى قلنا عليها وندوس
Insert
هانلاقيها بقدرة قادر بقت على اليمين
وندوس اوك

كده الأداة بقت موجودة عندنا على طول فى التوول بار

الأداة دى بقى بتعمل ايه؟

دى بترسم قناة اوتوماتيك على الشموع اللى انت بتحددها

يعنى ببساطة بتعمل حاجة شبه الترند على متوسط الشموع اللى انت بتختارها فى فترة معينة

طيب ايه الفايدة؟

أولا انت مش بترسم الترند بإيدك فلا مجال للخطأ، أو انى أقولك بعد شوية لأ دانت راسم على قمتين مش صح، ولا الترند مش ماشى على الذيول مظبوط

ثانيا دى بتعمل قناة يعنى مش ترند بس لا، دة كأنه ترند من فوق ومن تحت، فبتدى فرصة يا اما تتداول داخل القناة على الارتدادات، او تتداول على كسر القناة اما من فوق أو من تحت

طيب كل ده كويس

تعالى بقى نستخدمها

أولا هانخلينا على عملة واحد وفريم واحد مبدئيا لما نخلص سوا تبقى تغير اللى انت عاوزه

هانختار عملة الكيبل (الباوند دولار) وفريم الساعة

ثانيا نختار الأداة من التوول بار (ماهى بقت موجودة خلاص)

وتيجى على اليوم اللى قبل اللى انت عاوز تختبره وتعمل دراج (يعنى تدوس بالماوس وتشد من غير ماتسيب) من اول اليوم لحد آخره (من الشمال لليمين)

وطبعا انت معاك الفواصل يعنى هاتسهل لك كل حاجة

مثال

لو انت عاوز تختبر اللى حصل النهاردة مثلا (النهاردة 2 فبراير)

هاتيجى على امبارح (1 فبراير) وترسم بالأداة من أوله لحد آخره (من الفاصل للفاصل)

وياريت نكون مستخدمين برنامج متوافق مع توقيت مصر (جرينتش +2) عشان ده اللى انا شغال عليه بقالى 6 سنين الوقتى لأن لو اختلف التوقيت هاتختلف الشموع خلال الفواصل فهايختلف شكل القناة والله اعلم هايحصل ايه تانى

ماشى كده لحد الوقتى ولا فيه أسئلة؟

مافيش؟

طيب تمام

نعمل دبل كليك (ندوس مرتين) على خط المنتصف فى الخطوط اللى اترسمت بالأداة عشان يتم الاختيار

وندوس يمين بالماوس ونختار

Properties

او الخواص

ومنها نختار الاتى

من التاب الأول هانسيب الاسم زى ماهو مش فارقة

ونختار اللون

Indigo

أو أى لون يعجبك بس انا باقول عشان توحيد الشارت فى الفرص بعد كده ان شاء الله

وتعلّم صح على الاختيار

Draw as Background

وده بيخلى الخطوط المرسومة تظهر على شكل مستطيل ملون بدلا من خطوط فارغة

وبعدين تنقل على التاب التانى واسمه

Parameters

وتعلّم صح على

Ray

وده بيخلى الخطوط ممتدة مش لحد آخر اليوم وخلاص

وأخيرا تروح على التاب التالت واسمه

Visualization

وتشيل علامة الصح من على

Show on All Timeframes

وتحط صح على

H1

وبكده يظهر اللون فى فريم الساعة فقط عشان الباقى له نظام تانى

وتدوس اوك وبالهنا والشفا

اللى ظهر عنده حاجة غير الصورة دى نحاول نظبطها مع بعض
انما لو شبهها يبقى ندخل فى اللى بعده

التمبلت
https://www.4shared.com/rar/fgCFWWGCei/mgy_base.html

نبتدى المرحلة التانية

طبعا مش هانكرر هنا خطوات وضع الأداة عشان خلاص هى موجودة

هانعمل نفس اللى عملناه من رسم بالأداة انما المرة دى هايكون من اليوم اللى قبل اللى قبله (يعنى فى المثل بتاعنا من اول يوم 1 مارس)

نختار الأداة ونعمل دراج (خلاص عرفناها من قبل كده) من فاصل بداية اول امبارح (1 مارس) لحد نهاية امبارح (2 مارس)

يعنى نهاية الخطوط واحدة اللى هى بداية يوم التجربة اللى هو النهاردة كمثال

ولكن بداياتهم مختلفة، واحدة تحتوى شموع يوم، والتانية تحتوى شموع يومين

هانيجى بقى على التانية (الجديدة) ونعمل دبل كليك ونعمل نفس الخطوات السابقى تماما

بس كل الفكرة اننا هانغير اللون فقط ونجعله لون

MidnightBlue

اللى هو جنب اللى فات على طول

هى الأداة واحدة ولكن يختلف شكلها باختلاف الشموع التى تحتويها
ومن هنا تيجى اختلافات الاستخدام

يعنى لما نلاقى شكل زى الكيبل النهاردة مثلا (اللى هو موجود قدامكم)
من قبل ما اليوم يبتدى خالص
خلى بالك ان الأداة مرسومة على شموع امبارح وأول امبارح
يعنى أولا مافيهاش غلط فى الرسم ده اوتوماتيك
ثانيا تحديد لليوم الجديد ومن قبل ما يبتدى يعنى مش خلال اليوم
ثالثا امتداد الرسم بيرسم ملامح اليوم الجديد

زى ما قدامنا فى الشارت تخيل ان مافيش شموع لسه النهاردة بس فيه امتداد الألوان
هانقول على بتاع امبارح اللى يحتوى يوم واحد بس (الأحمر) و اللى يحتوى يومين (الأزرق) عشان نقدر نتابع مع بعض
الأحمر والأزرق بيتخذوا عدة أشكال مع بعض (كل يوم بيومه) وكمان عدة تخانات (سواء عريض أو رفيع) وكمان عدة اتجاهات (فوق وتحت وبالعرض) وكل توليفة ولها التعامل الخاص بتاعها

هانلاقى النهاردة عبارة عن ان الأحمر متوسط السمك ومتجه لأعلى والأزرق عريض (تخين) وماشى بالعرض شوية
الحالة اللى زى دى لما السعر يخرج من الأحمر يبقى هاينزل فى الغالب لحد لما يلمس حد الأزرق السفلى او بنسبة غالبة منه

فيكون الدخول بيع من بعد اغلاق شمعة كسر الحد السفلى للأحمر والتارجت نقول تقريبا 80% من المسافة بين الأحمر والحد السفلى للأزرق (ده لحد لما نعرف ازاى ان السوق اكتفى كما قلنا سابقا)
والمثال كما فى الصورة

وزى مانتم شايفين بعد ما كسر رجع عمل اعادة اختبار زى اى ترند ونزل بعدها

وده كان مثل حى النهاردة وتابعنا الصفقة لايف وهى شغالة

فالسعر خرج من الاتنين الأحمر والأزرق وهم شبه منطبقين وبكده السعر بينطلق انطلاق كبير زى ما شوفته
طيب كبير يعنى اد ايه؟؟
هانقول ده واحنا بنحسب التارجت ازاى
بس واحدة واحدة

وللتجربة كل ما عليك انك تدوس على النقطة اللى فى منتصف (الأحمر) أو (الأزرق) وتسحبه على قبل اليوم اللى انت عاوز تختبره وتشوف ايه اللى حصل

مع العلم انى ما شرحتش غير شكل واحد فقط

على فكرة انا كل اللى عندى باقوله بجد وبضمير
ولو كنت باعمل خطوط على 3 ايام كنت قلت

انما سبب دخولى شرا (وكانت ملاحظة كويسة منك) ودى آخرة اللى يجيب صور من اكونت بيشتغل عليه
كان عشان اكتفى نزول على ترس الربع ساعة وكان لازم يطلع كده قبل ما يكمل نزوله فى الساعة
فأخذت الشوية بتوع الطلوع وبعدين نزلنا مع بعض ولله الحمد
..............

هل بالامكان استخدام ماسبق ذكره على فريم 30 دقيقه

وياليت توضيح مفصل عن طريقة الدخول كذلك معرفة ايام التذبذب من ايام الترند

ولو خرج السعر من كلا اللونين هل يعني ان هناك انطلاق قوي

ولو بقي كذلك داخل اللون الاحمر ولم يكسره لاصعودا ولاهبوطا فكيف يتم التعامل معه هنا

كذلك كيف استطيع تحديد الاتجاه من بداية اليوم

00000000000000000000.

لو استخدمته على فريم النص ساعة هاتكون الخطوط هى هى عشان مرسومة على فاصل اليومى ومافيش فاصل اقل من كده
وانا عن نفسى أفضّل فريم الساعة عشان ساعات بعد ما بينزل عن الحد الأحمر بيلمّ نفسه وتقفل الساعة فوقه تانى فإنتظر اغلاق الساعة أفضل

لسه باقى التوضيح هاييجى مع الشرح فى موضوع التذبذب

أيوة لو خرج من الاتنين بيبقى عنيف فى الحركة ولكن يكونوا الاتنين بالشكل اللى فى الصورة يوم 28 ماشيين مع بعض

................

اما عشان نرسم بتاع بكرة فلازم نستنى لما النهاردة يخلص عشان نرسم على الشموع بتاعته
يعنى مع فتحة أول شمعة الساعة 12 بالليل (يعنى كمان ساعتين الا ربع) تقدرى ترسمى توقع بكرة باذن الله

ويا ريت باقى الاخوان يكونوا فاهمين كده
عشان نبتدى نتكلم فى بعض التفاصيل الجديدة
بس مش هاننتقل للجديد الا لما يكون القديم مهضوم تماما

..................

لازم تعرف الأدوات اللى فى ايدك كويس اوى وامكانياتها قبل ما تستعملها
عشان تقدر تستعملها صح، وبكامل طاقتها، وعشان تتلافى عيوبها، وتبعد عن أضرارها.. مش كده ولا ايه

الأداة اللى معانا دى عبارة عن ايه؟
عبارة عن ترند داخلى (بداخل الشموع) وبعدين معمول خط بنفس زاويته علوى وخط تانى بنفس زاويته سفلى، يبعدا عنه بمقدار أكبر بعد لذيول الشموع عن الخط الترند الأصلى

نفهم ايه من الرغى الكتير ده؟
ان الأساسى فى الموضوع هو الخط الوسطانى لأنه هو ده الترند بتاعنا
وعشان كده كما تفضل الاستاذ جان (الجديد) بالشرح، اذا فضل السعر يلمس ويتراجع ومش قادر يكسر خط المنتصف بيعكس

خلى بالك ان الموضوع عبارة عن توليفة من الحاجات مش مجرد خرج تقوم تشترى او تبيع

فيه حاجة مهمة عاوز اقولها النهاردة
ازاى نوصل بالثقة فى الصفقة قبل الدخول حتى نصل الى 100% عشان نقدر ندخلها

مافيش حاجة اسمها 100%
أمال ايه؟ مش هاندخل ولا صفقة؟؟
لا
انما فيه حاجة اسمها الثقة المتراكمة
بمعنى
لما السعر كسر الأحمر مثلا لفوق (زى ما مصطفى والاخوان المحترمين أشاروا فى الشارت) ده بيدينا ثقة انه (احتمال) يكمل طلوع، وكمان (احتمال) يصل للحد العلوى الأزرق
بس هل تكفى كمية الاحتمالات دى عشان ادخل الصفقة؟؟ طبعا لا
امال نعمل ايه؟
مثلا الاحتمالات دى خليتنا واثقين بنسبة 30% ان الاتجاه صعود
طيب ده لسه كتير اوى فاضل 70%
ندخل على الفريم الأكبر عشان نعرف احنا فين من الخريطة (ده هايتشرح بالتفصيل فى مشاركة تانية النهاردة برضة باذن الله) فلو كان الفريم الأكبر يؤكد الصعود زادت النسبة مثلا ل60%
لسه فاضل 40 (اخلص بقى امال هاندخل امتى؟)
لما نلاقى سلوك السعر (وده أهم حاجة فى الفوركس وهو ده القائم عليه اى استراتيجيات او ملاحظات، انت اساسا بتلاحظ سلوك السعر، وكل اللى بنعمله ده ناتج عن ملاحظات لسلوك السعر، فماتخليش الملاحظات تحجب رؤيتك لسلوك السعر الأصلى)
بمعنى، لما مثلا يكون الكسر بقوة فده دليل على انه مكمل بقوة باذن الله
حتى لو عمل اعادة اختبار
انما لما يكون السعر ما بيتدلع زى الكسر اللى عمله الكيبل النهاردة مش هادخل الا لما تكون فيه اشارة تأكيدية
يعنى مثلا رجع عمل اختبار ورد بقوة شوية
نزل شوية لحد ما خبط فى دعم سابق
عمل شكل شمعة من بتوع الصعود (هامر محترمة ولا بيرسينج ولا بولش انلجلفينج ولا حاجة من دول)
المهم يكون فيه تأكيد من سلوك السعر نفسهمثلا وصلنا كده لل 90%
فاضل حاجة بسيطة ويمكن الاستغناء عنها (احنا وصلنا ل 90 بلاش طمع) ودى هايكون شرحها قداااام شوية بعد ما نتمكن من الأداة دى عشان مانتوهش، كمان ممكن نقدر نشتغل من غيرها (بس هاتتقال برضة ماهو كل شيج انكشفن وبان)

المهم
عاوزين الرزانة
عاوزين يبقوا الاخوان هاديين وراسيين فى الدخول
نقطة الدخةل لما بتكون صح بتريح المتاجر
ويقدر يقسّم على السوق براحته
انما لما بتكون غلط والعياذ بالله
بيبقى مش عارف يعمل ايه
هل يعزز؟ هل يقفل على خسارة بسيطة؟ ولا يعمل هيدج ويستنى؟ وطول ماهو قاعد يلوم نفسه ايه اللى دخلنى، ويلوم اللى عامل الموضوع (اللى هو انا) وفى الآخر يلوم الفوركس انه نصب
ادخل صح حتى لو تستنى كذا يوم من غير متاجرة (انا عارف ان ده صعب للمدمنين) انما اقرا استراتيجية المسطرة (هنا فى المنتدى اعمل بحث هاتلاقيها) قديمة شوية بس حلوة
فحاول تسيطر على شعورك وادخل من نقطة صح
واحد رد على مصطفى خالد فى موضوع سابق ليه وقاله كلمة حكمة
"انا باستنى السوق لما يتحايل عليا عشان ادخل"
فعلا كده
يوم زى امبارح
انت صحين من النوم مثلا لقيت فرصة بيع الكيبل فاتتك بس هو لسه ماوصلش للحد السفلى للأزرق
فانت عشان مايروحش اليوم من غير ماتفتح صفقة قمت بايع من النص
فلما الكيبل طلع الطلعة القوية دى انت خسرت كتير فقفلت بسرعة عشان ده تغيير اتجاه فراح مكمل نزول للهدف الحد السفلى وانت خسرت

يعنى شوف اللى حصل
انت عارف الاتجاه
وعارف رايح لحد فين
ومع لك خسرت
ليه؟ عشان دخلت غلط

تعالى نشوف اللى دخل صح
لو دخلت الفرصة من اولها هاتقسّم وتبيع وتشترى وتلعب لعب ماعملهوش ابو تريكة
لو صحيت متأخر زى أخينا الأولانى بس انت عاقل، قلت مش هادخل صفقة من النص، وبناقص النهاردة، بس بتتابع برضة، مش بناقص النهاردة وتقفل الجهاز (على الأقل تشارك معانا هنا فى الموضوع )
فلما طلع الكيبل الطلعة دى انت استغليتها وبعت (تقريبا انت بعت للراجل الأولانى اللى خاف وقفل)
ونزل بيك لحد التارجت المعروف

يبقى يا اخوانى
الدخول الصح بيريح المتاجر
أدخل بسبب (ولو عرفت تكتب السبب يبقى كويس ليك)
وكمااااااااااان
أخرج بسبب

طيب

عاوزين بقى نعمل شغلانة تانية

هانجيب شارت ال 4 ساعات (كيبل طبعا احنا مثبتين عليه) وبعدين نعمل نفس اللى عملناه فى شارت الساعة بنفس الأداة ونفس الألوان بس مع تغيير حاجتين

أولا انك تختار فى خانة

Visualization

انها تظهر على ال 4 ساعات

يعنى تعمل صح على خانة

4H

وثانيا

هانرسم برضة بنفس المنطق على الفواصل

ولكن الاختلاف هو قيمة الفواصل

اللى هاتشير المرة دى الى اسبوع واسبوعين بدلا من يوم ويومين

وفى الحالة دى هانرسم الكلام ده مرة فى الاسبوع عشان نحدد ايه اللى هايحصل خلال الاسبوع ده باذن الله

وبناء عليه نقدر نحدد هانعمل ايه على مستوى الساعة

يعنى

رسمنا على ال 4 ساعات مع بداية يوم الاثنين الرسمة بتاعتنا

وبعدين لقينا السعر عند حد القناة السفلى مثلا على ال 4 ساعات

وروحنا على الساعة لقيناه بعد شوية عمل كسر للأحمر لفوق بقوة

يبقى انت عاوز ايه تانى عشان تدخل؟

على الحد السفلى لل 4 ساعات (يعنى اسبوع بحاله شرا) و كسر على الساعة الأحمر يعنى شرا برضة، والكسر كان بقوة او اعادة اختبار ارتدت بسرعة، يعنى سلوك سعرى موجب

يبقى تدخل انت كمان بقوة وانت مستريح الضمير ههههه

تاخد ربحك وتحمد ربنا وبعدين تقفل الشارت وبعدين تيجى تفرحنا هنا، وبعدين تقفل الكمبيوتر، وبعدين تقوم تشوف حياتك بقى انا مش هاقولك تعمل ايه فى كل حاجة

يبقى دة كده يورينا الشكل الاسبوعى ممكن يبقى عامل ازاى

والتفاصيل الدقيقة مع شارت الساعة

مثل عملى (بس اعملوا شارت ال 4 ساعات الأول عشان تتابعوا معايا)

ده شكل الكيبل على ال 4 ساعات عشان يوضح شكل الاسبوع اللى جاى هايحصل ايه

هانلاقى انه اول الاسبوع مابتدى نزل شوية صغيرة لحد لما لمس الحد السفلى للأزرق

تمام؟

وبعدين راح طالع بقوة وعمل شمعة بولش انجلف (مش مهم تكون عارف فى الشموع اوى) المهم انه ارتد لما لمس الحد السفلى للأزرق

كل ده احنا مالناش دعوة

كل ده فى انتظار الصفقة الصح

بلاش ايدك تاكلك

نقوم داخلين على شارت الساعة بقى بتاعنا

هانلاقيه شكله زى اللى فى الصورة

حصل ايه؟؟

كان الاحمر والأزرق فوق بعض تقريبا، وعرضهم متوسط نوعا ما، وده من أقوى الأشكال اذا اتكسر

وراح السعر كاسر الاتنين بقوة

ورجع عمل اختبار وشوف راح فين

مع ان اليوم ده تلاقى ناس كتير بتعيط وعمالة تكتب انها خسرت جزء كبير من حسابها او الحساب كله

وانت تحمد ربنا زى ماقلنا على نعمته ان كسبت مكاسب محترمة جدا فى اليوم اللى الناس بتشتكى انه صعب جدا جدا

وبعدين

الناس كلها لما شافت الطلعة القوية جدا اللى حصلت (اللى احنا عارفينها من قبل ما يبدأ الاسبوع من فريم ال 4 ساعات ولله الحمد واخدناها من اولها لآخرها) بعد ما شافوا اللى حصل قالك ده ترند صاعد و و وهانستناه عند كذا وما حدش يبيع الكيبل واللى يبيع ده مجنون

يقوم ييجى يوم زى امبارح

على شارت ال 4 ساعات السعر تقريبا وصل للحد العلوى للأزرق (يعنى اكتفى صعود، فاكرين التروس؟، عاوزين نصحى مع بعض)

وعلى شارت السعة فى نفس الوقت كسر الأحمر لتحت وعمل اختبار، تقوم حضرتك عامل اييييه؟؟ باااايع

فى الوقت اللى كله بيقول شرا شرا شرا

تاخد منه حظك وتحمد ربنا (ماتنساش دى)

مع العلم انك لسه عارف انه على ال 4 ساعات مكمل صعود شوية، فماتفتريش فى النزول اوى عشان هايردهم تانى

ومن هنا تبقى قادر تتابع موضوع التروس المتداخلة قدر الامكان

من خلال معرفتك الاسبوع هايحصل فيه ايه، وللدقة من خلال الساعة على اليوم هايحصل فيه ايه

والأداة دى ولا هاتغلط وانت بترسمها، ولا بتعيد رسم نفسها مع السعر )عشان هى بتترسم على سعر قديم مش متغيرة مع الجديد) ، وبترسملك طريقك لقدام

وممكن كمان تعيد نفس اللى عملناه على الشارت اليومى بنفس الشكل

وده عشان تقدر تحدد الشهر ده هايكون نظامه ايه عامة، قبل ماتدخل فى التروس الأصغر

طبعا اكبر من كده يبقى افترا بقى، مش معقول عاوز تعمله على شارت الاسبوعى عشان تعرف السنة اللى جاية هايحصل ايه ههههههه

ده كان اقصى آمال الناس انها تعرف الشمعة بتاعت الساعة اللى جاية طالعة ولا نازلة وعملوا 100 مؤشر و 100 موضوع لده

فلما يكون اقل حاجة عندك انك تعرف يوم بحاله هايحصل ايه (قدر الامكان طبعا عشان ده غيب، انما محاولات) فحلو اوى اوى اوى وتحمد ربنا على نعمته

انا داخل شرا بالفعل زى ماهو باين عندكم فى آخر صور
بس داخل بلوت قليل شوية
انما هل الهدف هايكون زى مانت قلت ولا لا
ده اللى هايحدده شكل الشموع وسلوك السعر خلال اليوم
عشان كده انا باكون متابع على طول عشان التغيرات التى تطرأ اقدر اتصرف معاه
وربنا يكرم

.........

اولا كويس اوى انك واخد بالك من موضوع خط المنتصف بتاع ال 4 ساعات ده كلام جميل يدل انك متابع وفاهم
انا مش بابص على موضوع النماذج والراس ولا الكتاف ولا حتى الرجلين
انما باعمل ادارة راس مال صاااااارمة
ودى لسه ماتكلمناش فيها خالص

الاستاذ دينصور اللى بيقول عكس
دانا قايل الدخول بنص العقود (نص اللى انا بادخل بيه مش اللى انتم بتدخلوا بيه وهانعرف الفرق بعدين) من 50 وانت كاتب مشاركتك لما كان السعر 240 فين اللى عكس؟؟
عاوزين نتقل شوية ومش اى ارتداد يهزنا طالما عارفين الاتجاه الصحيح قدر الامكان
انا بالنسبالى موضوع ادارة راس المال لا يقل اهمية عن اختيار نقطة الدخول ابدا
ولسه ماتكلمناش فيه خالص

بس كويس
ادينا بنشوف تجارب عملى مع بعض
وده اللى خلانى اقول اول حاجة الصبح بلاش حد يدخل الا لما نكمل الموضوع شوية

ملحوظة هامة

النهاردة ثالث يوم للموضوع فى المنتدى
تفتكر هاتكون لمّيت خبرة 8 سنين فى 3 ايام الا ربع؟
او هاكون انا اساسا لحقت كتبتها؟
الصبر ثم الصبر
الواحد بيتعلّم 4 ولا 5 سنين فى الكليّة المتخصصة ، ده بعد 12 سنة تعليم لحد ثانوى
وبعد 18 سنة تعليم يتخرج عشان يبتدى يرمى كل اللى اتعلمه على جنب ويبتدى يتعلم بقى من الحياة العملية
عشان فى الآخر يتوظف بملاليم

لما نيجى نتعلّم الشغلانة اللى بتجيب الملايين (مش ملاليم هى شبهها شوية) عاوزين نلمّ بيها فى يومين؟!!!! اظن صعب شوية

بالنسبة لسؤالك
المواقف دى مش بتتكرر كتير ابدا
وبالنسبة للتعامل معاها هانشوفه عملى باذن الله

اما بالنسبة لادارة راس المال هاقوله حالا فى المشاركة اللى جاية عشان الناس اللى مش عارفه تصبر لكل حاجة فى وقتها

ادارة راس المال

الموضوع ده لا يقل اهمية عن الاستراتيجية
بل هو جزء لا يتجزّأ منها

أنا عن نفسى وكل واحد يشتغل بلإسلوب اللى يريحه، انا مجرد باشرح اسلوبى ومابالزمش بيه حد

فلنفترض ان راس مالك 25000 دولار (خمسة وعشرين الف عشان اللخبطة فى الاصفار)
فانا بادخل بلوت واحد بس استاندرد
يعنى 10 لوت مينى
يعنى لوت 1 مينى لكل 2500 دولار
يعنى لوت 1 مايكرو لكل 250 دولار
انا حاسس انى فى فرح هههه

وكمان مش بادخل باللوت كله الا اذا كانت الصفقة جايبة نسبة 100%
صفقة زى بتاعت النهاردة عشان تبقوا متابعين معايا
انا شخصيا عملت ايه؟
طبعا السعر على ال 4 ساعات مش لامس ولا كاسر اى حاجة عشان نقول طلوع جامد زى اول الاسبوع (شرحناه قبل كده)
وعلى الساعة شكله تعبان وكسر الأحمر كسرة مش اد كده
انما انا دخلت برضة
بس بأد ايييييييه؟؟
وارجع لمشاركتى هاتلاقينى كاتب داخل بلوت قليل، صح؟
ماقلتش اد ايه عشان ماكناش شرحنا ادارة راس المال

انما انا بادخل كل صفقة حسب نسبة نجاحها (ومانصحش حد يعمل كده الا لو كان متمكن او حسابه كبير، يفضّل الانتظار حتى تكتمل كل الشروط)

فانا ال 100% بتاعتى بادخل زى ماتفقنا ب 10 عقود مينى لكل 25 الف
ولكن انا دخلت فى صفقة النهاردة عشان نسبتها قليلة ب عقد واااااحد مينى لكل 25 الف
وبعد الارتداد الى 250 ولمس ترند ال 4 ساعات الاوسط قلت ندخل بنصف العقود
يعنى 5 لوت مينى
يعنى هانزود 4 على اللى داخلين بيه اساسا
فيبقى المجموع الحالى
1 لوت من سعر 286
و 4 لوت من سعر 250

تعالوا نحسبها سوا
مجمل الخسارة الحالية والسعر الوقتى وانا باكتب 238
1 لوت =-50
4 لوت =-48
يعنى توتال حوالى 100$ من أصل 25 الف !!!!!!!!
آدى حاجة
الحاجة التانية لو انت خوفت من التريدة
أو بانت اشارات هبوط
او اى حاجة تانية
يكفيك ان السعر يطلع 8 نقاط فقط عشان تقفل الكل على صفر
ده لو انت مش عاوز الصفقة دى
8 نقاط

اما لو نزل تانى مثلا
فهاشترى ال 5 لوت اللى فاضلين عشان ابقى مجموع كللللللل اللى عملته 1 لوت استاندرد لكل 25 الف دولار
منتهى ادارة راس المال
والفكرة دى احقاقا للحق مستوحاه مع بعش التعديلات من موضوع واحد محترم جدا زمان كان فاتح موضوع توصيات على الكيبل فقط اسمه الاستاذ
الدُبعى

طيب واحد هايقولى ان كده الموضوع مش هايبقى جايب همّه كنسبة وتناسب
لا نحسبها
خلينا انك ما بتاخدش غير الصفقات ال 100% بس يعنى مش بتلقّط رزقك من هنا ومن هنا

هل مش هاتلاقى صفقتين بس 100% فى الاسبوع؟ ده بدون اى تلقيط
هاتلاقى اكتر من كده بكتييييير ممكن واحدة واتنين فى اليوم مش فى الاسبوع
انما خلينا هم 2 فى الاسبوع
كل واحدة تاخدلك 100 نقطة (داحنا امبارح بس ولايف عاملين ييجى 200 طالع نازل)
انما هانقول 100 نقطة فى صفقتين يعنى 200 نقطة فى الاسبووووووووع (خليها علينا)
يعنى حوالى 800 نقطة فى الشهر (ده لو كان كل الشهور 4 اسابيع بس انما برضة خليها علينا)
لما تكون داخل ب عقد مينى لكل 2500 دولار يعنى النقطة بدولار
يبقى فى الشهر مكسب 800 دولار من أصل 2500 يعنى اكتر من التلت كل شهر (ده واحنا جايين على نفسنا كتير)
ومع ذلك قمة الأمان
عشان انت داخل من نقطة المفروض 100% عشان تدخل بالعقد كله
فهل بعد ال 100% هايرجع عليك 2500 نقطة؟؟؟؟

فانا مش هاحسبهالك فى السنة كام عشان ماتتخضش ولا هادخل الأرباح فى دورة راس المال عشان مايغماش عليك
انما هاقولك على حاجة صغيرة
البنك لو انت حاطط فيه بالمصرى بيديلك نسبة 7% فى السنة (ياخى عيب اوى اللى يقول المكسب كده قليل احنا بنقول حوالى 40% فى الشهرررر)
اما لو حاطط بالدولار بتاخد ما شاء الله نسبة 1.75% فى السنننننة
يعنى لو حطيتهم فى الدولاب هاتفتح اخر السنة هاتلاقيهم زادوا عن كده

وممكن التعزيز (اللى هو التبريد عشان ماحدش يزعل منى) بلوت تانى ده اذا ارتد عليك تانى اكتر
وده مابيحصلش الا اذا انت داخل غلط خالص من الأول
ومع دخولك غلط
ادارة راس المال ممكن تطلعك من الورطة دى

الوقتى ايه الاخبار؟
مش قلتلك العبرة بالنهاية؟

باسلوب ادارة راس المال اللى قلنا عليه كان وصلنا للصفر بعد كل الانعكاس ده من سعر 258
والوقتى وانا باكتب السعر 275يعنى فيه مكسب حوالى 100 دولار لكل 2500
وده واحنا داخلين بنص العقود بس
وكمان لسه السعر ماردش لنقطة الدخول الاولى

انا اللى يهمنى فى القصة دى يا اخوانى انكم تتعلموا الفكرة بالتطبيق العملى
يعنى احنا عملنا تطبيقات لايف امبارح
وآدى النهاردة كان مثل على الارتداد وطلعنا بمكسب مش بطال برضة
انما مش مجرد توصية او حد يسألنى ابيع امتى ولا اشترى امتى
انت اللى تاخد قرارك
وانا كل اللى عليا اقولك الكيفية، انما عاوزك انت اللى تعرف تحدد

ادرس بقى شوية اللى اتقال ده كله
عشان واضح ان فيه بعض الناس ماقريتش كل المشاركات
وانا ساعات باشرح حاجات فى ردودى على الناس
يعنى كل المشاركات مهمة
فرصة بقى الاجازة بكرة وبعده
اقروا بقى بتمعّن
مع عمل باك تيست بنفسك
ماتستناش حد يعمله ويديلك النتيجة

وبالنسبة للاستوب للأسف بتعارض مع كل الناس وماباشتغلش باستوب ابدا
وماتتعبوش نفسكم وتقنعونى ان الاستوب بيعمل وبيعمل وبيحمى الحساب و و
مع ادارة راس المال الصارمة ونقط الدخول القوية اللى فى الغالب مع اتجاه الترند انت مش محتاج استوب ابدا
ومهما هاقوك مش هاقنعك ومهما هاتقول مش هاتقنعنى ولكن...
بيننا الاستراتيجية
انا عدّى عليا ايام فى منتهى الصعوبة
فلّست فيها بنوك وشركات ومحلات فول كمان

زى الفترة من أول شهر 8 سنة 2008
شوف الاستراتيجية اللى انا شرحتهالكم عاملة فى الفترة دى ايه
الفترة السودا على العالم كله، تقريبا كانت افضل الفترات
بتكسب حتى لو انت مش عاوز
عشان بتدخل مع الترند غصب عنك
والسعر ايامها كان بيمشى بال 500 نقطة فى الساعة (فاكرها انا الساعة دى)
واحد صاحبى كان شغال معايا وكان معايا ساعتها على التليفون
والله بقى مش عاااااارف يقفل الصفقة مش عارف
وكل ما يدوس يقولوا السعر اتحرك
كان نفسه يقفل الصفقة على 60 نقطة ومش عارف
وبيقى يقول على التليفون طب كده كفاية عاوز اقفل والبرنامج مش راضى
لحد لما قفلها على 300 بالعافية لما السعر هدى شوية
ههههههههههههههه
والله بيكسب وهو مش قاصده

المهم انها فى اصعب الفترات كانت تمام
بس حضراتكم جررررربوا
ماتحكموش وخلاص

اما الهدف فانا قلت امبارح اول ما بالاقى ان السعر كده اكتفى
هاتقولى طيب مانا مش هاعرف دى
هاقولك حاجتين
اول حاجة دى هاتيجى بالخبرة وكتر الممارسة على موضوع التروس وانتم بقى عندكم شكل التروس من الاكبر للاصغر اهو
والحاجة التانية هى انك بتكون كسبان كده كده فأصبحت مشكلتك الوقتى انك عاوز تقفل على اكبر مكسب، مش انك تكسب او حتى تحافظ على راس مالك
يعنى واحدة واحدة بلاش طمع
هو يا اما السوق يخرب بيتنا يا اما احنا نخرب بيته؟ ههههه

قريت فى موضوع مش هاقول اسمه عشان لسه مفتوح
كذا واحد بيرد بيقوا انك لو عرفت تحافظ على راس مالك بس فى السوق الصعب ده يبقى انت كده كويس اوى اوى

طيب ياخى انت داخل ليه؟ مانت تقدر تحافظ عليه فى جيبك
داخل الفوركس الخطير ده عشان ربنا يكرمك وتقدر تحافظ على راس مالك او ممكن يضيع منك؟ حاجة غرييييييييييييبة جددددددددددا
معلش انا مش باحب اتكلم عن حد بس رد استفزنى جدا وخصوصا انه من كذا واحد

اهو وانا باكتب الوقتى السعر وصل لنقطة الدخول الاولى
يعنى ولله الحمد اصبح المكسب حوالى 150 دولار لكل 2500

فن الآخر اتعلموا عشان تفيدوا نفسكم أولا
وتفيدوا غيركم

[size=32]Non-Farm Employment Change

هل تفضل التداول فى الاخبار الكبيره زى دى و لا نعد فى المدرج[/size]

[size=32]الاستراتيجية دى ولله الحمد مابتفرقش معاها الأخبار[/size]

[size=32]وده مش استعراض عضلات والله[/size]

[size=32]انما هى فعلا كده وانتم هاتشوفوا بنفسكم من غير كلام كتير[/size]

[size=32]انما امتى الكلام ده؟؟[/size]

[size=32]لما يكون الفرصة 100%[/size]

[size=32]انا بصراحة مش شايف ده قدامى الوقتى (مع انى ممكن اقولك قبل الخبر بشوية السعر هايمشى ازاى) انما دى بخبرة شخصية ونظام تانى[/size]

[size=32]فعلى اد اللى احنا اتعلمناه الوقتى كده[/size]

[size=32]مافيش اشارة واضحة[/size]

[size=32]صحيح على الساعة كسر الأحمر انما كسر تعبان عشان كده زى مانت اكيد متابع انا دخلت بعقد، وبالفعل ارتد فدخلت من لمس ال 4 ساعات ب 4 عقود ولما جاب نقطة الدخول انا شخصيا قفلت[/size]

[size=32]طيب اهو طلع شوية زيادة الوقتى، ربنا يسهل له، انا مش هاجرى وراه، انا اخدت منه نصيبى وخلاص[/size]

[size=32]طالما الصورة مش واضحة البعد افضل[/size]

[size=32]ونبص على الصورة او الترس الأكبر على ال 4 ساعات يعتبر فى النص وعلى مقاومة يعنى شكله مش ولابد[/size]

[size=32]على الترس الاكبر واكبر على اليومى برضة يعتبر فى النص ومش باين له حاجة[/size]

[size=32]فعلى اييييييييه؟؟[/size]

[size=32]ندخل ال 100% فقطططط[/size]

[size=32]أما بالنسبة للخبر[/size]

[size=32]واسمع منى من هنا وفوّت من هنا اذا سمحت[/size]

[size=32]اعتقد ان السعر يا اما هايطلع شوية وينزل بقوة (فى الغالب)[/size]

[size=32]او هاينزل على طول[/size]

[size=32]والله تعالى اعلى واعلم (كما كان يقول الدُبعى ربنا يمسيه بالخير)[/size]

أولا

الشغل على فريم الساعة فقط

امال ال 4 ساعات ده ايه؟

ده مجرد يفهمك الاتجاه العام وللتأكيد على الاستمرار فى الصفقة (على الساعة) أو الخروج منها (على الساعة برضة)

وبيورينا التخيل العام للاسبوع (ممكن) يبقى شكله ايه (مش بالضرورة)

انما اللى بيحدد الشكل الفعلى هو فريم الساعة وتغير سلوك السعر خلاله

امال اليومى بقى؟

ده عشان نتخيل برضه شكل الشهر (احتما يبقى ازاى)

وتأكيده يكون من ال 4 ساعات

وتأكيد ال 4 ساعات من خلال الساعة

يعنى هاديلكم مثل

احنا هانبتدى شهر جديد

عملنا نظامنا على فريم اليومى عشان نتخيل الشهر

فلقينا (حاجة من الاتنين بس اللى اتشرحوا ماعندناش غيرهم الوقتى) ان الأحمر والأزرق متطابقين على بعض ونازلين لتحت

فى الحالة دى يبقى عندنا سيناريو من اتنين خلال الشهر ده

يا اما هايمشى فى ترند هابط يلمس القناة من فوق وينزل يلمسها من تحت

او هايكسرها من فوق ويطلع بهبل

طيب نعرف ازى؟

ندخل على ال 4 ساعات ونعمل نظامنا عادى

نلاقى الشكل فى الغالب هايكون شبه اليومى (عشان بقاله فترة نازل)

فيكون السيناريو هو هو احدى الحلّين

نقوم ندخل على الساعة ونعمل نفس النظام

ودى تكون محطة المراقبة بتاعتنا

ممكن نلاقى الساعة نفس الشكل (الأحمر والأزرق متطابقين برضة) فيكون نفس السيناريو

او يكون السعر مشى بالعرض شوية (بحيث تأثيره ظهر على الساعة ولكن لسه على ال 4 ساعات مش مؤثر اوى)

فيكون الشكل على الساعة ان الأزرق ماشى بالعرض شوية والأحمر باصص لتحت

الطبيعى عندنا اننا بنشتغل على الساعة مع وضع الحال العام فى الاعتبار

فلما يكسر الأحمر على الساعة لفوق يبقى هاندخل شرا (ده العادى) ولكن الاتجاه العام على اليومى وعلى ال 4 ساعات هبوط فيكون الدخول اما بلوت صغير عشان تقدر تعزز او بتارجت صغير (مش لازم يلمس الحد العلوى للأزرق)

ملحوظة هااااامة

ماتخافش ان الترند يعكس اتجاهه من بيع الى شرا وانت كنت شارى وقفلت بدرى

لا

هايرجع وينزل لك تانى لمنطقة الشراء الأصلية أو أفضل منها كمان قبل ما يبتدى رحلة الصعود

يعنى هاتركب الموجة هاتركب الموجة باذن الله تعالى

فبلاش تستعجل او تطمع وما تقفلش الصفقة عشان هايعكس الترند ويطلع

مافيش ترند بيتعكس خبط لزق، لازم فترة انتقالية الأول

والاستراتيجية بتاعتنا دى بتبين كل الفترات، الترند والانتقالى

بس انت

أدخل صحححححح

المهم

زى ما قلنا اشترينا على الساعة مع كسر الأحمر (على استحياء)

وبعدين تانى يوم مثلا هايتغير الشكل بتاعنا (عشان امبارح طلع السعر شوية)

فهايكون الأزرق ماشى بالعرض وتقريبا الأحمر ماشى باعرض برضة بس باصص لفوق

نركز هنا بقى

فيه 2 سيناريو

السيناريو الاول

لو الترند العام هايكمل هبوطه

هايبقى السعر على ال 4 ساعات مثلا لامس الحد العلوى للقناة

وعلى الساعة حبيبتنا

هايكسر الأحمر لتحت، فهاندخل بيع وبقوة (لوت عالى) ليه؟

اليومى هابط وماتكسرش

ال 4 ساعات لمس الحد العلوى وارتد وترند هابط

الساعة كسر الأحمر لتحت

عاوز ايه تانى؟

السينايو التانى

يكون الترند هايبتدى ينعكس

فالسعر على الساعة هايكسر الأحمر لفوق (لتانى يوم)

فهاندخل شرا (لسه على استحياء بس مش استحياء اوى زى امبارح ههههه)

هايطلع بينا شوية (يمكن يكون بقوة)

فى الحتة دى هايكون كسر الحدين العلويين للقناتين المتطابقتين على ال 4 ساعات

يبقى ساعتها يا فرج الله الاسبوع ده هايكون طلوع بغباوة وفيه ناس كتير هاتصفّر حساباتها (المتمسكين بالبيع) نحاول احنا نكسب بقى اقوي واسهل طريقة تداول فوركس - تعلم اقوي استراتيجية فوركس 18

اقوي واسهل طريقة تداول فوركس - تعلم اقوي استراتيجية فوركس 18

ساعتها السعر هايعمل زى ما قلنا من شوية

هاينزل تانى ويمكن لسعر أفضل من اللى اشترينا على أول ما كسر

وده عشان يعمل اختبار على ال 4 ساعات قبل ما ينطلق

ويمكن على الساعة نلاقيه دخل تانى جوة الأحمر اللى لسه كاسره

(من هنا ييجى دور ال 4 ساعات فى تحديد الاتجاه وليس فى المتجرة)

طبعا احنا مش هانشترى من تحت اوى (بلاش افترا ههههه) وبلاش تخييييل (تاجر ما ترى وليس ما تظن)

الشرا وبمنتهى القوة يكون لما السعر يرجع ويطلع تانى من الأحمر على الساعة

ويكون تم التأكيد على اختبار فى ال 4 ساعات (والحاجتين دول متزامنين يعنى بيحصلوا سوا)

يعنى لما يرجع يكسر على الساعة بيكون فى الغالب عمل شمعة هامر او بولش انجلف على ال 4 ساعات مع لمس القناة المكسورة والارتداد منها

يبقى اشترى ولا حرج

والا سبوع ده هايطيييييير لفوق

هايكون عندنا الشكل كالتالى

على ال 4 ساعات القناتين باصين لتحت ومتطابقتين والسعر خرج منهما وطار (الفريم ده كده مالناش دعوة بيه تانى لآخر الاسبوع عشان الشكل ده مش هايتغير)

اما على الساعة فأول يوم لما السعر كسرهم وطار هايبقى الشكل شبه ال 4 ساعات

اما تانى يوم فهايكون الأحمر باصص لفوق ورفيع ومخترق الأزرق من شدة طلوع السعر (أكيد يعنى) والأزرق عريض وبيبتدى يبص لفوق

فلو السعر هايكمل بنفس القوة (وده فى الغالب)

ممكن يلمس الأحمر من تحت ويطلع بقوة

وممكن يكسر الأحمر لتحت (ده شكل جديد غير اللى فاتوا) خلى بالك

هايكسر الأحمر لتحت (ادينى باعيدها تانى) ويلمس طرف الأزرق من فوق ويطييييير يطير زى العصافيييير

طيب ليه لما هايكسر لتحت مش هانبيييييع؟؟

اولا احنا مش مكنة (اجهزة يعنى بس بالمصرى)

ثانيا احنا قايلين انه على ال 4 ساعات اخد فى وشه ومسافر لدرجة اننا مش هانبص عليه تانى باقى الاسبوع

يعنى كل نزول شرا

وعلى فكرة

غير موضوع ال 4 ساعات انه طالع

الشكل نفسه بتاع الساعة ما بيبقاش هو هو

يعنى الأحمر بيكون رفيع عن العادى وخارج عن الأزرق اوى (لقوة الشموع الصاعدة المرسوم عليها)

عموما

الشرح النظرى شىء

ولما تجرب عملى وبإيدك والخبرة شىء تانى خالص، وده اللى احنا عاوزين نوصل له

وما تفتكروش انى قلت الكلمتين اللى عندى ومش هاتابع الموضوع زى ما ساعات الناس بتعمل

احنا باذن الله مع بعض وهانتابع سوا ونتعلم سوا لحد ما تنتقل لكم الخبرة باذن الله

وعلى فكرة

ممكن قدام شوية بعد ماتكتسبوا الخبرة

من أول ما ترسموا النظام بتاعنا من بالليل ومن شكل الأحمر مع الأزرق

تقول انا بكرة أجازة وتستمتع بحياتك

ولما ترجع بالليل تلاقى اللى انت كنت عارفه

انه مشى بالعرض فى رينج ضيق (نبقى بعدنا عن التذبذب)

او انه غير محدد الملامح (على الساعة طالع وعلى ال 4 نازل واليومى بالعرض) فلما تيجى بالليل تلاقى ناس فى المنتدى بتعيط انه ليه عمل كده او ان فيه مؤامرة ضد أموال العرب

فتحمد ربنا (تانى ماتنسهاش دى)

معلش ان الشرح من غير صور

بس محتاج شوية تخيّل

فيارب تكون الصورة الكاملة وضحت

المتاجره مفهوم انها على شارت الساعه ولكن الفريمات الاكبر لها دور كذلك عايزين نعرف ان لم تكن القنوات

متطابقه على الاربع ساعات واليومي كيف يكون التعامل مع السعر وماهو دور خط القناه المتوسط لكلا القناتين

التخينه والرفيعه وهل ناخذه بعين الاعتبار

اذا لم تكن متطابقة يتم التعامل معاه عادى زى ما شرحنا على فريم الساعة

كل الفريمات زى بعضها (مجرد اختلاف حجم الترس) ليختلف حجم الهدف والدرو داون فقط

انما الانماط هى هى

اما دور الخط الأوسط فده عشان اذا السعر سلوكه اتغير قرب الناطق دى تبتدى انت تخلى بالك

بمعنى انه مثلا هابط وانت بايع على الساعة

لو على ال 4 ساعات كان عند خط النص وعمل مثلا هامر ولا بولش انجلف يبقى يا تقفل البيع يا تخفف العقود يا تحط استوب على مكسب المهم يكون ليك رد فعل للسلوك بتاع السعر

...................

[size=32] الجزء بتاع التذبذب و الرينج الضيق دى لو تشرحهالى ازاى توقعه و ازاى التعامل معاه[/size]

[size=32]..........[/size]

الشكل ده بيكون الأزرق عريض اوى والأحمر كذلك عريض اوى
وبيكون الفروق بينهم مش كبيرة، وكمان افتتاح اليوم شبه فى المنتصف
فعشان يقدر السعر يمشى كل العرض دة وبعدين يكسر بيكون ضعف العزم بتاعه (موضوع العزم ده احنا لسه ماتكلمناش فيه وهو مهم)
فعشان كده باريح نفسى واقفل او اتابع من بعيد
واستنى لما يبان اتجاه محدد وبلاش طمع واخده طالع نازل
ممكن التداول خلال اليوم اللى زى ده بالعكس
يعنى على الارتداد مش الكسر
البيع من الحد العلوى، والشرا من الحد السفلى (ده اذا السوك السعرى عمل شكل ارتدادى هامر ولا شوتنج زى اللى فى الصورة)

بس ليه؟؟
انا ماباحبش اغامر
استنى احسن اتجاه وتأكيد واضح

خلى بالك من حاجة
اذا انت دخلت بيع مثلا من الحد العلوى وكسره لفوق ده معناه ايه؟؟
معناه انه هايطير لفوق زى ما شرحنا قبل كده وتبقى حضرتك اخدت الترند الصاعد بيع من اوله ما شاء الله هههههههه

انا افضّل الصفقة المتكاملة
يارب تكون الفكرة وصلت
واذا بتحبوا اى شرح تانى بالصور انا جاهز
فقط حددوا النقطة المطلوب شرحها

أولا امبارح ماكانش الكسر محترم، يعنى مش بعزم كويس يادوب قافل فوق الأحمر بكام نقطة
ومع ذلك دخلنا، للالتزام بالاستراتيجية ولكن بعقود قليلة جدا (بالنسبة لى 10% من اللى المفروض ادخل بيه، خلى بالك مش 10% من الحساب)
وبعدين السعر عمل شمعة دوجى بعد الدخول (على الساعة 3)
وده دليل اكبر على الضعف للعزم
ومع ذلك احتفظنا بالعقود (عشان قليلة)
وبعدين السعر نزل وعمل اختبار وارتد فعلا كل اللى نزله وطلع لسعر الدخول (الساعة قلنا تمام (ولكن ماكنتش معزز عشان كل اللى نزلهم 17 نقطة مش مستاهلة تعزيز)
بس الفكرة ان الشمعة برضة قفلت دوجى، يعنى هى ارتدت ولكن ليس بالقوة المطلوبة
واللى بعدها قفلت دوجى وصغيرة (شمعة الساعة 9) وكلهم مش عارفين يكسروا هاى اليوم عند 290
فى الحالة دى لو حد حب يقفل على نقطة الدخول او بربح كام نقطة بسيطة ممكن
بس انا ما قفلتش
والسعر ارتد عليا 45 نقطة (مش مشكلة عشان العقود القليلة)

ولما لقيت الاتى
على ال 4 ساعات لمس خط النص
على الساعة لمس خط النص
وعمل على الساعة حاجة تسمى مورنينج ستار (نجمة الصباح) يعنى مكان خطين نص وتأكيد من سلوك السعر
اشتريت تانى (وبرضة مش بكل الكمية المطلوبة) فقط ب 40% من اللى المفروض أدخل بيه من الأول اذا كانت صفقة مكتملة الشروط
فيبقى المجموع 50% من اساسى عقود الدخول (10 فى الأول و 40 تعزيز)
ولما رجع السعر تانى لنقطة الدخول الأولى قفلت الكل على شمعة الساعة 13 لعدة أسباب
أولا قفلت الشمعة وبرضة ماقدرتش تكسر حاجز ال 290 هاى اليوم
ثانيا الشكل العام للسلوك السعرى يدل على ضعف
ثالثا وده الأهم الترس الكبير (ال 4 ساعات) اساسا وصل للهدف من يومين (راح لمس الأزرق بعد اختراق الأحمر) يعنى قوة الشراء مش بالعزم المطلوب
المهم
فيصبح الاجمالى 40% مضروبين فى ال 45 نقطة و10% على نقطة الدخول
ولله الحمد

فلازم تبقى متعايش مع السعر عشان تحس بيه

الفكرة فين؟

احنا قلنا اننا بنشوف الترس الاكبر الاول

على ال 4 ساعات الاسبوع من اوله شرا

والسعر لما نزل على الساعة كان على خط المنتصف بالظبط على ال 4 ساعات

ابسط شىء فى اسبوع شرا والسعر فى المنتصف انى اشوف السلوك السعرى هايعمل ايه هنا (محتاجين تأكيد جامد عشان نمشى ضد الاتجاه، لو مع الاتجاه محتاجين تأكيد بسيط)

فهانلاقى السعر عمل على ال 4 ساعات بولش انجلف بعد ما لمس خط النص فى اسبوع صاعد يبقى شرا على طول

بس انا بالنسبالى عملت حاجة تانية

اشتريت بدرى حبتين

ليه؟

تعالى نشوف

زى ما قلنا من شوية بس هانقول تانى عشان تعرف التفكير بيكون ازاى

الاسبوع صاعد (ده من ال 4 ساعات)

لمس خط النص (4 ساعات)

ارتد من خط النص (بس لسه شمعة ال 4 ساعات ما قفلتش هنا يعنى ماقدرش اقول بولش انجلف لسه، بس ارتد ومشى لفوق 3 ساعات بحالهم)

بعد قفل الساعة 10 (فريم الساعة) يصبح لدينا الاتى (ده زيادة عن كل اللى اتقال فوق تانى)

السعر ماقدرش يكسر منطقة 220 لكذا شمعة بذيول طويلة

شمعة الساعة 10 قفلت بولش بوضوح مع ذيل طويييل (هى مش هامر بس شغالة ههههه)

الى جانب ان السعر ارتد تانى وقفل داخل الاحمر بعد ماكان قفل خارجه

فدخلت قبل حتى ماتقفل شمعة ال 4 ساعات بساعة

ولما قفلت شمعة ال 4 ساعات وضحت الاستمرار فى اتجاه الشرا

ده للدخول

اما الخروج (زى ما قلنا نبقى عارفين دخلنا ليه وعارفين خرجنا ليه)

كان عند قفل شمعة 13 على الساعة

عشان الاتى

لمس الحد العلوى للأحمر مرتين (شمعة 12 وشمعة 13) وعدم استطاعتهم كسره

لمس الحد السفلى للأزرق

شمعة 13 قفلت بشكل فليبينج (شبيه الدوجى) يعنى احتمال الارتداد وارد

طيب وليه؟

مانا اخد ال 60 نقطة واحمد ربنا واعيش حياتى

حتى لو هو طلع بعدها (ده بعد ما كان نزل تقريبا كل اللى كنت كسبته) فأنا مش لازم اعصره واخد الحركة بالكامل

بدل ماكان نزل كل اللى انا كسبته (زى ذيل شمعة 15) وماطلعش تانى كان زمانى باندم انى ماقفلتش صح؟

الاستراتيجية هى انك تسحب على آخر فاصل، وعلى آخر فاصلين فى اى شارت زمنى

عشان آخر تطوّر للسعر هو اللى يهمنا وهو اللى بيحدد التفاعلات القادمة

الشكل اللى لو كسره السعر فى الغالب بيمشى فى اتجاه وبقوة
هو لما الأحمر والأزرق يكونوا ماشيين مع بعض شبه متطابقين
ومتجهين لأسفل أو لأعلى (مش ماشيين بالعرض يعنى)
وطبعا مع تأكيد الاتجاه من الفريم الأكبر زى ما تم الشرح سابقا

.............

ليه مش باشتغل على ال 4 ساعات؟
لعدة اسباب
اولا انا متفرغ زى مانت قلت
ثانيا ال 4 ساعات عاوز بال طويييل وانا ماباحبش اكون فى السوق كتير
ثالثا انا لو اشتغلت على الساعة صح ممكن اكسب اكتر من الشغل على ال 4 ساعات، عشان هاستفاد بالارتدادات القوية اللى مش هاتبان على ال 4 ساعات
بمعنى انى مثلا اشتريت من سعر 100 والسعر جاب 200 يعنى مكسب 100 وده كان عند الحد العلوى للأزرق (مثلا) فانا قفلت الصفقة (على الساعة)
قوووم اييييييييه
سلوك السعر قال انه نازل هايرتد من الأزرق
رحت انا بايع (مع انه على ال 4 لسه فيه طلوع)
راح السعر نازل لقرب الدخول بتاع الصفقة الاولى
رحت قافل على مكسب شبيه بالمكسب بتاع الصفقة الاولى
ودخلت شرا تانى من منطقة قرب الصفقة الاولى للمرة التانية
راح السعر طالع تانى كتير بقى المرة دى مثلا لحد 250
وكل ده بالنسبة لل 4 ساعات فى شمعة او اتنين
انما كان على السعة فى 7 ساعات مثلا
يبقى انا لو دخلت على ال 4 ساعات (اللى فى الغالب هاتدخل فيها متاخر بعد التاكيد) هايكون المكسب من سعر 100 الى 250 يعنى 150 نقطة فقط (بعد ما وقع قلبك فى رجليك من الارتداد اللى اخد معظم المكسب)
انما على الساعة هايكونوا 3 تريدات
من 100 الى 200 بمكسب 100
من 200 الى 120 بمكسب 80
من 120 الى 250 بمكسب 130
فيكون المجموع 310 نقطة يعنى اكتر من ضعف الشغل على ال 4 ساعات
وكل ده مجرد مثل بس مش ارقام حقيقية

بس تانى
الموضوع ده عاوز تعايش مع السوق وخبرة شوية
وكمان احنا لسه ماشرحناش حاجات كتير
الناس مستعجلة وليهم حق طبعا
بس نتمكن الاول من اللى فات (والتمكّن مش انك مجرد تعرف ترسم الخطوط، انما تعرف تشتغل وتكسب بيها) وبعدين نكمّل على ارض صلبة باذن الله

...........

عاوزين نفهم بس حاجة الاول
الاستراتيجية دى مش للتوقع
الاستراتيجية دى عشان نتفاعل مع حركة السعر ونتعايش معاه
يعنى انا ممكن افتح الشارت وارسم الرسمة واقولك هايعمل كذا وكذا
بس كل ده تخيلات (ولا يعلم الغيب الا الله)
انما ممكن بعد ساعة واحدة ألغى كل الكلام اللى اتقال بناء على حركة سعر معينة

انما لما السعر مثلا يكسر حد معين مع شكل معين للسلوك السعرى على الساعة مع شكل على ال 4 ساعات اقدر (أرجّح) ان السعر ممكن يعمل كذا
انما هافتح الشارت وأحدد خط سير العملة القادم!! ( فيه ناس بتعمل ده، بس انا لسه ماوصلتش للمراحل دى )

الحاجة التانية والمهمة
عشان الرسمة تكون مظبوطة لابد تكون من الفاصل للفاصل
فانت محتاج السوق يفتح عشان تكون فيه شمعة على الفاصل الأخير اللى بترسم عليه
سواء على رسمة الساعة أو ال 4 ساعات (يعنى الرسمتين دول مش مظبوطين حاليا)
انما على اليومى الرسمة تمام عشان فتح الشمعة الجديدة مش على الفاصل (او بمعنى آخر احنا مش اول يوم فى الشهر)

خلينا نتابع خلال اليوم أفضل من توقعات نسبتها لن تزيد عن 10 الى 20% واحنا أقل حاجة عشان نقدر ندخل التريدة صح عاوزين نسبة 80% (دانت لو هاتدخل هندسة هاتبقى عاوز نسبة اعلى من كده ومش هايدولك فلوس مقابل ههههه)

...........

عشان الفارق بين الاحمر والازرق ما يستاهلش (الريسك قصاد الريوورد)
دى حاجة
ثانيا الكسر (ده اذا كان يسمى كسر بالشموع الضعيفة دى زى مانت قلت) كان قبل اغلاق اليوم بتلات اربع ساعات بس
يعنى حاجة بسيطة وهاتغير شكل الخطوط مع اليوم الجديد
الا اذا كان الفريم الاكبر فيه استمرارية
ثالثا الفرصة اللى انا شايفها فى الشارت ده مش ساعة الكسر

الفرصة كانت مع الارتداد بعد لمس الحدين العلويين للاحمر والازرق سوا والارتداد بقوة لاسفل
مع تكوين شمعة مش بس شوتنج ستار
لا دى تسمى (فولنج اوف ذى رووف) يعنى وقع من على السطح فشوف بقى اتبهدل اد ايه بعد الوقوع
فيكون الدخول بيع وبقوة من قفل الشمعة الهابطة ام ذيل طويييييل دى اللى جاية من الحدين العلويين
والهدف الحد السفلى

........

احنا قلنا ان من الاساسيات ان تتاجر ما ترى وليس ما تتخيل

مافيش حاجة فى الفوركس اسمها جاب آخره ويمكن ورقم دائرى أو نفسى (مع احترامى لمن لديهم هذا الاعتقاد امال السعر ساعات بيرتد من 113 و 257 وارقام مش دائرية ليه؟)

تاجر ما ترى

وعندك الخطوط وتظهر انه شرا شرا شرا

وانت مش شايف ده عشان انت فى مخيلتك انه بيع بيع بيع

وكل المشاركات الكتير بعد كده تدل على كلامى

فاذا طلع (وده الطبيعى) تقول لنفسك (ولينا) انه كده اكتفى

واذا نزل حاجة بسيطة جدا يبقى كده بداية النزول

ولما يرجع يطلع تانى (والمفروض انك بتكسب لو شارى) يبقى كده عشان بيعمل كذا وهاينزل بقوة

ماتخليش تخيلك يحجب عنك رؤية الواقع والسلوك السعرى

وانا باقولك الكلام ده من باب النصيحة والله

عشان انا كنت باعمل زيك كده

بس انا كنت بابيع بقى بالفعل، وافضل مع كل صعود اقول كلام اكيد انه نازل (بس كنت باقوله لنفسى) وافضل فى هذا الوهم الى ان اجد السعر فارق بال 200 نقطة عن دخولى بيع

اللى المفروض لو كنت داخل صح كانوا مكسب لى

او حتى اذا كنت صادق مع نفسى كنت قفلت على خسارة بسيطة ودخلت شرا

الباوند عند اغلاق شمعه اختراق الحدود العليا للقناتين على فريم الساعه

وبالنظر الى فريم الاربع ساعات حسب الطريقه لمعرفة الاتجاه كان السعر على مقربه

من حط المنتصف لقناة الاسبوع الواحد فما هو التصرف الامثل الدخول خاصة ان الاختراق

على فريم الساعه قوى ام الانتظار الى ان تتضح الصوره على الاربع ساعات

..................

فى حالة اذا ما يكون السعر فى منتصف ال 4 ساعات معناه انه مش عارف لسه الاتجاه فين

ولما يكسر على الساعة يبقى ابتدى يحدد الاتجاه فندخل مع الساعة عادى

انما اذا كان السعر فى ال 4 ساعات قريب جدا من الحد العلوى مثلا وكسر على الساعة لفوق نبدأ فى المتابعة أو الدخول بلوت صغير جدا تحسّبا للموقف على ال 4 ساعات

وطبعا للسلوك السعر دور كبير

....................

هاقول لكم على مقولتين مهمتين سمعتهم من كورسات اجنبية (بس اللى ينفّذ)
الاولى قال
اذا دخلت من نقطة صح وكسبت (ما شاء الله) وكنت غير ملتزم باستراتيجيتك فانت على اول الطريق للفشل (مع انك كسبان)
ولو دخلت ملتزم تماما باستراتيجيتك وخسرت، فانت على اول الطريق للنجاح

طبعا واحد ييجى يقولى
نفهم من كده اننا لما نخسر يبقى هاننجح ههههه
لا يا حبى
نفهم من كده انك لما تلتزم تماما حتى لو خسرت فالنجاح حليفك عشان التزامك
ولو كسبت مرة بالصدفة وماكانش الالتزام طبعك فالخسارة آتية لا محالة

اما المقولة التانية
ان التأكّد له مقابل
يعنى ايه؟؟
انا ممكن ادخل جرد ما السعر يطلع بنقطة عن ترند هابط
ولكن هل النقطة تكفى للتأكد من كسر الترند؟؟
صحيح لو كمل طلوع فأنا واخده من أفضل نقطة (بس مش صح) عشان لو ارتد فانت واخده من اعلى نقطة (والموضوع مش قمار يا صابت يا خابت)

فلما تنتظر للتأكيد هايكون السعر مشى مثلا 20 نقطة على ما الساعة قفلت
بس لما هاتدخل ساعتها انت داخل على اساس مش حظ
وانت عشان تتأكد كإنك دفعت فى المقابل 20 نقطة كنت ممكن تكسبهم
فعشان كده التأكد له مقابل

..........

في رد حضرتك يادكتور حددت شمعة خضراء انعكس فيها السعر بس لو تلاحظ الشمعة قبلها قفلت تحت ودي دخلت معاها بيع والسعر عكس وطبعاً حساب تجريبي حتى اتعلم الطريقة وافهمها كويس ياريت بس تبص في الشمعة ولا أنا فاهم غلط ؟؟ بالمناسبة قريت كل الصفحات في اليومين اللي فاتو وفهمت اننا بنشتغل على فريم الساعة لكن لاحظت قبل شوية مشاركة بتقول فيها على منتصف فريم الأربع ساعات فهل فريم الربع ساعات ضروري ولا كفايىة فريم الساعة ؟؟؟

بالفعل قفلت الشمعة اللى قبلها تحت القناة
ولكن
بذمتك ده منظر قفل تعتبره كسر؟؟
ده حتى ما كسرش اللو بتاع كذا شمعة قبله
انما برضه هانقول اننا دخلنا بيع (خلينا سوا)
طيب ماهو نزل فى الذيل اللى بعدها حوالى 20 نقطة مكسب
انما برضة هانقول ما قفلناش ولا حتى حطينا استوب على الدخول (خلينا مع بعض لآخر الخط هههههههه)
طيب لما السعر عكس وقف بالداخل وعمل شمعة بولش قوية جدا ده غير انه بكده لمس خط النص على ال 4 ساعات وارتد منه بقوة، فأكيد تحس ان البيع كان غلط وتقفل على خسارة 12 نقطة (ده لو استنيت لحد لما الشمعة تقفل)
وتفتح شرا مع الاتجاه الطبيعى وتكسب 42 نقطة مع الوصول للحد العلوى تعوّض ال 12 ويبقى معاك 30 نقطة صافى (ده بعد ما عملنا كل حاجة غلط ومع بعض للآخر)

اغلاق الكيبل كان فوق القناة بمسافة كبيرة هل الدخول بيكون ماركت ولا مع اعادة الاختبار اللي لسا محصلتش ؟
عشان موضوع الارتداد
يعني الدخول بيكون ماركت طالما الاغلاق كسر القناة ؟

ممكن ادخل بنصف العقود ولما يرجع يختبر ادخل بالباقى طالما انا متأكد من الاتجاه
وممكن زى الحالة بتاعتنا دى انى ادخل بكل العقود من الأول عشان زى ماتفقنا قبل كده ان الشكل بتاع القناتين المتوازيتين ده بيكون كسرهم صعود قوى
بالعكس
لما يكون الكسر بقوة وبعيد عن القناتين ده معناه انه هايمشى بقوة
عكس ما كان كسر بضعف وقفل بعدها بكام نقطة بسيطة

.............

طبعا هذه توضح الصورة الأكبر لفريم الساعه وكيف السعر اقفل تحت خط الدعم الأحمر وطبعا كان كاسر الازرق من زمان .. ولكن نفس ما قلت هل هذا يعتبر كسر ؟؟ !! ( طبعا انا ماعترف فيه ) فشنو راح انطر .. ^_^ اروح اشوف فريم الربع ساعه

اقوي واسهل طريقة تداول فوركس - تعلم اقوي استراتيجية فوركس 2.2

فريم الربع ساعه يتحدث .. شمعة دوجي .. وشمعة هبوطية ظلها السفلي طويل .. وشمعة صعودية كاملة ثم هبوطية ظلها طويل .. ثم رالي ... يا حلاوة شنو هالجمال هذا .. السعر عكس وانا شريت مع الرالي باقفال الشمعة .. وربح 25 نقطة بعقدين والحمدلله حقيقي ..

اقوي واسهل طريقة تداول فوركس - تعلم اقوي استراتيجية فوركس 3.3

الشي الثالث اللي انا اشتغل عليه او اضيفة لانه يساعدني .. فهوا خطوط البيفيوت واعتقد انت خبرة وتعرفها ..
طبعا زي ما تشوف كان السعر واقف عن الخط M1 و L3 ( كلاماري ) ومو قادر يعديهم على الربع ساعه طبعا ..
دليل ثالث .. واخر شي دايفرجنس .. يعني اذا هذه مو صفقة 100% بتكون 200% ولو ربحها 10 نقاط بس مضمونه ^_^ ..

هى الاشارات التى يعطيها السعر نفسه من خلال التحركات

بمعنى لما يوصل السعر مثلا الى الحد العلوى

هنا يمكن ان يرتد لأسفل أو يخترق لأعلى

طيب هانعرف ده ازاى؟

احدى الطرق هى من خلال تصرفات السعر نفسه عند هذه النقطة

بمعنى

اذا وصل السعر الى الحد العلوى وارتد بسرعة وكذا مرة وقفلت الساعة مثلا على شكل شوتنج ستار

وهى شمعة لها ذيل طويل من اعلى يدل على ان السعر ارتد من هذه التقطة بعنف

فهذا دليل على الارتداد

انما اذا وصل السعر الى الحد العلوى وكسره بقوة ثم رجع ليعمل اختبار فارتد من الحد العلوى (لأعلى هذه المرة)

مع عمل شمعة بولش انجلف (وهى شمعة شراء تبتلع الشمعة او الشموع السابقة لها) يبقى السعر هايصعد بقوة

وهكذا

هل كده وضحت الفكرة؟

بالنسبة للنهاردة

السعر وهو بيعمل اعادة اختبار مارتدش خالص

بل واصل النزول وبقوة

فيبقى الشرا مش من الحد العلوى ابدا

بل لما السعر يدى اى اشارة للصعود

او يستهلك قوته فى النزول (دى لسه ماتشرحتش)

من المهم جدا فهم سلوك السعر
والربط بين الشارتين هو قمة التعايش مع سلوك السعر
وده هاشرحه فى المشاركة القادمة على طول

اما بالنسبة للقناتين لما يكونوا متطابقتين لو كانوا متجهتين لأسفل يبقى الكسر هايكون لأعلى والعكس صحيح (يعنى الانفجار مش فى اى اتجاه)
والدخول يكون مع الكسر او مع اعادة الاختبار

..................

شرح السلوك السعرى باستفاضة

وكيفية ربط الشارتات ببعضها

النقطة دى من اهم النقاط ولكن من الصعوبة الوصول اليها عشان محتاجة معايشة للسعر وخبرة فى الشارت والسلوك السعرى
فاللى مش هايقدر يعمل ده مش مهم بس يحاول معاه ومايهملوش لحد لما يتمكن منه

عشان توصل للموضوع ده لازم تكون ملمّ بكل اللى اتقال قبل كده
الشارت الاكبر هو الاتجاه العام للشارت الاصغر
والشارت الاصغر هو كيفية الوصول لهذا الاتجاه العام
يعنى الاصغر مرسوم له خط سيره من الشارت الاكبر
والاكبر بيترسم فعليا من خلال الشارت الاصغر

مش فاهم، يعنى الفرخة من البيضة ولا البيضة من الفرخة
(اكيد الاتنين من بعض)

ازاى الكلام الغريب ده
نشوف مثل الكيبل النهاردة (أقرب حاجة)
الكيبل لما كسر الحد العلوى للقناتين واشترينا الصبح
الحمد لله صعد والناس عملت ربح كويس
بس لحد فين؟؟؟
وليه انا قلت فى مشاركة ان كده كفاية والناس تاخد ارباحها؟؟ مع ان فيه ناس كتير فى المنتدى قالت ان السعر لسه قدامه كتير
بل وبالعكس
انا بعت من هذه النقطة (على عكس الاستراتيجية المشروحة) بس مارضيتش اقول هنا عشان مايحصلش تشتيت
انما عشان اللى هايعترض او يقول انت بتفتى وبتشوف ايه اللى حصل الاول وبعدين تقول انت بعت ولا اشتريت (عشان ده حصل معايا قبل كده) انا ارفقت صورة من حسابى الحقيقى توضح فقط نقطة دخولى وانه بيع والتوقيت كمان

المهم
ليه انا بعت، او حتى ليه قفلنا الشرا؟
هاتلاقى ان شارت اليومى السعر قرب من الحد العلوى للأحمر (وده كده يعتبر مقاومة شهرية)
على شارت الساعة ابتدى السعر يُظهر انه مش قادر يطلع تانى (السعر على فكرة صاحبنا، وعمره ما بيخون حد، انما احنا اللى مش بنعرف لغته ولا بنسمع تنبيهاته)
السعر كان ماشى بقوة لحد الساعة 11
ولكن من الساعة 12 ابتدى يبقى ضعيف
وقفلت الساعة 12 على شكل اسمه اسبينينج توب، وده مش عاكس للاتجاه ولكن بيدل على الضعف
خلى بالك وماتنساش احنا قلنا السعر موجود فين على اليومى (عاوزين نربط كل الشارتات ببعضها)
لما تيجى الساعة 13 وتعمل شكل (فى رأيى من أفضل الاشكال العاكسة وانا عن نفسى باستخدمه كتير وقلنا عليه بسرعة سابقا) وهو اسمه فولنج اوف ذى رووف (أو السقوط من السطح) وهو ده اللى حصل بالفعل بعدها
يبقى مستنى ايه عشان تبيع؟

شرح مبسط لهذا الشكل القوى
فولنج اوف ذى رووف
هو عبارة عن شمعة تكون الهاى بتاعها اكبر من هاى الشمعة اللى قبلها ولكن تعكس وتقفل على كلوز اقل من كلوز اللى قبلها
ودى غير شوتنج ستار اللى مش لازم تكون الهاى اعلى من اللى قبلها ولا الكلوز اقل

وكلما بقى الهاى اعلى (يعنى تعمل ذيل طويل من فوق) وكلما كان الكلوز اقل (يعنى تبقى حمراء طويلة) تكون الوقعة اللى بعدها اكبر ههههه

المهم
نرجع نربط الشارتات تانى
لما السعر على الساعة عمل شكل الشمعة اللى شرحناه، بعد ما عمل اسبينينج توب مع وجود السعر على مقاومة شهرية
يبقى بيع
وفعلا السعر نزل
خلال ما السعر بينزل هنا شمعة ال 4 ساعات لسه بتتكون (اللى بيكونها هو شموع الساعة، التى بالتالى تتكون من خلال شموع الربع ساعة وهكذا)
فلما شمعة ال 4 ساعات اكتملت وقفلت نبص نلاقيها عاملة اييييييه؟؟؟
برافو عليكم
عاملة فولنج اوف ذى رووف برضة بس على ال 4 ساعات
يبقى ده استمرارية فى النزول

ومن هنا ييجى الربط بين الفريمات
الفريم الكبير بيحدد ملامح الفريم الاصغر
بينما الفريم الاصغر هو اللى بيرسم فعليا هذه الملامح

وبس

يارب تكون الفكرة وصلت ووضحت للاخوان

ازاى نعرف ان السعر استهلك و بطل الاتجاه بتاعه

دى استراتيجية تانية كنا نوّهنا عنها

وقلنا انها ممكن تُستخدم لوحدها للناس اللى مش قادرين يتابعوا اوى

وممكن نستخدمها مع الاستراتيجية بتاعتنا سوا مش لزيادة التأكيد، ولكن لزيادة الربح

بمعنى زى مانا عملت كده النهاردة

الاستراتيجية اللى احنا عارفينها قالت شرا واشترينا والحمد لله عملنا مكاسب

والاستراتيجية التانية قالت بيع من نقطة معينة واديك شوفت النتيجة عملت ايه

وبعدين رجعت الاستراتيجية الاولى مع الاستراتيجية التانية قالوا شرا تانى وبرضة الحمد لله مكاسب

يعنى لما تضم دى مع دى تبقى طالع واكل نازل واكل.

............

أشكال الشموع : من ضمن الإعدادات حقته الغي تفعيل رسم الخطوط فقط خليه يعطيك سهم التجاه للشمعة وتحته اسم الشمعة عشان يبقى الشارت نضيف
الدايفرجنس : يحدد اشكال الدايفرجنس للتسهيل للمبتدئين او اللي ما بيعرفوه ومهمته في حال ظهوره بيأكد ان سلوك السعر رح يتغير عشان تخرج من صفقتك وتشوف لو تدخل بالاتجاه المعاكس في حال توافقت الإشارة مع تحليلك على الطريقة .المؤشر بتاع اشكال الشموع مفيد فعلا للمبتدئين عشان يبقوا معانا فى الصورة وان كان محتاجين الناس تفهم انه ساعات بيشاور على شموع غلط

ازاى غلط؟

فى البرمجة (ودى لعبتى انا بقى ههههه) قايلين للمؤشر لما الشمعة تعمل الشكل الفلانى يبقى تكتب اسمها كذا

وده صح

ولكن من المهم جدا مكان الشمعة مش شكلها وبس

بمعنى

شمعة بولش انجلف مثلا عبارة عن ايه؟

عن شمعة هابطة (حمرا) بتيجى بعدها شمعة صاعدة (خضرا) لكى تبتلعها تماما وده دليل على سيطرة المشترين بعد سيطرة البائعين و و و و

ولكن كل ده لابد ان يكون بعد ترند هابط

لازم

يعنى ما ينفعش تيجى شمعة بولش انجلف او هامر مثلا بعد ترند صاعد

ولكن بالنسبة للمؤشر وقت ما تنطبق الشروط الخاصة برسم الشمعة هايكتب اسمها فوقها بغض النظر عن مكانها

بس اهو زى ما بيقولوا

نص العمى ولا العمى كله ههههه

وطبعا طبعا الافضل ان الناس تقرا وتتعلم وتقدر تطلع الشموع بنفسها

...............

بظن الحين حسب نظرية سلوك السعر السعر ضعفت قوته في النزول وتشكلت شمعة انجلف لفوق

وهناك مقاومة لتحت شوية تقريبا هية مقاومة شهرية ويومية بنفس الوقت وعلى شارت الأربع ساعات واليومي الاتجاه صاعد

لكن على الساعة الاتجاه قناتين هابطات ؟

تحليل هذه الحالة
فانا كنت هاتكب عن النهاردة فى مشاركة لوحدها بس انت تستاهل اكتب التحليل فى الرد بتاعك

النهاردة يا اخوانى من الايام اللى اتكلمنا عنها قبل كده نظرى وجبنالها صورة قديمة
اهى بتتكرر عملى معانا

لما يكون الأحمر عريض اوى والأزرق كذلك
وده بيتكون بعد يوم زى امبارح طالع بقوة نازل بقوة وفقد القوة فى الطلوع والنزول زى ما تفضل الاخ سامو بالذكر وفتح سعر اليوم بالقرب من خطوط المنتصف
فبيكون التداول النهاردة على الفرص القوية اوى بس
يعنى بعد الكسر واعادة الاختبار مثلا
او عند الارتداد مرتين من الحدود
المقصود انه بيكون يوم من الايام البايخة ولازم له تأكيد كويس عشان ندخل

.................

انا فهمت بالنسبة لسلوك السعر بس زى ماحضرتك قلت لازم الممارسة والملاحظة ومن كتر متابعة السعر حنعرف اكتر رسمت دلوقتى القناتين الجداد لليوم الجديد من بعد الساعة 12 وعملت خط احمر عن الحد السفلى للقناة الزرقاء الى واضح من شارت الساعة انه القناتين نازلين لاسفل وعلى الاربع ساعات صاعد لكن مدام على الاربع ساعات كسر الخط المنتصف يبقى ينزل يلمس الحد السفلى ليه والى بيقابل تقريبا 1.6140 وعشان كده لقيت برضه ان النقطة دى بشارت الساعة بتقابل الحد الاسفل من القناة الزرقاء فاحنا كده نستنى لحد مايوصل للنقطة دى ونشوف حيخترقها ولا يرتد منها والمتوقع اكثر انه يرتد لان شارت الاربع ساعات موضح صعود والاحتمال الثانى انه مينزلش للنقطة دى ويكسر خط المنتصف للقناة الحمراء والزرقاء ويكمل صعود للحد العلوى من القناة الزرقاء على شارت الساعة والى هو بيقابل خط منتصف القناة الزرقاء بشارت الاربع ساعات عند النقطة 1.6300 تقريبا .

بص انا مش هادّعى انى عارف بقى كل حاجة ومقطع السوق ده طالع نازل ههههه
وانا مش هافتى فى اللى ماعرفوش زى ما بيحصل

اليورو كسر قناة اليومى (يعنى مقاومة شهرية اتقلبت لدعم) وبيعمل الوقتى اعادة اختبار فهل هايكسر ولا هايرتد؟ بس خلى بالك ده يومى يعنى ممكن ياخد يوم يومين على ما يعمل شمعة تاكيدية
وعلى ال 4 ساعات فهو على الحد السفلى للأحمر يعنى مقاومة اسبوعيه، فهل هايكسر ويروح للأزرق اللى مش بعيد عنه اوى (اعتقد ده) ولا هايرتد من هنا؟
ولكن على الساعة كسر بالفعل الأزرق وعمل اختبار ونازل للأحمر فهل هايكسر الأحمر كمان؟

يعنى على اليومى بيقول هايرتد ويصعد (ده لو اكد الاختبار)
وعلى ال 4 ساعات كذلك
وعلى الساعة كسر لتحت

بص بأمانة
انا النهاردة ماباحبش اشتغل فى يوم زى ده
الا لما الاقى فرصة ذهبية والسعر بيقول انا اهو
ولو مش كده بلاااااااااش واشتغل بكرة احسن ما اتعلق فى تريدة واقعد اعيّط جنبها، ولا اخسر فلوسى (اعتقد هنا الفرجة احسن بكتير)
حتى لو شايف ناس تانية كسبت (ربنا يوسع عليهم) ماهو فيه ناس اكتر خسرت (ربنا يعوض)
انما انا خلينى فى المضمون
ده رأيى الشخصى

سلوك السعر نحدده حسب اغلاق الشموع وتحديدا شموع الساعة؟

تحديد السلوك السعرى بيكون طبعا بعد الاغلاق مش قبل عشان ممكن يغير ولو فى آخر 5 دقايق وبذلك تتغير شكل الشمعة وتقفل على حاجة تانية

ولكن هل ده فى كل الفريمات؟

للأسف لأ

الفريمات المتوافقة هى الساعة فأقل

وانا لا اعتمد الأقل لعدم قوة تأثيره فى الحركة الأكبر

فيكون عندنا فريم الساعة هو الوحيد المتبقى الذى يُعتمد عليه من حيث التوافق والتأثير

ده كلام كبير وانا مش فاهم منه اى حاجة

تانى

كل شركة وليها البرنامج بتاعها ولو اتفقوا على الشكل ولكن الداتا بتيججى من سيرفر تانى خاص بالشركة

والشركات بتختلف اسعارها (واحنا مش فى صدد ليه الاختلاف مش كله سوق واحد، مش مشكلتنا الوقتى خلينا فى الواقع)

وكمان مش بتختلف اسعارها وبس بل وتوقيتها

فلو بصينا على شمعة ال 4 ساعات

هاتلاقى ان مثلا فيه فرق بين شركتى وشركتك ساعتين

يعنى بداية ال 4 ساعات بتاعتى هى نص شمعة ال 4 ساعات بتاعتك

وكده هاتختلف شكل الشموع تماما

والل عندى شكلها هامر مثلا عندك هاتلاقيها شبه البطاطس

وكذلك الفريم اليومى بعض الشركات بتفتح متاخرة ساعة او بدرى ساعة وساعات ساعتين

فشكل الشمعة اليومية مش هايكون شبه اللى عندى برضة

انما لما نيجى لشكل شمعة الساعة هاتلاقى ان حتى لو الشركة فتحت متاخرة فهايكون شكل الشموع من بعد ما تفتح مشابه (الى حد ما) الشكل فى الشركة التانية

وعشان كل ساعة مستقلة (مش بيجمع كل 4 سوا زى ال 4 ساعات) برضة بتكون متشابهة

فده شرح اللى فات عن التوافقية

وكذلك الفريمات الاقل من الساعة متوافقة

ولكنها غير مؤثرة فى الحركة اوى

يعنى مثلا فريم الربع ساعة ممكن يكون عامل ترند صاعد قوى، وهو كل ده بيرسم ساعتين بس (8 شمعات على الربع) يكونوا مجرد تصحيح بسيط

فالشغل على الربع بيكون للأهداف البسيطة وغير مهتم بالاتجاه العام

فالنتيجة ايه

أفضل فريم متوافق ومؤثر هو الساعة

ولكن

بما انك (انت لوحدك) هاتكون شغال على شركة واحدة، فموضوع التوافق ده مش مهم اوى (بس ده فى حالة انك جربت اشكال الشموع الأكبر زى ال 4 ساعات واليومى ولقيتهم فعلا بيعملوا نتيجة الشمعة) يعنى لم ال 4 ساعات هامر يبقى بيحصل نتيجة الهامر او بولش انجلف ويكون ليها تاثير

بكده ممكن تعتمد باقى الفريمات على الشركة دى

بسسس خلاااص

........................

اذا كانت القناتين كل وحده وليها اتجاه يعني وحده صاعده ووحده هابطه على نفس الفريم

فانا هنا ازاي حعرف الاتجاه

او اعتمد انهي وحده فيهم

نشتغل على كسر الاحمر وصولا الى الازرق حسب سلوك السعر

..........

لما يكون القناتين عريضتين اوى زى النهاردة او اعرض شوية وشبة ماشيين بالعرض بيكون اليوم فى الغالب تذبذب
ولما يكون الاحمر رفيع شوية وطالع لفوق والازرق عريض وماشى بالعرض او زاويته لفوق اقل من الاحمر يبقى لو السعر كسر الاحمر بينزل للحد السفلى للازرق (والعكس صحيح اذا كان اتجاه الاحمر لتحت)
اما اذا كان الاحمر والازرق شبه متطابقين ونازلين لتحت فيكون كسر السعر للقناتين دليل انفجار لأعلى (والعكس صحيح اذا كانوا متطابقين وطالعين لفوق)
ده تقريبا كده ملخص اللى اتقال، فيه اشكال تانية بس دول اهم اشكال واكثرهم حدوثا

....................

السعر فعلا وصل للحد السفلى من القناتين الزرقاء على شارت الساعة وعلى شارت الاربع ساعات
وعمل شمعة عاكسة على الساعة عند الخط الاحمر الى كنت محدداه من بداية اليوم فى طريقه لتكوينها على الاربع ساعات والى بنفس الوقت بيقابل خط الترند الى بالاحمر على الاربع ساعات وغالبا حيقفل الشمعة دى فوقه فدلوقتى نقدر نعتبر ده بداية ارتداد ولا نستنى لحد ماتخلص شمعة الاربع ساعات او ننتظر اعادة اختبار للحد السفلى للقناة الزرقاء خصوصا انه دلوقتى بدأ يصعد شوية فأيه رأى حضرتك بده
وامتى يتأكد ليا اكتر الصعود؟؟

..............

هل الاستراتيجية ليها وقت مفضل يعنى السوق الاوروبى او الامريكى وهل بيفضل المتاجرة بالوقت الحالى قرب نهاية اليوم ولا مش مرتبطة بوقت وبمجرد تكامل الفرصة بندخل الصفقة ؟

ليس لها وقت محدد
ولكن انا شخصيا لا افضّل العمل بها فى اوقات متأخرة (يعنى من بعد 7 بالليل كده) بيعنى بيكون فاضل 3 شمعات وهانغير شكل القنوات

1	#فوركس
2	#دولار
3	#forex
4	#محرك_الذكاء_الاصطناعي
5	#تداول
6	#الذهب
7	#bitcoin
8	#blockchain
9	#مؤشر

رابط أحدث نسخة مجانية بالاصدار 8.3 gannzilla pro (الجانزيلابرو) إضغط على الرابط أعلاه واختر الأيقوم الخضراء لتحميل البرنامج

تحميل مؤشرات ميتاتريدر

chart patterns analysis pdf مترجم

تحميل كتاب مقدمة إلى الشموع اليابانية PDF

forex شرح

تعلم بنفسك كل استراتيجيات البرايس أكشن "كتاب الكتروني به ملخص اسرار الاستراتيجية"

هذه دورة مكثفة تتكون من 8 دروس لتعليم الفوركس من البداية

تحميل كتاب دورة مكثفة في الفوركس من البداية للاحتراف تحميل كتب عن البورصة pdf كتاب تداول العملات ببساطة pdf كتاب المتداول العربي pdf تعليم forex للمبتدئين كتاب تعليم …

كتاب جون ميرفي التحليل الفني للأسواق المالية , مع الملخصات التي كتبت فيه وكل ما كتب حوله اكبر مكتبة فوركس عربية حتي اليوم

هذا كتاب التحليل الفني للأسواق المالية لجون ميرفي الشهير

أضخم مجموعة كتب فوركس تحميل مجاني

…

اقوي واسهل طريقة تداول فوركس - تعلم اقوي استراتيجية فوركس