المواضيع الأخيرة
» شرح مؤشر الماكد ابو خطين بالفيديو والصور وتحميل المؤشر مجاني بالكامل
الخميس يوليو 12, 2018 7:17 pm من طرف عبد الله سلام

» شرح قراءة الشموع اليابانيه على برنامج ميتاتريدر4
الخميس يوليو 12, 2018 7:14 pm من طرف عبد الله سلام

» الشموع اليابانية بالتفصيل
الخميس يوليو 12, 2018 7:10 pm من طرف عبد الله سلام

» اسرار مؤشر الماكد
الخميس يوليو 12, 2018 7:07 pm من طرف عبد الله سلام

» [استراتيجية فوركس] استراتيجية تداول العملات المتعددة : حملها بالمؤشرات كاملة "M5 سوبر تريند"
الجمعة يونيو 08, 2018 5:24 pm من طرف عبد الله سلام

» [مؤشر فوركس] "موفينج افريج" سكالبينج موفنج افريج باشارات البيع والشراء [Scalper Moving Average]
الجمعة يونيو 08, 2018 5:02 pm من طرف عبد الله سلام

» مؤشر ماكدي :مؤشر الفوركس MACD Spaghetti NMC
الجمعة يونيو 01, 2018 4:54 pm من طرف عبد الله سلام

» استراتيجيات جان كاملة - شرح التحليل العلمي للفوركس وافضل استراتيجيات التي لا تخيب وتحقق بها ارباح مهولة في سوق العملات
الأربعاء مايو 16, 2018 9:03 pm من طرف sief

» مجموعة مؤشرات تحديد الاتجاه : اقوي مجموعة مؤشرات لتحديد الاتجاه قبل حدوثه بمنتهي الدقة
السبت مايو 12, 2018 1:13 am من طرف عبد الله سلام

بحـث
 
 

نتائج البحث
 

 


Rechercher بحث متقدم

المواضيع الأكثر نشاطاً
اقوي واسهل طريقة تداول فوركس - 2018 - تعلم اقوي استراتيجية فوركس
كشف اسرار الفوركس - دورات الفوركس - علم الارقام - كشف الاسرار حمادة سلام
المتاجرة السعرية الزمنية - خلاصة المواضيع من كل المنتديات - تعلم مع حمادة سلام
استراتيجيات جان كاملة - شرح التحليل العلمي للفوركس وافضل استراتيجيات التي لا تخيب وتحقق بها ارباح مهولة في سوق العملات
افضل استراتيجية فوركس رقمية تعلم الصيد بطريقه رقمية بحتة سهله إن شاء الله
اقوى استراتيجية للعملات 2018 استراتيجية خبرتي جمال ممدوح وإحتراف استراتيجية الإتجاه اليومى
طريقة رقمية جديدة تحت الاختبار وعلى الله الاتكال
استراتيجية خبرتي للدكتور جمال ممدوح - التمبلت والمؤشرات الاستراتيجية د- جمال ممدوح - شرح الطريقة كاملة
استراتيجية المغناطيس استراتيجية المغناطيس في التعليم استراتيجية ملخصات المغناطيس استراتيجية قطبي المغناطيس استراتيجية المغناطيس للاستاذ عمرو
الدرس التاسع - لماذا العمل بسوق العملات ؟ الفوركس تعلم فوركس صح

تدفق ال RSS


Yahoo! 
MSN 
AOL 
Netvibes 
Bloglines 


المواضيع الأكثر شعبية
كشف اسرار الفوركس - دورات الفوركس - علم الارقام - كشف الاسرار حمادة سلام
استراتيجيات جان كاملة - شرح التحليل العلمي للفوركس وافضل استراتيجيات التي لا تخيب وتحقق بها ارباح مهولة في سوق العملات
المتاجرة السعرية الزمنية - خلاصة المواضيع من كل المنتديات - تعلم مع حمادة سلام
مؤشر رائع يحدد نقاط الدخول والخروج احدث نسخة مؤشر 2018 - Forex-Aroora-buy-sell-Indicator
اقوي واسهل طريقة تداول فوركس - 2018 - تعلم اقوي استراتيجية فوركس
شرح برنامج جانزيلا كاملا مكملا شرح برنامج gannzilla
التحليل الزمني حماده سلام شرح وتلخيص المتاجرة السعرية الزمنية للدكتور حماده سلام
اقوى استراتيجية للعملات 2018 استراتيجية خبرتي جمال ممدوح وإحتراف استراتيجية الإتجاه اليومى
افضل استراتيجية فوركس رقمية تعلم الصيد بطريقه رقمية بحتة سهله إن شاء الله
استراتيجية المغناطيس استراتيجية المغناطيس في التعليم استراتيجية ملخصات المغناطيس استراتيجية قطبي المغناطيس استراتيجية المغناطيس للاستاذ عمرو

تحميل كتاب طريقة المتاجرة السعرية الزمنية حمادة سلام

الأحد فبراير 18, 2018 10:45 am من طرف عبد الله سلام

Feb 3, 2017 - كتب الدكتور حمادة سلام. ... 4 د . حمادة ..المتاجرة السعرية الزمنية · 5 سر_جديد_يكشف_مدى_عشوائية_السوق_حمادة · 6 شرح العلاقات الفلكية · 7 طريقة المتاجرة السعرية الزمنية بمفهوم جديد · 8 كشف_الأسرار_حمادة_سلام_الجزء_الأول …



[ قراءة كاملة ]

تعاليق: 0

تحميل كتاب دورة مكثفة في الفوركس من البداية للاحتراف

الأربعاء يناير 17, 2018 3:11 am من طرف عبد الله سلام

هذه دورة مكثفة تتكون من 8 دروس لتعليم الفوركس من البداية


تحميل كتاب دورة مكثفة في الفوركس من البداية للاحتراف تحميل كتب عن البورصة pdf كتاب تداول العملات ببساطة pdf كتاب المتداول العربي pdf تعليم forex للمبتدئين كتاب تعليم …



[ قراءة كاملة ]

تعاليق: 1

كتاب جون ميرفي التحليل الفني للأسواق المالية , مكتبة الفوركس العربي كتب فوركس مترجمة

الأربعاء يناير 17, 2018 2:38 am من طرف عبد الله سلام

كتاب جون ميرفي التحليل الفني للأسواق المالية , مع الملخصات التي كتبت فيه وكل ما كتب حوله اكبر مكتبة فوركس عربية حتي اليوم 




هذا كتاب التحليل الفني للأسواق المالية لجون ميرفي الشهير 



أضخم مجموعة كتب فوركس تحميل مجاني





[ قراءة كاملة ]

تعاليق: 1

كتاب الشموع اليابانية ستيف نيسون براعة الشموع اليابانية في تحليل الخرائط البيانية pdf

الأربعاء يناير 17, 2018 3:59 am من طرف عبد الله سلام

كتاب الشموع اليابانية ستيف نيسون براعة الشموع اليابانية في تحليل الخرائط البيانية pdf


كيف يمكنك قراءة الشموع اليابانية وتحليلها هذا هو ما سيقدمه لك ستيف نيسون في هذا الكتاب حيث يتناول اساليب رسم وتحليل الخرائط …



[ قراءة كاملة ]

تعاليق: 1

كتاب النماذج السعرية النماذج السعرية الانعكاسية - الفوركس - مكتبة فوركس

الأربعاء يناير 17, 2018 4:29 am من طرف عبد الله سلام

كتاب النماذج السعرية النماذج السعرية الانعكاسية - الفوركس - مكتبة فوركس


اعضاء المنتدي الكرام هذا الكتاب يتحدث عن الاشكال الرسومية ماهي وكيفية الاستفاده منها في المضاربه وهذه صور من الكتاب


كتاب النماذج السعرية النماذج …



[ قراءة كاملة ]

تعاليق: 1

كتاب تعليم الفوركس للمبتدئين :تعليم الفوركس | تعلم فوركس | كتاب تعليم الفوركس

الأربعاء يناير 17, 2018 3:39 pm من طرف عبد الله سلام

كتاب تعليم الفوركس للمبتدئين :تعليم الفوركس | تعلم فوركس | كتاب تعليم الفوركس


كتاب تعليم الفوركس للمبتدئين بصيغة pdf » فوركس عرب اون لاين حصريا قراءة كتاب تعليم الفوركس للمبتدئين أونلاين تعلم الفوركس – تعليم الفوركس كتب …



[ قراءة كاملة ]

تعاليق: 1

التحليل الفني للاسواق المالية عبدالمجيد المهيلمي pdf

السبت يناير 20, 2018 1:12 am من طرف عبد الله سلام

التحليل الفني للاسواق المالية عبدالمجيد المهيلمي pdf


عمل الأستاذ/ عبد المجيد المهيلمي رئيس للخزانة وكبير المضاربين لعدد من المصارف في أكثر من دولة عربية. كما عمل في أكبر المصارف ... مؤلف كتاب "التحليل الفني للأسواق …



[ قراءة كاملة ]

تعاليق: 1

كتاب سلسلة اسرار الفوركس للدكتور اسامة عادل

الأربعاء يناير 31, 2018 5:09 am من طرف عبد الله سلام

كتاب سلسلة اسرار الفوركس للدكتور اسامة عادل

 كتاب شيق للمبتدئين و للمحترفين فى الفوركس و يتضمن سلسلة كبيرة من اسرار الفوركس و التى كتبت من خلال خبرة طويلة فى التعامل مع السوق و. التعامل مع شركات الفوركس و الكثير من …


[ قراءة كاملة ]

تعاليق: 0

كتاب النماذج الفنية للتداول فى سوق العملات واهميتها وشروطها والية التداول عليها

الأربعاء يناير 31, 2018 5:05 am من طرف عبد الله سلام

كتاب النماذج الفنية


النماذج الفنية للتداول فى سوق العملات واهميتها وشروطها والية التداول عليها


النماذج الفنية هى عبارة عن اشكال وانماط تعيد نفسها اثناء تحرك الاسعار اهم النماذج الفنية المعروفة نموذج القمة الثنائية و …


[ قراءة كاملة ]

تعاليق: 0


اقوي واسهل طريقة تداول فوركس - 2018 - تعلم اقوي استراتيجية فوركس

صفحة 2 من اصل 3 الصفحة السابقة  1, 2, 3  الصفحة التالية

اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 3:55 am

الكيبل كان كاسر قناة اربع ساعات لتحت كمان

ودخلتوا شراء على كسر قناة الساعه فوق
لا انت كلامك صح
بس كان لازم يرجع على ال 4 ساعات يعمل اختبار
ولما توافق ده مع الكسر على الساعة دخلنا شرا
وانا قلت لو تفتكر فى اول مشاركة النهاردة ان البيع من الحد العلوى للأزرق وبين قوسين ده اذا وصل له
يعنى الميل الاكبر للنزول
وبالفعل زى مانت شوفت كان النزول 50 نقطة فى اقل من نص ساعة (كان بيتلكك ههههههه)
وفيه هنا نقطة هاااااامة كنت قلتها فى مشاركة سابقة وماحدش علّق عليها، والنهاردة كان التطبيق العملى بتاعها
وهى انك لو كنت داخل صح والسعر عكس عليك (افترا يعنى هههه) لاااااااازم السعر يرجعلك تانى عشان تقفل ولو على الصفر انما السعر مش غدّار (بس ده لو انت كنت داخل صح)
فمثلا اللى ماعتبرش ان الكسر كان من الساعة 3 ودخل على كسر الساعة 9 الواضح (مع ان ده كان مخالف لل 4 ساعات، بس كان يعتبر صح على الساعة شوية) هاتلاقى ان السعر نزل وعمل شبه اختبار وطلع تانى للى اشترى عشان لو حابب يراجع اموره هههه
بس المهم هنا هو عدم التكبّر وانك انت اللى صح والسوق غلط، واعرف واعترف انك كنت غلطان وابقى اكسب فى صفقة تانية احسن ماتفضل متعلق وتحاول توصل انك تطلع بصفر وتتمنى ده بعدين
انا ايه اللى خلانى ادخل بيع؟؟
أولا
على الفريم اليومى السعر كسر الأزرق لتحت ورجع عمل اعادة اختبار
وحتى لو كان السعر هايطلع على اليومى بعد كده فمش هايكون الارتداد السريع وممكن استفيد من النزول ده
ثانيا على ال 4 ساعات كسر لتحت وعمل اختبار
وعلى الساعة السلوك السعرى زى مانتم شايفين
وعلى حد القناة العلوى
بس
وعشان كده انا قلت بيع مش عشان حاجة تانية


يا دكتور كيف اعرف ان السعر بسووي اختباار او لا
من الفريم الاقل منه
اذا الاربع ساعات حددت هنا ملامح الفريم اليومي بعد الارتداد من شموع ضعيفة 
اكدتها شمعة الساعة التي اغلقة فوق الحد العلوي للقناة الزرقاء 
واليومي حدد وجهة الاربع ساعات القادمة الي هو الهبوط بعد اعادة الاختبار
هل انا فهمت صح يا دكتور
تمام انت كده فاهم صح
وباذن الله كلها ربع ساعة وانزل الشرح المنتظر
معلش على التاخير
بس باجهز وبارد على المشاركات
كل ده خلال مانا باتداول


................
الحمد لله رب العالمين
صفقات اليوم كانت كالتالى
شرا بمكسب 45
بيع بمكسب 50
بيع بمكسب 20
ثم بيع اخير بمكسب 20
بمجموع +135
من الكيبل فقط (وده اللى اتقال هنا فى المنتدى لايف غير صفقات اخرى)
مع العلم ان حركة الكيبل اليوم كاملة كانت 104 نقطة حتى الان
يعنى مجموع اللى قلناه هنا لايف اكتر من الرينج التحرك كله
ولله الحمد من قبل ومن بعد
والحمد لله المرة دى انا عارف ان فيه ناس استفادت بالفعل (عشان قالولى على الشات) بس يارب يكون فيه اكتر منهم استفادوا سواء قالوا او ماقالوش مش مهم المهم الافادة

ونتفرغ بقى لكتابة الموضوع بتاع الاكتفاء السعر


....................


عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

ازاى نقدر نعرف ان السعر انهك واستُهلك من كتر السير فى هذا الاتجاه؟

مُساهمة من طرف عبد الله سلام في الأحد فبراير 04, 2018 4:01 am

كنا شرحنا ازاى نقدر نعرف الاتجاه وازاى نقدر نمشى معاه
ولما ندخل تريدة ازاى نكون واثقين بنسبة كبيرة فى اننا صح وفى الاتجاه السليم حتى انها اذا ارتدت علينا برضة مانقلقش وبترجع تانى لمسارها الطبيعى (ده لو ارتدت اساسا هههه)


المهم
نيجى بقى للمرحلة التانية وده بعد ما الناس فهمت المرحلة الاولى ولله الحمد
المرحلة التانية دى عبارة عن استراتيجية متكاملة فى حد ذاتها
وممكن الشغل بيها لوحدها
وممكن نستخدمها مع الاستراتيجية الحالية والدمج بينهما
ازاى نقدر نعرف ان السعر انهك واستُهلك من كتر السير فى هذا الاتجاه؟
شوف
الموضوع ده بيخليك تعمل كذا حاجة
أولا لو استخدمناه لوحده
هانسيب العملة تمشى على راحة راحتها ولما ماتقدرش تمشى اكتر من كده وهاتبدا تعمل تصحيح ناخد احنا التصحيح ده
وثانيا ممكن مايكونش ده تصحيح ويكون عكس للاتجاه ويبقى اخدنا الاتجاه من اول اوله هههههه


طيب ولو هاندمجها مع الاستراتيجية بتاعتنا؟
يبقى مثلا هاناخد السعر طالع لحد لما يفقد قوته (بالاستراتيجية الاولى)
وبعدين ناخده نازل فى التصحيح بالاستراتيجية التانية ههههههه


طيب نعرف منين ان السعر جاب آخره؟
فيه عندنا حاجة اسمها الرينج اليومى للحركة، ودى بتختلف من عملة لأخرى
يعنى مثلا، ممكن نقول ان متوسط حركة الكيبل مثلا هى 140 نقطة
ممكن يوم 120 وممكن يوم 150 فيكون المتوسط مثلا 140
يقوم لما الكيبل يمشى 140 نقطة النهاردة يبقى كده عمل اللى عليه وزيادة والساعة مثلا 6 بالليل امال هايعمل ايه باقى اليوم؟؟ اكيد هاينزل
فلو كان السعر مشى 140 نقطة طلوع مثلا يبقى ممكن نبتدى نفكّر فى البيع، والعكس صحيح


طيب هانعرف منين متوسط الحركة لكل عملة؟ هل نتابعها فترة؟ طيب ولو حصل انفجار مفاجىء هل نحسبه ولا نعمل ايه؟


بدل كل العذاب ده والحسابات دى كلها
فيه عندنا مؤشر فى البرنامج برضة جاهز وهو مهم جدا اسمه
ATR (Average True Range)
أو متوسط معدل الحركة الحقيقى
ده هايقولك كل حاجة لوحده من غير حسابات


تعالوا بقى نطبق القصص دى عملى

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 4:02 am

تعالوا نمشى مع بعض خطوة خطوة عشان التطبيق

اولا احنا عاوزين الرينج اليومى

فهانروح لشارت الديلى ونحط عليه مؤشر 

ِATR

باعداداته (14)

وبعدين نشوف قراءة المؤشر على امبارح كانت ايه

وطبعا زى ماحنا متعودين بنشتغل على امبارح عشان مايكونش فيه اى تغيير ولا حد يقولى ده كان كذا وقت مانا بصيت انما الوقتى كذا

لا، احنا هناخد قراءة امبارح كانت كام وهانمشّى بيها على النهاردة




فليكن مثلا النهاردة

هانبص على قراءة امبارح على الكيبل هانلاقيها 118

يبقى اذن متوسط الحركة خلال 14 يوم هى 118 نقطة

ومن هنا نشوف اى بوادر ارتداد قريب من ال 118 نقطة فى اتجاه واحد مع سلوك سعرى مناسب وندخل عكس الاتجاه

ايوة عكس الاتجاه



وخلى بالك

احنا هانقيس اللى مشيه الكيبل من اللو للهاى

مش من الافتتاح



فالكيبل مثلا مشى النهاردة 104 نقطة من اللو للهاى

وعمل الهاى ده الساعة 2 الظهر

وكان فاضل له على 118 مجرد 14 نقطة للوصول الى متوسط الرينج اليومى 

امال باقى اليوم هايعمل ايه؟ لسه فيه عندنا 10 ساعات

فانا بعت (سيبك كمان الوقتى من سلوك السعر) فحتى لو طلع وارتد عليا

هايرتد كام نقطة؟؟ ولمدة اد ايه هايقدر يفضل طالع؟؟؟ ولو طلع تانى وكتير هاعزز بيع عشان كده هايبقى استهلك اكتر والنزول بتاعه هايكون اسرع واقوى

فما بالكم انه عامل كمان سلوك سعر للنزول بشمعة انا باحبها وجيبنا سيرتها كتير هى الفولنج اوف ذى رووف!!!!! وبالقرب من الرينج اليومى يعنى بيع بيع بيع

وعشان كده نزل النزلة دى 



وزى ما الاستراتيجية الاولى كانت هى الترند والدعوم والمقاومات بمنتهى البساطة

فالاستراتيجية التانية هى حاجة اسمها الماركت بروفايل لو تسمعوا عنها برضة بمنتهى البساطة



90% من الناس بتدخل السوق من منطقة الوسط

بمعنى ان السعر ما بيكونش لسه اخد اتجاهه

الناس بتحب تصطاد الاتجاه من اوله

وانتوا طبعا عارفين النتيجة مش محتاج اتكلم كتير

انما فكرة الماركت بروفايل باختصار وبدون تزويق فى الكلام وعمل شكل هلامى للمواضيع البسيطة

هى انك تدخل بعد ما السعر يستهلك قوته

طيب ليه بيكون استهلك قوته؟

عشان معظم اللى بيكونوا اخدوه عكس الاتجاه من اوله فقدوا الامل انه يرجع كل ده تانى وخسروا كتير

ومعظم الل اخدوه صح من اوله او ركبوا الموجة مظبوط (زى ماحنا بنعمل فى الاستراتيجية الاولى) هايكونوا بيقفلوا على ارباحهم

فاحنا ندخل هنا عكس الاتجاه واحنا مطمئنين ان السعر مش هايعكس وحتى لو عكس مش هايكون بنفس القوة اللى كان عليها وهو بصحّته

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 4:24 am

نفس النظام
انا قلت بيع ليه؟
لما يكون مشى 102 نقطة من أصل 125 والساعة لسه 1 الظهر
مع عمل شمعتى المفضّلة فولنج او ذى رووف
يبقى ناقص ايه؟؟


طيب الفكرة هنا بقى
هل كل عملة نفتح الشارت اليومى بتاعها الصبح ونعرف الرينج بتاع امبارح ونحفظه لكل عملة لوحدها
وكل شوية نقيس من اللو الى الهاى عشان نعرف العملة اتحركت اد ايه ونقارنهم ببعض؟
ده يكون اليوم خلص والحركة اللى انت عاوز تلحقها سابتك ومشيت


امال نعمل اييييه؟؟
ولا حاجة


هههههههههه


انا اللى هاعمل
فى المرفقات مؤشر انا عامله، بسيط جدا جدا، كل اللى بيعمله هو انك تحطه على فريم الساعة اللى بتتاجر عليه
وهو يروح لوحده لليومى ويعرف قياس رينج امبارح للعملة اللى انت حاطه عليها ويكتبهالك فوق على الشمال


بس كده؟
لا
الناردة احنا معانا اوفر اتنين فى واحد هههههههه
بيقيس كمان فارق اللو من الهاى اللى هو رينج الحركة بتاعت النهاردة وبيكتبه جنبه


يعنى مثلا لما تلاقيه كاتبلك فوق على الشمال
118 114
يعنى السعر رينجه اليومى المتوسط هو 114 (اللى مكتوبه على الشمال)
وهو الوقتى اتحرك النهاردة 118 (اللى على يمينها)
يبقى مع اول سلوك سعرى للنزول (مش لازم فولنج اوف ذى رووف) يبقى بييييييع فورا وبلا تردد
وخاصة اذا كان جاب الارقام دى بدرى شوية من اليوم


وبس كده




كل اللى انا طالبه من حضراتكم هو حاجة واحدة
ان اللى هاينقل ده فى اى حتة تانية
او حتى هاياخد المؤشر عشان يكمّل عليه انه يذكر الموضوع الاساسى
عشان القصص دى ربنا يعلم انا تعبت فيها اد ايه
مش فى عمايل المؤشر ده كلام فاضى
انما فى الفكرة والدراسة وعمايل الباك تيست لحد ما اثبتت جدارة
MGY AvgComment.ex4‏ 
عن الطريقة لمعرفة وقراءة الرينج اليومي باستخدام مؤشر ATR ؟
يعني كيف عرفت ان الرينج اليومي للكيبل 118 نقطة ؟
تجيب الماوس بتاعك على الشارت اللى تحت وتحدد اليوم اللى انته عاوزه اللى هو امبارح مثلا ونفضل حاطيط مؤشر الموس عليه 
لحد ما يظهر مربع صغير كدا مكتوب فيه الرينج بتاع امبارح



دلوقتي كمثال عملي البوند النهارده كما ذكرت حضرتك

متوسط الرينج اليومي طلع 118 طيب أنا لو شغال النهارده هستنى الفرق بين الهاي والو يكون 118 أو اكتر عشان ابيع
لكن ده ماحصلش وارتد بمجرد ماعمل 104 نقطة (اقصى حاجة قدر يعملها النهارده), طيب حضرتك عرفت منين عند الحتة دي انه جاب اخره؟ كان ممكن عند 90 نقطة يرجع أو حتى كان ممكن يوصل ل118 نقطة

لسؤال التاني: في الطريقة الجديدة ازاي نحدد هدفنا؟ (ولا نستعين بالقنوات بتاعتنا ووضع السعر بتاعنا منها؟)
انت تؤمر
اسباب البيع التانى هى نفسها اسباب الاول
كل ما هناك ان السعر ارتد تانى لنفس منطقة الدخول الاولى فى نفس الساعة فبعت مرة تانية
اما اسباب الدخول التالت هو اللى انا قلته فى شرح الاستراتيجية التانية
وهو استهلاك السعر للسير بحوالى 104 من 118 مع شمعة فولنج او ذى رووف
ده الى جانب كل اسباب البيع الاساسية للأولى والتانية


سواء قفلت قرب الفتح فتسمى شوتنج ستار، ولا قفلت على الفتح فتبقى جريف ستون، ولا قفلت تحت الفتح بكتير (وده الافضل) فتسمى فولنج اوف ذى رووف اللى اتهرينا كلام عنها
وكذلك بالعكس مع الهبوط

يعنى من الآخر
لما يكون فيه مشترين اقوياء بيطلعوا السعر
وفجاة يطهر بائعون اقوياء يقدروا يرجعوا السعر بقوة، ويكون الكلام ده على نقط قوية من بتوعنا (حد للقناة، او استكمال رينج يومى، او خط النص) يبقى ده دليل قوى على الهبوط
وكذلك بالعكس


لما بيبقى بدرى اوى كده انا عن نفسى ما باستناش تاكيد وبادخل بس بلوت قليل
عشان مش هاينفع يكمل باقى اليوم بنفس القوة
زى اللى بيجرى سباق 100 متر بيعمل فيهم مجهود خرافى وشوف شكله بيبقى عامل ازاى اخر السباق بيبقى هايموت ومنهم اللى بيترمى على الارض
انما اللى بيجرى الماراثون، بيبقى ماشى على الهاااادى حتى انهم فى البداية بيمشوا مش بيجروا، وعشان كده بيقدر يكمّل حاجة واربعين كيلو (شوف يعمل كام 100 من بتوع التانى) واللى بيشد بيكون فى الاخر بس
فيوم زى النهاردة، كان السباق السريع للعملات فكلهم هايقطعوا النفس بدرى فعشان كده بادخل
ولو كمان بقى فيه سلوك سعرى يؤكد الطلوع بادخل بلوت كبير




موضوع 2008 ده حكاية
كان الرينج بيوصل لل 500 ده المتوسط
وكان السعر بيعمل ضعف الرينج فى اليوم يعنى بيمشى 1000 نقطة
وكان الشرا من ال 500 كالعادة ولما بينزل باعزز
وكان بيطلع اللى نزله فى نفس اليوم
فبتكون المحصلة حوالى 700 نقطة من الكيبل فقط فى اليوم اللى الناس بتنتحر فيه من الخسارة

المهم
عمر ما العملة بتفاجىء المتاجر بأضعاف اضعاف الرينج مرة واحدة
انما بيكون هناك مقدمات
يعنى فى 2008 ما نطش الرينج كده لل 500 مرة واحدة
انما كان 140 وبعدين تانى يوم مشى 180 فأصبح الرينج 155 فى المتوسط مثلا
وهكذا
وانت بتصطاده مع سلوك سعرى يؤكده كمان
يعنى لو الرينج المتوسط مثلا 200 انت مش لازم تفتح صفقة على 200 ممكن على 230 بعد عمل سلوك سعرى
او ممكن تفتح من غير سلوك سعرى خالص
وده امتى؟
لو السعر اتحرك اكتر من الرينج المتوسط بكتير
فمثلا لو الرينج 200 والسعر طار الى 300 يبقى انا عن نفسى مش هاستنى لا سلوك ولا كابلات
ده عامل متوسط الرينج مرة ونص فى يوم (ودى بدايتى معاه) يعنى ممكن اعزز بعدها ونعيش سوا زى ماهو عاوز ههههههه
انت ركبت الموجة خلاص
ومش هايعرف ينزلك حتى لو عمل زى الثور فى مصارعة الثيران انت راكب راكب
يارب تكون وضحت الصورة





شوف هو التعزيز (كما يسميه الناس) انه لما تكون واخد شرا مثلا وبعدين السعر طلع معاك فى التجاهك فممكن تاخد عقود تانية تعزيز للعقد الاصلى فى نفس الاتجاه

ولو السعر عكس عليك، يعنى انت داخل شرا والسعر نزل وحبيت تعمل (افريدج) يعنى متوسط تقوم تاخد عقود شرا تانية من سعر افضل شوية (الناس بتسميه تبريد)

وعشان انا مش عاجبنى بصراحة مصطلح (تبريد) ده، فانا باقول تعزيز (وممكن نسميه تامر على اسم جده) المهم المفهوم واحد ان لما ينزل السعر ويرتد عليك تاخد عقود تانى بحيث لما يمشى فى اتجاهك ولو بسيط تطلع كسبان



الورشة والشغل العملى

عاوزين نبتدى بقى نطلّع عين الفوركس زى ما طلع عيننا سنين
ههههه

هانعمل فريق عمل متكامل باذن الله
وخط السير كالاتى
- نختار ونحدد العملات اللى هانشتغل عليها ومواصفاتها (تمشى مع النظم بتاعتنا -مع ان معظمهم كده- اسبريد قليل او حركة عنيفة تعوض الاسبريد)
- مع تحديد العملات كل واحد يحدد هو يحب يشتغل فى عملة او عملتين ايه (عشان نقسم فرق العمل لاصطياد الفرص)
- بعد تقسيم فرق العمل هانختار حد يقود الفريق على العملة دى ونشوف واحد بس يحط الفرص فى المنتدى عشان التشتيت
طيب ايه الجديد فى كده ما كذا ورشة عاملة الكلام ده كله
انما احنا عاوزين نشوف حل للتواصل بحيث اول ما تتكون فرصة على اى عملة يتم تبليغ باقى الفرق بالفرصة باذن الله

وعندنا ما شاء الله ناس فاهمة الطريقة تمام
نفتح بقى باب المشاركة كل واحد يرشّح العملات المناسبة للاستراتيجية
ويقول هو يفضّل يشتغل على اى عملة منهم
وكمان افضل الاوقات فى المتابعة بالنسبة له

ونخلى بالنا ان لابد اللى ناوى (يشتغل) فى الفريق يكون شبه متفرغ (فى الوقت اللى هايختاره) عشان لو جت فرصة فى التوقيت بتاعه فهو المسئول عن اصطيادها

اما لو حد مش قادر يكون متفرغ او لا يفضّل العمل ده
ما فيش اى مشكلة فهو متابع محترم لكل الفرص
اللى هاتتحط هنا فى المنتدى بعد دراستها
فهو مستفيد من شغل كل اللى اشتغلوا
ووضعوا له الفرص هنا (على الجاهز)

ها فين الهمّة بقى






عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 4:31 am





أنا حبيت أشارككم مؤشر عملته للاستراتيجية الثانية لمتابعة رينج عشرة أزواج

أحببت أن أشارك ولو بشيء يسير في هذا الموضوع الذي علمنا الاخلاص في العطاء وعدم الانانية

المتغير add_dist لاعطاء تنبيه عند وجود السعر عند الرينج زائد أو ناقص add_dist

المؤشر 3 ألوان :
الرمادي: قبل وصول السعر للرينج
الاخضر: عند وصول السعر الرينج
الاحمر : عند وصول السعر الرينج زائد أو ناقص add_dist
ملاحظة: التنبيهات بالالوان فقط.
ATR_Multi_Pairs_PERIOD_D1(AwadKAB).mq4‏
أولا فيه ناس تحمست ودخلت على الحساب الحقيقى وده غير اللى احنا اتفقنا عليه
ثانيا فيه ناس احسّت انها (ملكت السوق) ودى أسوأ آفة ممكن تصيب المتاجر
فبقت بتدخل من اى مكان وبدون سبب واضح (وده للأسف بييجى من كتر المكسب المتتالى) يعنى لما حد يقول طالع ويطلع (حتى لو مش داخل تريدة يكفى ولو بالنظر) ويقول لحد هنا كفاية ينزل بقى فينزل
وتتوالى كذا مرة بالشكل ده بيحصل للمتاجر نوع من الغرور واحساس بانه مَلَك السوق فلاااااااااازم السوق يديله خبطة تفوقه
الكلام ده عن خبرة يا جماعة مش تخيّل
انا كان بيحصل معايا كده، انا مش باقول على حاجة عيب عشان الناس تبتدى تدفع التهمة عنها
بالعكس دى خطوة عادية فى حياة المتاجر لما بيبقى شاطر
بس المهم انها لا تدوم

لقيت ناس بتقول انها دخلت من مناطق انا مش شايف فيها اى سبب للدخول خالص
ولقيت ناس بتقول على عدد نقط وتعزز مع اننا لم نشرح مناطق التعزيز ابدا
انا عارف كويس ان الناس اخدتها الحماسة
وليهم حق
من 10 ايام فقط ناس كتير بتبص للشارت على انه وهمى ورايح جاى بدون ملامح
الوقتى بفضل الله تعالى بتقدر تحدد الاتجاه بمنتهى السهولة
بل وتقدر انك تقول لحد هنا كفاية
وكمان بعضكم ممكن ياخده فى الاتجاه المعاكس يعنى طالع نازل
ولله الحمد

بس بالراحة وواحدة واحدة
عشان الاندفاع مش حلو
يعنى لو انت راكب عربية وماشى على سرعة 10 كم وخبطت فى حاجة، اولا هاتقدر تلحق نفسك بسرعة وثانيا هاتكون الخسائر طفيفة ده لو فيه خسائر
انما هل هاتكون خفيفة لو انت ماشى على سرعة 60؟؟
امال لا قدر الله لو ماشى بسرعة فوق ال 120 الخبطة مش هاتكون فيها خسائر
الخبطة بموتة زى ما بيقولوا
زى اللى دخل ب 90% من الحساب ده مش قلب اسد، ده تهريج مع احترامى
اذا كنت انا صاحب الاستراتيجية وماشى عليها من سنين طويلة ماينفعش اعمل كده، مش عدم ثقة فى الاستراتيجية، انما السوق له اصول
يا اما ده اسمه فرد عضلات

واللى يدخل بدرى اوى ده استعجال ، وقلنا سابقا فى المشاركات الاولى انك لازم تكون واد تقيل، وليك سبب فى الدخول وليك سبب فى الخروج
واللى لما السعر يعكس عليه بيخاف ، اذا كنا داخلين من مناطق السعر خلاص مش قادر يمشى تانى بتخاف من ايه؟
يعنى اللى مشيه الكيبل فى ساعة واحدة ايام قوته، مش قادر يمشى 20% بس من اللى مشيه فى الساعة، بقاله 8 ساعات لحد الوقتى
يبقى فين الخوف؟

وشوفت كمان الطمع
يعنى الصفقة اللى انا قفلتها وانا برة كانت على 20 فى الكيبل و20 فى اليورو
طيب الكيبل جاب 30 واليورو جاب حاجة و30
براحته
يارب يجيب 200
انا اخدت منه ما يكفى ومازعلش على اللى فاتنى، فيه بكرة فوركس برضة مش هايخلص

انما ناس تدخل وتعمل مكسب وتنتظر يلف بيها وينزل ويحاول يعزز عشان يطلع على نقطة الدخول، ليه كل ده، ما تقفل وتقوم تنام ولا تستفاد بيومك
والله والله ثم و الله
فيه ناس فى مواضيع تانية بتتمنّى 10 نقاط فقطططط فى اليووووووم
انا لما كنت برة وعملت مشاركتين واحدة على نقطة الدخول والتانية انى قفلت مافيش بينهم 5 دقايق ولله الحمد وبنتكلم عن 40 نقطة
ده غير الصبح لما كنا سوا خطوة بخطوة
يعنى الف حمد وشكر ليك يارب على هذه النعم

عجبنى اللى قفل على مكسب 17 نقطة وحمد ربنا
ما قالش لا انا لازم اقفلهم 20 ويبقى رقم مقفول

معلش والله انا آسف الكلام المرة دى مش هزار ولذيذ
انما انا لقيت الناس على كذا شكل فحبيت اتكلم عن كل جزئية شوية
وخاصة انا باذن الله هانبدأ الورشة (هنا) قريب
فعاوزين نبدأ بقوة ، فعشان كده اتكلمت ومن باب المصلحة وربنا يشهد
فياريت ماحدش يزعل من الكلام ده لان المقصود بيه خير وتعليم للاخوان عن الاخطاء اللى انا نفسى مريت بيها
يعنى اعتبرونى باتكلم عن نفسى مش عن حد تانى

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 4:41 am

اليورو دولار ضمن الشاتر بالمرفقات لكن يوجد شيء مبهم بالتحليل أرجو منك توضيحه أو بالأحرى حاسس انه فريم اليومي ما أعطاني أي دليل لاهبوط ولا صعود والأربع ساعات هبط كتير لتحت وخايف من البيع
فهل ممكن بهيك حالة استعين بفريم الساعة 





الملف المرفق عبارة عم حاجتين
الاولى مؤشر تانى للاستراتيجية التانية هايتم شرحه بالتفصيل كمان شوية
وده هاتحطه فى فولدر اسمه
Indicators
والتانية عبارة عن تيبملت للاستراتيجية كلها
يحتوى على الشموع بالوانها والفواصل، مع الخطوط الحمرا والزرقا (وياريت مانغيرش الالوان عشان الالوان الفحلقى دى بابقى مش عارف مين رايح فين هههه)، ويحتوى على المؤشرين اللى فات وده
يعنى هاتشغل التيمبلت وتسيب ايديك ههههه
وده هاتحطه فى فولدر اسمه
Templates
وطبعا لازم تقفل البرنامج وتشغله تانى الاول

المهم
الهدية دى مش هاتعرفوا قيمتها الا فى المشاركة اللى بعد مشاركة شرح المؤشر
وباذن الله كل ده النهاردة عشان تاخدوا الاجازة للمتعّن فى كل اللى فات
وربنا يقويكى يا جومانة على المجهود اللى انت بتعمليه الوقتى فى التجميع ويكرمك

ومعلش تانى وتالت باكرر
انا اللى عامل المؤشر مش واخده من حد ولا منزله من النت
فلو اى حد نقله او زود عليه (براحته خالص) ولكن على الاقل يذكر المصدر (اذا سمحتم)
والف شكر لأحلى إخوان

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 5:04 am

نيجى بقى للشرح

المؤشر هو عبارة عن الاستراتيجية التانية بس مرئية

بمعنى ايه

ان بدل ما الرينج اليومى بيكون مكتوب فوق بالارقام للنهاردة بس

بقى مرسوم على الشارت وموجود للأيام السابقة عشان تقدر تعمل باك تيست بمجرد النظر، ولسهولة الرؤية، يعنى لما السعر ينزل از يطلع عشان يلمس الخط بتاع الرينج هايبقى الموضوع اوضح من مجرد رقم




المهم

عاوزين نوضح كيفية القراءة للمؤشر الاول، وبعدين نشرح كيفية الاستخدام



أولا كيفية القراءة

المؤشر ده مش بيعيد رسم نفسه ولا اى حاجة

انما بيحصل ايه؟

ماهو لازم نبقى فاهمين فكرة عمله عشان نقدر نستغله صح



اول ما اليوم بيفتح، المؤشر كالعادة بيروح يقرا متوسط الرينج اليومى لامبارح (يعنى مافيش حاجة بتتغير) وبعدين يرسم خط اخضر(عشان الشرا) بالعرض من الهاى بتاع اليوم ناقص الرينج ده

ويرسم خط احمر (عشان البيع) من اللو بتاع اليوم زائد الرينج ده



وطبيعى ان خلال اليوم اللو والهاى بيتغير

فطبيعى برضة ان الخطوط تتغير

بس خلى بالك

مش بتتغير عشان توافق السعر وتضحك على المتاجر بالعكس وهانشوف ازاى

انت مثلا لو هاتعمل الشغل ده يدوى هاتعمل ايييييييه؟

اللو بتاع اليوم مثلا 100 والرينج المتوسط 100

فيكون حاليا لو السعر انطلق صعودا البيع هايبقى من كام؟ 200 مظبوط

اللى هم 100 اللو مع فرق الرينج 100 يبقى السعر لو وصل ل 200 بنبيع

تمام؟

ده لو السعر طار الرينج كله مرة واحدة

طيب لو السعر نزل شوية وبقى اللو 70؟

هنزود الرينج كالعادة فهايبقى البيع من 170

وكذلك لو نزل كمان الى 50

هايبقى البيع من 150 لو وصل لها



المؤشر بيعمل كده بالظبط

بس فيه حاجة

لو السعر وصل للخط صعودا مثلا الخط مش هايطلع لفوق عشان يعدّل مكانه بحيث يبقى افضل (لا)

الخط هايفضل واقف مكانه محافظ على الفرق بينه وبين اللو دايما

فاللى هايعمل باك تيست بعينه يخلى باله من حاجة مهمة

انه ممكن يشوف السعر فى اول ساعة فى اليوم على الخط الاخضر والسعر طار بعدها لفوق لحد لما وصل للخط الاحمر ونزل شوية

مايقولش يا سلاااااام شوف الخط الاخضر عمل ايه فى السعر

لا

الخط الاخضر ماكانش هنا اول اليوم

انما لما السعر طلع، شد معاه الخط الاحمر (للحفاظ على فارق متوسط الرينج) لحد لما السعر وصل للخط الاحمر (ده ثابت فى المثل بتاعنا ده عشان السعر رايح له مش ماشى ضده) والتفاعل مع السعر يقاس مع الخط الاحمر (فى المثل ده)

يارب تكون مفهومة او انا عارف اشرحها

انما هاتبان اكتر مع التطبيق



وعلى فكرة

القصة دى مش فارقة خااااااااااااااالص فى الشغل اللايف

عشان انت هاتتعامل مع الخطوط لما تلاقيها

انما كل الشرح ده للى هايعمل باك تيست بعييينه مش فيجوال باك تيست كمان



ثانيا وده الأهم

كيفية استخدام المؤشر

وبالتالى الكيفية المُثلى للاستراتيجية التانية



لو انت ماشى مع الاتجاه العام (من الفريم الكبير) يبقى مع لمس الخط الاخضر شرا، الاحمر بيع (وطبعا لو حبيت زيادة تاكيد يبقى من خلال سلوك السعر بالقرب من الخطوط)



لو انت هاتمشى عكس الاتجاه العام او حبيت تشتغل كده على طول (للأمان اكتر) اللى هو هاتعمل كده عالمغمّض من غير ولا فريمات اكبر ولا الهوا (زى الماكينة)

يبقى كالتالى

هاتستنى الساعة اللى كسر السعر فيها الخط (وليكن الاخضر للشرا) لما تقفل

وبعدين تدخل الساعة اللى بعدها من سعر يماثل اللو بتاع شمعة الكسر

مع مراعاة ادارة راس المال اللى اتكلمنا عليها سابقا (منتهى الاهمية)

وبعدين تقسم متوسط الرينج اليومى على 3 ويبقى دة التارجت بتاعك (للناس اللى كانت بتسال عن الهدف)

يعنى مثال

الخط الاخضر موجود عند السعر 100

والشمعة كسرته وقفلت تحته وكان اللو بتاعها 80

والرينج المتوسط 150 مثلا

فيبقى الشرا لما السعر يوصل تانى ل 80 

الهدف (150 على 3 يبقى 50)

فيكون الهدف على سعر 130

وممكن تعمل كل ده فى اوردر معلق اول ما شمعة الكسر تقفل تحت الخط

اما لو انت متابع (وده الافضل) فمن الممكن انك تدخل من نقطة افضل وتخرج كمان من نقطة افضل حسب سلوك السعر



نيجى بقى للتعزيز

فى التقرير بتاع الصفقات اللى هاوريه لكم المشاركة القادمة باذن الله

ده كان اسلوبى فى التعزيز

وكل واحد حسب رؤيته، انا مجرد باقول فكرة والناس تطوّرها براحتها ولو حد وصل لأحسن منها يا ريت يقولنا عشان الكل يستفيد



التعزيز مرتين بس

اول مرة بضعف العقد الاصلى

وعلى بعد مرتين اد التارجت (لو كان التارجت على الاقل 40)

بمعنى لو كان الرينج المتوسط 150

يبقى التارجت للعقد الاول 50

والتعزيز على بُعد 100 من العقد الاول وبلوت مضاعف



ولو حصل السعر وصل للتعزيز يتم وضع الاهداف للعقود جميعا على نقطة الدخول ناقص نص التارجت



والتعزيز التالت والاخير

يكون بلوت مضاعف للوت التعزيز الاول

وعلى بُعد 5 اضعاف التارجت الأصلى من العقد الأول

واذا وصل له السعر

يتم نقل الاهداف جميعا الى ضعف التارجت الاصلى من نقطة الدخول الاخيرة

ن الآخر ومش مهم اسلوب المؤشر

لما شمعة الساعة تقفل فوق الخط الاحمر ناخد بيع من الهاى بتاعها وبتارجت تلت الرينج اليومى (وليس تلت الفارق بين الخطين يا سامو)

والعكس صحيح

لما تقفل شمعة الساعة تحت الخط الاخضر ناخد شرا من اللو بتاع شمعة الكسر وبتارجت تلت الرينج اليومى




ولو حد حب يستفيد اكتر يبقى يدخل سلوك السعر مع الاستراتيجية دى

اهى دى اللخبطة اللى قلنا عليها فى شرح المؤشر



شوف

شكل المؤشر ماكانش كده ساعتها

انما عشان السعر نزل بقوة والفرق بين اللو والخط الاحمر ثابت

فنزل معاه الخط الاحمر لتحت

انما احنا مالناش دعوة بالخط الاحمر اساسا

عشان هو ناااااااازل

يبقى النعامل بتاعنا مع الخط الاخضر للشرا (اللى هو ماتحركش من مكانه)

ولو انت اتّبعت الخطوات

يبقى الشرا كان من اللو بتاع شمعة الاختراق

اللى هو تقريبا اللو بتاع اليوم كله (يعنى تبقى اشتريت من اقل سعر فى اليوم)




طيب واحد يقولى ماهو الشمعة اللى بعدها ماجابش اللو بفارق نقطتين

ارد واقوله عيب عليك ياخى

انت مش شايف ان السعر نزل تقريبا ضعف الرينج اليومى فى شمعة؟ يعنى ممكن تاخد من قبل اللو بشوية عشان مش هايقدر ينزل تانى اكتر من كده فى نفس اليوم (حتى لو فيه زلازل وحاجات احنا عارفين انه نازل وعارفين ان من هنا هايرتد)

فبلاش نمشى بالمللى اوى عشان السوق محتاج مرونة

يعنى ممكن اخد من فوق اللو بشوية او من تحت اللو حسب شكل الشموع هو مش قرآن

وطبعا السعر طار بعدها لحد لما لمس الحد السفلى للاحمر

كان الرنج اليومي 146



كسر السعر الرنج اليومي في شمعة الساعة 1700 مسجل اعلى سعر 1.6026




تم عمل اوردر بيع معلق على نفس السعر وتفعل على شمعة الساعة 1800 بهدف 47 نقطة




عكس السعر وطلع وبتاريخ 1/2 على شمعة الساعة 1100 تم التعزيز بعقد مضاعف ( مرتين اد التارجت ) 47 +47 = 94 نقطة من سعر 1.6026 يبقى سعر التعزيز 1.6120




استمر السعر في الصعود ويوم 3/2 شمعة الساعة 1100 تم التعزيز للمرة الثانية والاخيرة بعقد مضاعف من العقد الثاني 

( خمسة اضعاف التارجت )يعني 47 ضرب 5 = 235 نقطة من سعر اول عقد 1.6026 + 235 نقطة يعني بسعر 1.6261 بهدف ( ضعف التارجت الاصلي ) 47 +47 = 94 نقطة يعني عند سعر 1.6167 لجميع العقود




تم الوصول للهدف المذكور في شمعة الساعة 1600




يبقى النتيجة النهائية

العقد الاول بيع من 1.6026 خسارة 141 - نقطة

الثاني بيع من 1.6120 خسارة 47 نقطة ضرب 2 94 - نقطة

الثالث بيع من 1.6261 ربح 94 نقطة ضرب 4 376 + نقطة




يعني الصفقة كانت كسبانة صافي 141 نقطة

 ان الشموع كذا مرة توضح بالسلوك السعرى انها طالعة

وانا لو فى التريدة دى بصراحة كنت لما هالاقى الشموع كده هادخل هيدج شرا

وافك الهيدج من فوق

 اليورو فتح على جاب كبير لفوق
الشمعة الاولى من اليوم معانا وقلنا ده من قبل

وخاااااصة عشان موضوع الجاب ده




وعلى فكرة مش بالضرورة الجاب يتقفل فى نفس اليوم ولا تانى يوم ولا حتى نفس الشهر

وحصلت قبل كده جابات ماتقفلتش غير بعدها ب 3 اشهر

بل بالعكس

فى كورس لمحلل فنى اجنبى مشهور قال ان الجاب ده دليل على اتجاه السعر فى نفس اتجاه الجاب

(ومن الممكن) ان يسد السعر الجاب، او يسد نصفه (كنوع من الدعم او المقاومة) او ينطلق على طول من غير ما يسد حاجة




فالشمعة الاولى من اليوم معانا (ايا كانت) زيها زى اى يوم عادى خلال الاسبوع

اليورو ين عمل فوق ال 100 نقطة خضرا على الصبح ما شاء الله

اسبوع خير باذن الله على الجميع




نزل لمس الحد السفلى للقناتين على الساعة وعلى اليومى

ومتوسط الرينج بتاعه 121 وهو مشى فعليا على ما لمس الحد السفلى 177 يعنى بعد الرينج بحوالى نص رينج كمان

وكل ده فى اول نص ساعة يبقى اكيييييييييييييييد مش هايكمل كده

فرجع من ال 177 اللى نزلهم 115

تاخد منهم 100 فى نص ساعة وتحمد ربنا



بس كده الواحد يقلق من كتر الاساتذة اللى فى الموضوع ما شاء الله بجد حاجة تفرح

تعالى نجاوب على استفسارك اللي بالأعلى:



الكابل صعد مسافة كبيرة لغاية ما اقترب من تغطية الرينج اليومي يعني الناس بدأت تجهز لفكرة انه هيرتد (بس لسة شروط الاستراتيجية مكملتش, من قفل شمعة اعلى الخط والكلام ده...) ثم تكونت شمعة انعكاسية أنت أشرت ليها في المشاركة اللي قبل دي....... هنا أول مجموعة قلبها جامد شوية أو معندهاش صبر قلتلك لأ كده خلاص السعر جاب اخره ومش هيقدر يعدي الخط الاحمر والدليل الشمعة الانعكسية اللي تكونت (وده كان رأي المجموعة الأولى بناءا على السلوك السعري)




في مجموعة تانية اكثر تحفظا (مبدأهم فرصة رابح تضيع احسن من خسارة تيجي) وقالوا لأ احنا مش هنبيع ألا بتوافر كل الشروط كاملة (اغلاق شمعة ساعة فوق الخط الاحمر ثم البيع من الهاي بتاعها) وده بعد شوية فعلا حصل والمجموعة دي قالت البيع كده تمام التمام, (وده كان رأي المجموعة التانية بناءا على السلوك السعري)




في مجموعة تالتة (مبدأهم أن السعر لازم يتحايل عليَّ ويبوس ايدي علشان ادخل, وممنوع أن السعر يرتد خالص, وممكن منهم من يدخل بلوت علي) دول بقى استنوا لما الشروط كلها تكمل (اغلاق شمعة ساعة فوق الخط الاحمر ثم البيع من الهاي بتاعها) وكمان انتظروا يشوفوا السلوك السعري (زي تكون شمعة falling of the roof دلوقتي) وبعد ماتقفل ويتأكدوا أن السعر هابط يدخلوا بييع

(وده كان رأي المجموعة التالتة بناءا على السلوك السعري)




والكلام ده كمان مش شرط, يعني على حسب السعر واللي بيعمله , يعني ممكن واحد شايف السعر بيتدلع وبيتحرك ببطء النهارده فيبقى من المجموعة التالتة المتحفظة أوي ونفس الشخص بكرة يلاقي السعر بيتحرك بعنف وبسرعة فيدخل زي المجموعة الاولى سريع سريع

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 5:20 am

نشوف مثل على النهاردة بالتفصيل شويتين بقى
عشان لو حصل اى ظروف عندى اى يوم ابقى مطمن
ده مثل من اوله لآخره بالظبط ايه الحكاية بالخطوات المملة وبالصور كمان عشان ماحدش يزعل منى

أولا
لااااااااازم نبص على ال 4 ساعات الاول وبعدين نبص على الساعة ويكون فيه تأكيد سعرى، دى المراحل بالترتيب
أول اليوم فتح الكيبل على الحد العلوى للقناة، بس على ال4 ساعات ماكانش باين
انما بعد شمعة 4 ساعات ما قفلت عملت فولنج او ذى رووف (على ال 4 ساعات) وكان على الساعة ارتد كذا مرة من الحد العلوى
فندخل بيع من فتحة الساعة 4 وعمل تارجت حوالى 40 نقطة
طيب فيه ناس هاتقول احنا بشتغل على الكسر
انا عموما مش حاسب الصفقة دى من ضمن الارقام على الصورة (انما الدخول فيها صح)

نيجى للى فى الصورة
على فريم الساعة ارتد السعر كذا مرة من خط المنتصف للقناة الحمرا
وكمان قفلت الساعة 11 خارج القناة
مع عمل شكل ابتلاع شرائى قوى (كل ده على الساعة)
نشوف ال 4 ساعات
الشمعة بتاعت 8 ارتدت بقوة من خط المنتصف الاحمر (على ال 4 ساعات) وقفلت وعملت شكل كيل ذى سيلر (ذيل طوييييل واطول من اللى قبلها مع الاغلاق بموجب اوى)
يبقى الشرا على الساعة بعد ما قفلت خارج القناة من فتحة الساعة 12 (اللى عليها رقم 1 فى الصورة)
بتارجت الحد العلوى للاحمر
ولكن فى نفس الشمعة كسرت الحد العلوى للأحمر كمان (يبقى ممكن نصبر شوية مانقفلش الشرا واللى قفل كمان اخد حوالى 30 نقطة)

المهم
على ال 4 ساعات قفلت شمعة 12 خارج القناة مع اعادة الاختبار بذيل الشمعة اللى بعدها (اللى عليها السهم فى صورة ال 4 ساعات)
اما على الساعة فكان الكسر للقناتين حصل وعمل اعادة اختبار كمان
يبقى الدخول اكيييييييد شرا من رقم 2 فى الصورة (مش بيع ابدا زى ما الاخوان قالوا، بيع على اى اساس، ده كل حاجة مكسورة لفوق على ال 4 ساعات وعلى الساعة، فيبقى شرا وشرا قوى كمان)
فاللى دخل شرا من هنا وكان هدفه على الاقل الرينج اليومى، اخد حوالى 60 نقطة كمان (اما لو كان محتفظ بالشرا اللى قبله يبقى اكتر من كده)

نيجى بقى للارتداد
اللى قال الدخول من شمعة فولنج اللى على خطوط الرينج
اولا الشمعة ما لمستش حتى خطوط الرينج الحمرا
ثانيا احنا فى يوم شرا شرا شرا، واحنا قلنا البيع من عند الخطوط يكون فى يوم مع الاتجاه العام (نراجع اللى اتقال)
ثالثا حتى لو هاناخد بيع فى يوم اساسه شرا، يبقى زى ماقلنا من على الخطوط مش لما تقفل الشمعة (ده لو عاوز تبيع بدون كسر الخطوط)
واللى عمل كده (باع من على الخطوط) كمان مع انه يوم شرا (اللى هى رقم 3 على الصورة) اخد مكسب برضة حوالى 25 نقطة مع انه يوم شرا

انما الصح فى يوم الشرا زى ده انه يبقى بعد الكسر زى ما قلنا
اللى هو من رقم 4 على الصورة
قفلت الشمعة فوق الخط الاحمر والبيع يكون من الهاى بتاعها (او افضل)
فهانقول البيع كان من الهاى مش افضل ولا حاجة
فاللى باع من هنا اخد ربح حوالى 17 نقطة
طيب ليه؟؟ ماحنا قلنا تلت الرينج، يعنى 41 نقطة تقريبا
تمام
بس قلنا احنا مش ماكينة، التانى اكسبيرت، انما احنا بشر
بص على رقم 5 فى الصورة لما السعر يبقى بقاله 7 ساعات مش قادر يكسر اللو بتاع شمعة فولينج او ذى رووف (اللى هى المفروض السعر يسافر لتحت بعدها) وكمان بعد ما مشى اكتر من الرينج اليومى بكتير
يعنى الافضل اقفل، واحتفظ ب 17 مكسب ولا يعكس عليا؟؟
وحتى لو نزل بعد مانا قفلت مش مهم، عندنا بكرة فيه فوركس على فكرة
وكفاية اللى عملناه فى الكيبل
40
+
30
+
60
+
25 (ده لو حد دخلها)
+
17
=
172 +
او حتى
147 +

يعنى مش لازم نعصر العملة اكتر من كده، ولا ايه؟

المقصود الاتى
بلاش نخترع فرص مش موجودة
بلاش الفكرة العامة اللى فى راسنا (اللى هى البيع) تخلينا مانشوفش الكسر اللى قدام عينينا (تاجر ما ترى)
بلاش التسرّع والدخول عكس الاتجاه بالاستراتيجية التانية
بلاش لما ندخل فى تريدة (سواء على الاولى او التانية) نفضل فيها لحد الهدف اللى فى دماغك (سواء الحد العلوى بالنسبة للأولى او تلت التارجت بالنسبة للتانية) يبقى على حسب سلوك السعر سواء اكتر من التارجت او اقل، مش عيب

فيارب تكون المشاركة دى وضحت كذا حاجة
ازاى تقدر تفكّر بالترتيب
تدخل فين وتخرج فين
كيفية التعامل مع الاستراتيجية الاولى
كيفية التعامل مع الاستراتيجية التانية
تعلّم احترام السوق

صحيح الحمد لله السوق بقى واضح كتير الوقتى لينا
بس لو دخلت غلط، السوق مش هايرحمك
مع اننا قلنا سابقا انك لو دخلت صح والسوق عكس عليك، لازم يديلك الفرصة تانى انك تقفل ولو على صفر، انما مش هايغدر بيك، ليه؟؟ ((عشان داخل صح))
انما داخل غلط هايفرمك 





القصة التالتة

احنا شرحنا قبل كده ان فيه قنوات، ودى بتخلينا ناخد الصفقة مع الاتجاه ونكسب باذن الله مع الترند
وفيه الرينج اليومى وخطوطه، ودى بتخلينا ناخد الصفقة عكس الاتجاه ونكسب باذن الله مع التصحيح، او ناخد الاتجاه من اوله خااااالص ده لو كمّل معانا وحصل انعكاس للاتجاه مش تصحيح فقط

طيب امال عاوز ايه تانى من السوق حرام عليك كده اللى بتعمله فيه
لا لا اوعى سيبنى عليه، ده ياما اخد مننا وطلّع عينينا 

فاضل حاجة صغيرة، وهى تنفع برضة تكون استراتيجية مستقلّه (بس محتاجة ممارسة) ، او زى ما قلنا فى المكعبات تنفع تتركب مع اى واحدة من الاتنين اللى فاتوا، او التلاتة مع بعض

الحاجة التالتة دى بتخدم مع الاستراتيجية الاولى فى تحديد الاتجاه
وبتخدم مع الاستراتيجية التانية فى تحديد الارتداد

طبعا كلنا عارفين اداة جاهزة فى البرنامج بتاعت فايبوناتشى
مقدمة
فايبوناتشى ده واحد ماخترعش، ولكن اكتشف علاقة كانت موجودة اصلا فى حاجات كتير فى الكون
وهى نسب بين الارقام وبعضها، تجعل من نطبّق عليه هذه النسب فى حالة استقرار
بمعنى
الاهرامات لما بصّوا على نسبة القاعدة مع الارتفاع لقوها بنسبة 1.618 فعشان كده هى مستقرة الاف السنين
ونسبة طول الانسان لعرضه
والقطاع الذهبى فى اللوحات الفنية (يعنى لما تقسم اللوحة الى 618% وترسم اطول حاجة فى اللوحة فى المكان ده بتكون اللوحة متّزنة ومريحة للعين) زى اشهر لوحة فى العالم الموناليزا
وغير كده حاجات كتير كتير كتير عن الكون والكواكب وموجود ده كله على اليوتيوب (موضوع برة الفوركس خالص) عن قدرة هذه النسب فى الاستقرار ووجودها فى الكون

المهم
فايبوناتشى ده اكتشف وجود النسب دى وعلاقتها بالثبات
الناس استخدموا النظرية دى فى الفوركس
على اساسا ان السعر دائما يبحث عن الثبات والاستقرار
وعملوا اداة لتسهيل الحسابات ووضعوها فى البرنامج لاستخدامها مع الفوركس

ولكن كيفية تهيئة الاداة ازاى
وكيفية استخدامها (زى مانا باستخدمها، هى ليها استخدامات تانية، بس ده اسلوبى)
هانشوف ده بعد الفاصل

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

كيفية تهيئة اداة فايبوناتشى

مُساهمة من طرف عبد الله سلام في الأحد فبراير 04, 2018 6:12 am

كيفية تهيئة اداة فايبوناتشى 

(للتسهيل بعد كده هانقول فايبو وخلاص ده ايه الاسماء المكلكعة دى)




فى الغالب هاتلاقى الاداة فى التوول بار عادى ده لو انت ماكنتش شيلتها

اما لو شيلتها (فانت اكيد هاتعرف ترجعها تانى)هههههههه




المهم

الاداة هى (عشان عندنا كذا واحدة فايبو) اسمها

Fibonacci Retracement


وهى كما هو معروف لقياس مدى تراجع السعر عن الموجة السابقة

انما احنا كالعادة لينا معاها استخدامات اخرى 




هاتختار الاداة، وترسم بيها خط من فوق لتحت، وتختار اللى انت رسمته بانك تعمل عليه دبل كليك

وبعدين تدوس يمين بالماوس وتختار الخواص بتاعت الاداة



نركز بقى شوية

فيه عندنا فى التاب اللى اسمه

Fibo Levels

هانلاقى خانتين الاولى اسمها

Level

والتانية اسمها

Description



الاولى دى عشان نحط فيها النسب اللى عاوزينها

والتانية عشان نكتب فيها هايظهر ايه قدامنا على الشاشة امام النسبة دى



وعندنا زرارين اسمهم

Add

ده عشان اضافة نسب جديدة

Delete

عشان نمسح النسبة اللى واقفين عليها



عاوزين نمسح او نضيف على اللى موجود عندك

بحيث يكون النسب النهائية اللى موجودة كالاتى (ده اللى فى الخانة الاولى)



0

0.236

0.382

0.5

0.618

0.764

1

1.236

1.618

2.618

3.618

4.236

-0.236

-0.618



آخر 2 بالسالب (وهانعرف ليه الوقتى)

اما فى الخانة التانية فهانكتب بالترتيب قصاد كل واحدة من اللى فوق




$% 0.0

$% 23

$% 38

$% 50

$% 61

$% 76

$% 100

$% 123

$% 161

$% 261

$% 361

$% 423

$% 123

$% 161




بنفس الترتيب



خلاص كده؟

فاضل حاجة

نروح للتاب اللى جنبه واسمه

Parameters

ونعمل صح على اختيار

Ray



معلش كتير شوية بس هى مرة واحدة ومش هانعملها تانى

طيب كده يحصل ايه؟؟

اولا

لما نرسم خطوط الفايبو هايقولنا جنب كل خط ده رقم كام فى النسب، وكمان يكتب السعر بتاعه جنبه للتسهيل



ثانيا

عشان ما نوجعش دماغنا من ان لو الترند طالع ارسمه من تحت لفوق ولا من فوق لتحت ولو نازل مش عارف تعمل ايه

ده هاترسمه من فوق لتحت زى من تحت لفوق مش فارقة (وهانعرف ليه مش فارقة)



نيجى لكيفية الرسم

زى ماتعودنا دايما، بنرسم على القديم (عشان مافيش حاجة تتغير) وبنرسم على ثوابت عشان ماحدش يقولك انت راسم فايبو على ترند غلط والمفروض انك كنت ترسمه على الترند الاكبر و و و



لا

احنا هانرسمه على اليوم السابق (شبة القناة الحمرا)

بس ده هايكون من اللو (او الهاى مش فارقة) بتاع اليوم السابق للهاى (او اللو) بتاع نفس اليوم

يعنى من الآخر، بنرسمه على الرينج بتاع امبارح

تمام؟



كيفية استخدامه بقى

عاوزين نركز زيادة ههههههه

عندنا نظامين، كل نظام بيأكد استراتيجية من الاتنين بتوعنا

النظام الاول، وده لتاكيد استراتيجية الاتجاه والقنوات (عاوزين حد يقترح لها اسم)

عاوزك تتخيل (او ترسم اللى يريحك) مستطيل يحتوى ال 3 خطوط بتوع النسب 38 و 50 و 61

اللى هم بيكونوا فى نص اليوم اللى فات

ال 3 خطوط دى لو السعر عمل سلوك ارتدادى عند اى واحد فيهم يبقى هايكمل الاتجاه الاصلى بتاعه

بمعنى

لو امبارح كان هبوط مثلا

ورسمنا عليه الفايبو

والسعر طلع النهاردة لحد لما لمس أحد الخطوط ال 3 وليكن خط ال 50

وراح نازل بسرعة منه وعامل شمعة فولنج مثلا

وكان الخط ده على الحد العلوى للقناة يبقى بيييييييع

او

لو كان بعد ما ارتد من احد خطوط الفايبو راح كاسر القناة الحمرا لتحت مثلا

المهم

نستخدم الادوات سوا لزيادة التاكيد، مع الاستراتيجية الاولى




عندكم مثلا يوم زى النهاردة

الباوند حاول يكسر الاحمر لفوق وماعرفش وقفل داخل القناة

وحاول تانى وقفل برة القناة فعلا (ولكن قفل تعبااااان) وحاول تالت وما فيش فايدة عشان كده نزل

لو رسمت النظام التالت بتاع فايبو على امبارح

هاتلاقى فيه مقاومة قوية اللى هى 61 (او ال 38) حسب رسمك من فوق لتحت او من تحت لفوق، النسبتين زى بعض نفس التاثير

لو كان قفل السعر فوقيها (فوق ال 61) كان بالتالى هايكون قفل فى نفس الوقت فوق القناة الحمرا بكسر كويس فكنا هاندخل شرا



يبقى الفايبو 61 و 50 و 38 بيساعد على

اولا لو ارتد منه السعر (مع التاكيد من استراتيجية القنوات) يبقى ندخل ارتداد

ثانيا لو اخترقه السعر (مع التاكيد من استراتيجية القنوات) يبقى ندخل مع الكسر واحنا مطمنين





دى الحالة الاولى اللى هى استخدامه مع استراتيجية القنوات




الحالة التانية

استخدام الفايبو مع الاستراتيجية التانية (الرينج)





هانلاقى فيه عندنا بعد خط ال 100 الخطوط التالية

123، 161

وكذلك نفس الشىء بعد خط ال 0




دول ايه؟؟

دول عبارة عن الرينج اللى السعر مشيه امبارح ونزود عليه كمان 23% من الرينج او 61%

طيب ليه؟

الفكرة جاتلى من المقدمة، لما كل حاجة تدخل فيها النسب دى بتكون مستقرة

يبقى لو السعر مشى كتير امبارح

ولسه هايكمل النهاردة، ممكن يكمل لحد فين؟؟

فلقيت انه فى الغالب قبل ما يعكس بيكون كمل لحد 123 (اللى هو 23% زيادة على رينج امبارح وفى نفس الاتجاه)

واقصى حاجة بيكمل كمان ل 161 (وهانشوف ده بالتفصيل، انا عارف ان الناس ابتدت تزهق منى معلش) طبعا فيه ساعات بيمشى اكتر ولكنها حالات نادرة وبشتغل معاها بالتعزيز وادارة راس المال

المهم



ناخد مثال على النظام التانى

لو رسمت الفايبو على اول امبارح (يوم 14 مارس) عشان نشوف يعنى امبارح حصل فيه ايه

هاتلاقى السيناريو الاتى

السعر كسر القناة الحمرا لتحت فالدخول بيع

ووصل للزرقا يبقى نخرج

وارتد فعلا من الحد السفلى

وبعدين نزل وكسر الزرقا يبقى الدخول بيع تانى 

بس المرة دى البيع لفيييييييين؟؟؟؟ وده كان سؤال ناس كتير من اول الموضوع ولكن كله فى وقته عشان تسلسل الفهم

طيب لما كان بيخرج من الاحمر كان بيبقى هدفه الازرق

الوقتى خرج من الاتنين يبقى هدفه فيييين؟؟



لو رسمت على اليوم السابق (اللى هو 14 مارس) خطوط الفايبو

هاتلاقى ان السعر وصل بالمللى الى 123

وعمل عليه سلوك ارتدادى وشوف راح لفين بعدها

(دى يا اخوانى الصفقة اللى حصل فيها الجدل، وانا قلتها لايف الشرا من 980 لو الناس تراجع المشاركات)

وشوف السعر عمل ايه بعدها ولله الحمد



طبعا ده توافق مع ان السعر كان كاسر خط الرينج (الاستراتيجية التانية) فى نفس الشمعة الطويييييلة اللى قلنا فى الاستراتيجية التانية اننا ناخد شرا من ذيلها

فلما يتوافق الاستراتيجية التانية مع التاكيد بالنظام (او الاستراتيجية) التالتة يبقى شرا وانت مغمممممممض

فى حين كل الناس خايفة من اللى بيحص فى اليوم ده من بهدللللللة ونزول قوى

ومش ممكن تلاقى حد فى اليوم ده بيقول اشترى

ولو فيه حد بيقول اشترى مش هايكون من اقل نقطة وصل لها اليوم


اعتقد كده انا كمّلت كل الادوات اللى عندى

ويارب تكونوا استفدتم

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 6:37 am




اليوم يوم متذبذب، وعرفنا منين انه متذبذب؟
زى ما قلت فى مشاركة سابقة انه اذا كانت القنوات عريضة اوى (وده بيكون فى الغالب بعد يوم حصل فيه شغل كتير زى امبارح)
فانا كنت قلت للاخوان فى الشات ان لما امبارح قدرنا نفضى الفلوس اللى فى الفوركس من كتر الشغل اللى تم عليه، النهاردة نديله فرصة يلم فلوس تانى من ناس تانية عشان نقدر ناخدها منه بكرة باذن الله ههههههه
معلش والله انى ماكنتش قادر اكتب، والله ايدى وجعانى لحد الوقتى من كتر الكتابة، والناس اللى متابعة معايا حاسة بدة، كنت باكلم 10 فى وقت واحد وكل واحد لوحدة وفى موضوع مختلف، ده غير انى متابع هنا، وبابص على الشارت
فمعذرة اخوانى على انى مش عارف اكتب كما ينبغى
وكمان حاسس ان فيه ناس كتييييير بقت هاضمة الاستراتيجيتين، وكمان ما شاء الله بقى عندهم الاحساس بالسوق عالى اوى (وهو ده اساس المتاجرة، اللى بتيجى بعد خبرة طويلة) وممكن تيجى فرصة ويقولك مش اكيدة والتانية يقولك ممتازة
وهو ده المؤشر الخفى اللى مش بيكون واضح على الشارت لكل الناس

فيه ناس جعلت المؤشر بتاع الفايبو يعوق مسيرتها، ده مؤشر مساعد لو حصل انه زاد تاكيد الصفقة يبقى خير وبركة، ولو ما زادهاش يبقى ندخل برضة بس بعقود قليلة اوى الى ان يتم التاكد التام (ده طبببببببببعا مع وجود السلوك السعرى)
يعنى السؤال والناس اللى استنت لما تقفل الساعة على الباوند فوق ال 61 ليه؟؟ ما السعر كسر القناة الساعة 14 وعمل شمعة اسمها بيرسينج (بس مش مهم اوى السلوك ده)، وقفل فوق فايبو 50 فيبقى الدخول شرا (زى النظام الاولانى عادى، ماتخليش الفايبو حاجز) ولكن حاجة من الاتنين يا اما اللوت يكون قليل اوى عشان لو عكس نعزز زى ما بعض الاخوان عملوا، يا اما يكون الهدف قليل اوى يعنى لحد المنطقة اللى بقاله كذا ساعة مش عارف يكسرها وبيعمل ذيول طويلة من عندها (وده اللى انا عملته) وده عشان اليوم ماشى بالعرض وزى ما قلنا عرفناه منين

فلو انتظرنا ان السعر يقفل فوق ال 50 وفوق ال 61 وبعدها ال 100 و و وهو كاسر القناة من سنة يبقى مش هانشتغل (ولو موضوع الفايبو هايبقى عامل مشكلة مع حد بلاش يستخدمه وخلينا ماشيين زى ماحنا)

حسب الاستراتيجيه الاولى هل يشترط احتواء الفواصل اليوميه على اربعه وعشرين شمعه

مثلا لمن كان لديه حساب على منصه غير التريد وكان هناك فارق في التوقيت فبعض الايام مثل ايام الاجازه تكون

الشموع ناقصه بالنسبه للفواصل اليوميه
لا مش ضرورى انه يحتوى 24 شمعة، القناة بتترسم بكل بساطة من الفاصل للفاصل، ولكن مع ذلك انت بتقول يوم اجازة والشموع قليلة بين الفاصلين، وده ما بيكونش كتير خلال السنة يعنى كام مرة كده، فمش لازم المخاطرة فى هذه الايام، الا لو كان الاتجاه واااااضح وصريح
ملحوظة شوفتها فى معظم الردود
الناس عاوزه تحلل العملة طووووول الوقت
مش لازم تكون عارف ايه اللى هايحصل طول الوقت، احنا هنا بنشتغل على (الفرص) اسمها فرص، يعنى انا بافضل قاعد قدام العملة (وشبهناها بالصياد) لحد لما الاقى (فرصة) اقوم اغتنمها
انما مش طول مانا قاعد هافضل اضرب بالبندقية وعاوز كل طلقة بغنيمة، ازاى يعنى؟؟
1- تعدد منصات التداول باختلاف توقيتها سيزيد من فرص الدخول للجميع مع تعدد واختلاف اوقات تداولنا ...... وهو ما لاحظته من خلال الفرص الموضوعة من بعض الأخوة ومقارنتها بمنصة فكسول التى أعمل عليها وجميعها تحقق الهدف بإذن الله مع الالتزام بما شرحته حضرتك 

انا عن نفسى جربت منصة واحدة من سنين، ومش عارف هل هاتنفع مع الباقى ولا لا، بس انا لما باغير مكان القناة لمحاكاة منصات اخرى مع فروق التوقيت مش بتكون النتيجة تمام، بس انت جرب تانى وقولنا

2- استخدمت الطريقة الأولى على فريم النصف ساعة والربع ساعة بنفس الفاصل اليومى لفريم الساعة .... ساعدتنى على اصطياد السعر من أفضل نقطة وتأكيد اشارة الدخول مبكراً مع متابعة فريم الساعة وتحديد الاتجاه على فريم الأربع ساعات واليومى ...... فهل يمكن الاعتماد عليها ؟؟

طالما انت بتقول جربتها وبتكسب يبقى كويس، انما انا شوفت كتير على فريم الساعة بتكون الشمعة كسرت القناة بس ما اغلفتش، وبعدين تلم نفسها وتغلق داخل القناة وممكن يكون ده بداية ارتداد، ولكن على الفريم الاصغر هاتكون قفلت خارج القناة وتكون صفقة خاسرة (فممكن بقى تعمل استوب، او يكون ليك هدف قليل يتماشى مع الفريم الصغير) كل واحد حسب ما يترائى له، انا مجرد باقول الفكرة وكل واحد له الحرية فى التنفيذ او التعديل بما يتناسب معاه

3- هل نقوم باستخدام الفيبو على فريم الأربع ساعات واليومى كأداة مساعدة ؟؟؟ .... مرفق شارت الساعة والأربع ساعات للكيبل ليوم امس للتوضيح ....

اداة الفايبو ممكن تترسم على اى فريم، انما المؤشر بتاعى مخصص لفريم الساعة فقط، وباذن الله انا قلت هاشرح موضوع عن الفايبوناتشى كأداة تمكننا من معرفة الاهداف بدقة
اما شرح المؤشر فباذن الله تعالى فى اقرب وقت، ربنا يعلم انا مشغول اد ايه الفترة دى

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 6:50 am

اولا شارت ال 4 ساعات (اللى بيحدد الاسبوع)
بص معايا على الصورة
السعر كسر القناة الحمرا بداية من اول الاسبوع من النقطة المشار لها بالرقم 1 على الصورة
ودخلنا (لايف) سوا ساعتها من اعادة الاختبار للقناة من اللو بتاع الشمعة اللى بعدها شرا، وده كان اختبار لخط النص فى نفس الوقت، وطبعا كان الدخول من الساعة مش من ال 4 اللى كانت متوافقة مع التحليل ده
المهم
لما خرج السعر من الاحمر لفوق يبقى اذن فى الغالب الاسبوع ده عموما للشرا (اكيد هايبقى فيه بيع مش هايمشى خط مستقيم) ولكنه يميل للشرا اكتر

وبعدين الخروج من الصفقة بمكسب فوق ال 100 نقطة مع ارتداد 0
وبعدين الشموع كما فى الشكل رقم 2 ابتدت تعمل سلوك ارتدادى واضح من الذيول العلوية الطويلة والشموع اللى بتصغر

سيبك من اننا دخلنا بيع والحمد لله على فريم الساعة، انا هاكلمك على ال 4 ساعات وبس حاليا لحد لما نخلصه وكاننا بنشتغل عليه هو بس
مع العلم اننا مابندخلش صفقة الا بموافقة فريم الساعة عشان الناس ماتتوهش

لما نزل تانى (والاسبوع شرا اساسا) يبقى نستنى فرصة للشرا كويسة
فلو حصل والناس دخلت من رقم 3 فى الصورة وده كان لملامسة القناة الحمرا كاختبار (وان كان ده مش صح عشان ما فيش سلوك سعرى يوضح ارتداد) انما هانقول الناس استعجلت واشترت
فارتد السعر حوالى 90 نقطة ويتم الدخول شرا تانى من خط النص (بارجع وااكد على ان الدخول من فريم الساعة) وبعدها رجع تانى كل اللى نزله وكسبنا فوق ال 120 نقطة من العقد التعزيزى وشوية كتير من الاصلى

المهم
لما السعر رجع واختبر للمرة التانية، عمل ساعتها سلوك سعرى ممتااااز وكان كمان على دعم رائع للمرة التالتة فيبقى الدخول من رقم 5 فى الصورة
وفضل يطلع لحد لما وصل للحد العلوى للأزرق ولله الحمد اللى هو رقم 6

نيجى بقى للصورة التانية
ودى على الساعة لآخر يوم تداول اللى اختلف فيه الكثيرون
انا قلت فى الشات اللى عملناه من بالليل فى اول شمعة فى اليوم انى شايف الكيبل واليورو صعود، ويشهد على كده ناس كتير ومنهم الاستاذ سامو (اللى انا زعلان منه اوى انه باع وارتد عليه 200 نقطة مش عارف ازاى مع انك كنت معانا واحنا بنحلل ده)
المهم
سيبك من رؤيتى تماما
ولا هانتكلم بالخبرة ولا باى حاجة
هانتكلم باللى درسناه وموجود قدامنا على الشارت

فى الصورة التانية كسر السعر الاحمر لتحت يبقى بيع من الرقم 1
وخلى بالك انا ماشى معاك فى الغلط
ليه؟؟
عشان اساسا احنا قلنا ندخل مع توافق ال 4 ساعات (اللى احنا قايلين عليه شرا من اول الاسبوع)
انما عشان نثبت للناس حاجة قلناها قبل كده
انك لما تدخل حسب الاستراتيجية بالظبط (وانت مغمض يعنى) السعر مش هايعمل معاك حركات مش حلوة بالعكس لازم يديلك فرصة عشان تخرج يا على الصفر يا كسبان كمان حاجة بسيطة من الدخول اللى ماكانش صح

المهم دخلنا بيع بس بعقود قليلة عشان مخالفين للاتجاه على ال 4 ساعات
والسعر ارتد وعززنا بيع تانى بعد 70 نقطة لما الشمعة عملت ذيل طويل وارتدت من الحد العلوى للأزرق
ونزل عمل التارجت اللى هو ما يقارب ال 80% من الحد السفلى (كفاية اوى اوى فى يوم عكس الاتجاه) وقفلنا على خير والحمد لله عند النقطة 3
بربح فوق ال 70 نقطة من التعزيز و ان كان فيه ربح من العقد الاصلى

المهم
المفروض بقى ندخل شرا من نقطة 3 ليه؟ اولا جاب الهدف بتاع البيع
فريم 4 ساعات شرا
كان السعر مشى 130 نقطة من اصل رينج 135 
فيبقى شرا من نقطة 3 (ولو بعقود قليلة )
وطلع بعدها وجاب التارجت اللى هو الحد العلوى للأزرق

وبعدين نشوف الاستراتيجية التانية عشان الناس برضة اسعجلت واخدت بيع بدرى
احنا قلنا لما يكون يوم اتجاهه على ال 4 ساعات طلوع زى دة نعمل ايه؟؟
نستنى لما تقفل الساعة فوق الخط الحمر وندخل بيع من الهاى بتاعها
انما لو كان اليوم شرا على ال 4 ساعات (زى نفس اليوم) ونزل السعر الى الخط الاخضر مش هانستنى ولا شمعة ولا حاجة وندخل شرا مباشرة (زى ما عملنا فى الشرا من شوية)

فكان الدخول بيع من رقم 5 فى الصورة بعد شمعة الكسر اللى هى رقم 4 ما قفلت من الهاى بتاعها او افضل شوية
وانا عن نفسى دخلت التريدة دى بس قفلتها على مكسب 25 نقطة فقط عشان انا ماباحبش ابيت صفقات وخاصة اذا كان السوق هايقفل



إذا كان الاتجاه صاعد على الاربع ساعات يعني اي دخول بيع هو عكس الاتجاه هنا أذا وصل السعر إلى الخط الاحمر لا ندخل بيع حتي تغلق شمعة الكسر و ندخل من هاي نتاعها أما إذا نزل السعر إلى الخط الاخضر ما نستناش الاغلاق ندخل شرا مباشرة لا نه ممكن لن ترى السعر في تلكة المنطق انما محلقا في العلالي مثل الطيور 

...............
[size=32]1- هدف الصفقات دائما الحد العلوى للقناه الاكبر
2-الارتداد منها بيع بعد توافق الفريمات
3-عقود قليله لمخالفه الاتجاه العام
4-بعد تعدى الرينج و الاتجاه العام مثلا شراء يبقى شرا مباشر و فرصه ممتازه

يعنى كل تركيزى على حدود القناه و خط المنتصف

طيب انا معلش عندى كام سؤال كمان 
يوم 17 المفروض شراء بعد كسر القناه الحمراء بس الرينج كان وصل 110 هل الشراءء كان مخاطره على الرغم انه كسب +50 نقطه ؟

يوم 16 السعر خرج من القناه الحمراء (بقوه) الساعه 14
هل الدخول شراء صحيح ؟
خصوصا توافق فريم ال 4 ساعات و السعر فوق خط المنتصف للقناه الكبرى
لكن عكس ما التصرف فى هذه الحاله ده لو الشراء صح 

و طبعا 14-15 كانو ممتازين فى كل شىء
[/size]


[size=32]................[/size]
بخصوص يوم 17 فعلا الدخول بعد الكسر شرا، بس عشان قريب من الرينج ندخل برضة بس بلوت قليل
وبعدين لما نزل شوية نكمل باقى اللوت العادى

اما يوم 16 بعد الشرا من قفلة الساعة 14 عمل فوق ال 35 نقطة
فلو انت ماقفلتش ولا حتى عملت استوب على الدخول
هو ارتد 80 لحد لما اعاد اختبار ممكن تعزز ورجعهم كلهم تانى مكسب


............
بالنسبة لاتجاه القناتين بالاربع ساعات نازلة لتحت وبالساعة طالعة لفوق هل اتجاه القناتين ليه تأثير على الاتجاه بمعنى ان السعر بالاربع ساعات كسر القناة الحمرا لفوق ونزل وعمل اعادة اختبار للسنتر لاين للازرق والحد العلوى للقناة الحمرا من فوق فهل ان اتجاه القناتين نازل لتحت ليها اى تأثير والعكس كان موجود بشارت الساعة القناتين متجهين لاعلى هل اتجاه القناتين بشارت الساعة او الاربع ساعات لو متفق يبقى تاكيد اكتر للصفقة سوا بيع او شرا ولا الى بيحكمنا هو اختراق الحد العلوى او السفلى للقناة الزرقاء او السنتر لاين للقناة الزرقا ؟
وسؤالى كمان بالنسبة لشارت اليومى لازم نبص عليه ولا الى يهمنا فقط الساعة لدخول الصفقات والاربع ساعات لاتجاه الاسبوع ؟

..............
بالنسبة لاتجاه القنوات قلنا سابقا ان ده مش مهم، انما المهم السعر وسلوكه مع القنوات
يعنى لو السعر كسر ال 4 ساعات لفوق وكان كاسر الساعة لفوق برضة واعاد الاختبار يبقى ندخل شرا على طول ومش مهم القنوات نازلة ولا طالعة

اما الفريم اليومى ده عشان الاتجاه العام اوى اوى
وممكن نستخدمه فى حالتين
الاولى اذا كان مثلا على ال 4 ساعات صعد صعود كبير اوى وكذلك على الساعة، لو كان على الفريم اليومى على الحدود العليا للقناة يبقى نبيع ومانخافش من الصعود الزيادة ولا نسمع للناس اللى بتقول هايكمل كتييييييييير (عشان هم شايفين السعر بيطلع بقاله اسبوع مثلا) فده يخلينا نبيع والسعر هاينزل لفترة
التانية ان يكون واحد لكثرة انشغاله او لكبر راس ماله بيشتغل على فريم ال 4 ساعات بدلا من الساعة فهايبقى بالنسبة له فريم اليومى هو الاتجاه بدل ال 4 ساعات عندنا الوقتى.


.................
اليورو كسر القناتين
والوقتى عمل اختبار
ليه ماندخلش بيع؟؟؟ انا دخلت من 1.4190
ولو طلع تانى هاعزز

واشتريت الكيبل لما الناس هنا بتقول بيع (مش عارف ليه) عشان كسر القناة وقفل فوقها ، وكان الشرا بلوت قليل عشان الكسر ماكانش قوى (بس فيه كسر) والحمد لله اخدت 50 نقطة

فنحاول نلتزم قدر الامكان وبلاش اضافات تدخل فيها الحالة النفسية عشان هى دى اللى بتبوظ اى نظام


................
قناة الاربع ساعات هي اللي عملت تردد او تأجيل لفكرة البيع 

اغلاق خارج القناة الزرقاء بشمعة ابتلاع شرائي 

كلامك مظبوط وينم عن فهم جميل
ولكن هل ده الكسر المطلوب وعلى فريم ال 4 ساعات كمان؟
ولو كان ده كسر تمام وكويس، برضه عن نفسى هابيع (ولو بلوت صغير) لعدة اسباب مهمة 
أولا انا باحب ادخل متى اكتملت الشروط على الساعة ولو بعقد صغير 
ثانيا ما باحبش اسيب مجال للعواطف وكتر التفكير عشان القصص دى بتكبر وتعمل حاجة من الاتنين، يا اما مش هاتدخل اى تريدة عشان كتر الشك، او هاتدخل غلط كتير ومتسربع عشان (حاسس) انه هايروح لكذا
ثالثا انا دخلت عشان الاتى (ده غير اللى انا قلته فوق) كسر القناتين على الساعة، على الحدود العليا للقناة على ال 4 ساعات، عمل اعادة اختبار للكسر على الساعة، مشى 56 نقطة من اصل 129 يعنى ما يقارب النص تقريبا من الرينج اليومى
فحتى اذا طلع و وو انا هاعزز، عشان الهدف لل 4 ساعات ده اذا كان الكسر حقيقى هو الحد للقناة العلوية اللى هو مش بعيد اوى برضة
وعموما انا مجرد بالزم نفس (مش اى حد تانى) بالاستراتيجية اللى انا ماشى عليها بقالى سنين والحمد لله

.............

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

امتى ادخل بعد الكسر مباشرة و امتى استنى اعاده الاختبار ؟

مُساهمة من طرف عبد الله سلام في الأحد فبراير 04, 2018 6:51 am

 امتى ادخل بعد الكسر مباشرة و امتى استنى اعاده الاختبار ؟

انا هاقولك على حاجة (مش سرّ والحوارات اللى الناس بتقولها) انما جميلة وفعّالة لأقصى الحدود
انا مش عارف الفوركس ده هايلاقيها منين ولا منين ههههههه والله لسه واحد بيكلمنى على الشات وبيقولى انه بقى بيبص على الشارت يعرف فورا السعر رايح فين وجاى منين ولله الحمد

المهم
اذا لقيت الشموع بقت صغيرة ولفترة كذا شمعة (وخاصة اذا عملت شكل مثلث او مستطيل صغير) يبقى فى الغالب ايه اللى هايحصل؟
صح
زى ما هو معروف (انفجار) عشان هايكسر احد الاتجاهين
ولكن
لو انت مكان السوق وعاوز تاخد شوية فلوس من الناس (السوق مش عشان يديلك هههههه) هاتعمل ايه؟؟
الغالبية العظمى من الناس بتحط امر شرا مع الكسر لفوق وامر بيع لو كسر لتحت (وده العادى والطبيعى)
فالسعر بيتحرك كالتالى
يطلع مثلا بحيث يفعل اوامر الشرا (ويطلع جامد ويقفل كمان فوق) وبعدها ينزل كل اللى طلعه وزيادة كتير
وبعدها (فى الغالب) بيرجع يطلع تانى كل اللى نزله

نشوف ايه السيناريو ده
بيطلع فى الاول عشان اوامر الشرا تتفعل
وبعدين ينزل بقوة عشان يضرب استوبات ويخوف الناس اللى شاريه بحيث تقفل على خسارة
وفى نفس الوقت تتفعل اوامر البيع
ولو كان فيه ناس من اللى اشترت وخسرت هاتبيع عشان تعوض خسارتها
فيبقى البيع قوى من كل الجهات
وبعدين يطلع تانى (فى الغالب) كل اللى نزله
يقوم يضرب تانى استوبات البيع
والناس اللى فقدت الثقة وخسرت من الشرا وباعت للتعويض خسرت تانى وقفلت البيع على خسارة اكبر
بس فى الحالة دى مش هايكون عندهم الثقة انهم يشتروا تانى بعد خسارتين متتاليتين (وكمان مكان الشرا الجديد هايكون اعلى من اللى كانوا شاريين عليه سابقا وخسروا) يعنى نفسيا مش ممكن يدخلوا تانى
وبعدها يمشى السعر عاااااااادى مع كل التحليلات للطلوع بعد ما يكون روّق الناس دى كلها
وساعتها تسمع الناس يقولوا
انا كنت شارى اصلا من تحت اوى اول ما كسر، بس نزل ضربلى استوب (او ما صبرتش) وطلع جاب الهدف اهو
السوق بيعاندنى
شركة الوساطة بتضربلى (انا بالذات) استوبات
الفوركس ده نصب

وبس

طيب نحللها من ناحية تانية
السعر مشى لفوق مثلا (او لتحت) كتير
بيبقى زى الاستك مثلا لما بترمى بيه حاجة، راح لبعيد (بقى ممطوط) وبعدين انت (اللى ماسك الطرف التانى من الاستيك) روحت وراه
فبكده انت كسبت ارض وقربت من مكان الاستيك الحالى، فبكده الاستيك مش هايرتدلك كل اللى مشيه (يارب تكونوا قادرين تتخيلوا معايا)
ساعتها الاستيك هايعمل ايه؟؟
هايتذبذب حواليك حتى يصل تقريبا للسكون
ودى هى الشموع الصغيرة اللى على شكل مثلث (من التذبذب اللى بيقل)
طيب هل السعر هايموت ولا لازم يتحرك تانى؟
اكيد هايتحرك

نيجى بقى للمهم
لو انت عاوز تحدفه تانى لبعيد هاتعمل ايييه؟ (نرجع للتخيل تانى)
لو عاوز تحدفه لبعيد اكيد هايحصل نوع من (المرجحة) الاول عشان الاستيك يكتسب قوة وعزم يمشى بيه لبعيد
وده اللى بيحصل بالظبط بعد الهدوء
مابيمشيش فى الاتجاه مرة واحدة بسرعة ومنطلق
انما بينزل عشان يطلع، او بيطلع عشان ينزل زى اىىىىىى حاجة فى الطبيعة
عشان تحدف حاجة لقدام لازم ترجع ايدك لورا، وكل ماتكون الحدفة لقدام اقوى، معناها انك هاترجع ايدك اكتر وهكذا
يارب اكون عارف اوصل المعلومة

ومن هنا ظهر عند اسماء لاشكال شموع مش هاقولهم الوقتى عشان تقروا المشاركة اللى باكتبها من ساعة دى ههههه

وده نفس اللى حصل حااااااالا مع اليورو عشان يبقى التطبيق عملى
طلوع
سكون بمثلث
نزول كسر المثلث (اللى هو الكسر للقناة)
طلوع عشان اللى باع
نزول تانى (بعد اعادة الاختبار) عشان اللى اشترى
وبعدين الطلوع الحالى

وده اللى خلانى مابعش من الكسر مباشرة (عشان دى المصيدة اللى بعد الهدوء والمثلث) وبعت من اعادة الاختبار
انما لو كانت الشموع ماشية عادى مافيش هدوء او شموع صغيييييييرة قبل الكسر كنت دخل مع الكسر مباشرة

ونرجع نربط كل اللى اتقال قبل كده سوا
حتى لو انت دخلت مع الكسر مباشرة (اللى هو صح جدا حسب الاستراتيجية) والسعر عكس
فلابد ان السوق يرجع يديلك فرصة انك تقفل على مكسب بسيط او على الاقل صفر
بس الفكرة انك تكون واثق فى الاستراتيجية عشان لما يعكس ماتقفلش
والاهم تكون داخل صححححححححح

معلش على الاطالة بس السؤال مهم
وتانى اللى لقى نفسه اتلخبط ينسى كل اللى اتقال زى ما بتنسوا المذاكرة (للطلبة) او فلوس الدروس (للى عندهم اولاد)
او زى ما بتنسوا اساسيات الاستراتيجية وبتدخلوا غلط

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الأحد فبراير 04, 2018 7:14 am

2198

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:09 am

الباوند كده لقيت ان بقاله كتير واخد في وشه وطالع سواء على الساعة او الاربع ساعات او الديلي
كمان لقيت ان القناة الحمرا على الساعة ضيقة اوي وطالعة لفوق 
والسعر محصور فيها مش عارف يخرج منها
اعتقد انه لو خرج منها هينزل لتحت ع الاقل للحد الازرق السفلي ويا اما يكمل نزول يا اما يرتد


اللي بيخليني اعتقد كده اننا لو بصينا على شارت الاربع ساعات (الترس الكبير) هنلاقي شمعة فولينج اوف ذي روف محترمة (يارب تطلع فولينج اوف ذي روف اصلا وماكونش بهجص هههههه) في نهاية اتجاه صاعد يعني سلوك سعري هابط
و ده بيدي احتمال ان السعر ممكن ينزل يعمل اعادة اختبار لحد القناة الازرق العلوي اللي هو كسره بقوة ومقربلوش تاني 


بالاضافة لان عندنا اصلا على الديلي (الترس الكبير اوي) السعر بيعمل اعادة اختبار لحد القناة الازرق السفلي اللي هو كسره لاسفل ايضا وخلاص تقريبا المفروض كده هو عمل اللي عليه وزيادة والمفروض يعكس ويكمل نزول بقى








بجد برافو عليك وتحليل رائع

بس فيه حاجة صغيرة
ومش منك ماتخافش، دى من منصة التداول
الفولنج اللى انت عاملها صح جدا على شارتك
بس هى عندى انا مش كده، فيبقى انا مش هاعتبرها فولنج ههههه
ومعلش انا مش هاقدر اقول شركتى ايه عشان الاعلان والكلام ده
انما مش فارقة اوى انا عندى بدل الفولنج عندى دوجى
المهم السعر لما بيكسر القنوات وده مافيهوش اختلاف

بس عموما....
الله ينوّر 
وهانحاول نجتهد عشان على ماتخلص الصفحات اللى فاضلة نكون عملنا زيهم مرتين


الكيبل ماشى مع اليورو
الكيبل عكس الكندى
المجنون ماشى مع اليورو ين
كل ده مش مظبوط 100%
دى عملة ودى عملة تانية، دى بلد ودى بلد تانية
ممكن يكونوا ماشيين سوا 80% من الوقت ولكن بيمشوا عكس بعض، ولو بيمشوا سوا مش هايبقى فى نفس الوقت
بمعنى ممكن الكيبل يطلع واليورو يطلع برضة ولكن بعده بساعتين مثلا
انما عملة ماشية مع عملة او عكسها بالمللى مافيش كده
وده رأيى

الباوند / دولار 


تم الدخول بيع من سعر 1.6362 التعزيز من1.6373 حتى 1.6399 


الأهداف حسب القناعة أو الرينج اليومى 



1.6345 & 1.6333 & 1.6317 & 1.6292 & 1.6267 
تحققت جميع الأهداف ولله الحمد ... 

ومرفق شارتات للمتابعة #الباوند و#اليورو / #دولار & الباوند واليورو / #يـــن 













وتم الخروج من اليورو / ين بربح والحمد لله 



سأكتفى اليوم بما رزقنا الله ....

والله يا دكتور أنا جالى تخمة من كتر النقاط وخايف الضوء الأخضر يتحرق من كتر ما هو منور   

بارك الله لك وجزاك عن كل نقطة ربح أو خسارة وكل كلمة تكتبها حسنة 



مع طريقة د / جمال ممدوح مش حتقدر تغير القناة 



الحمد لله رب العالمين ... 





عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:12 am

نشرح الوقتى موضوع الشموع الصغيرة والمثلثات
الوقتى بعد اى تحرك سعرى كبير ومتواصل (اللى هو الاستيك مشدود على الاخر) لازم السعر ياخد نفسه
فلو السلوك السعرى عمل شكل المثلث، وده بيتكون من ان الشموع عمالة تتناقص فى الحجم مع مرور الوقت
الناس بتنتظر خروج السعر من المثلث عشان ياخدوه بيع او شرا حسب اتجاه الكسر
ولكن زى ما قلنا قبل كده، بتكون دى مصيدة للناس اللى بتخاف
فبيحصل ايه
السعر بيكون مشى كتير الاول (رقم 1 فى الصور)
وبعدين يعمل موضوع المثلث (انا راسم عليه المثلث عشان يبان اكتر)
ثم يكسر السعر المثلث ويقفل براه كمان مش يكسر ويلم، لا بيقفل برة
فطبعا الناس تدخل بيع مثلا (لو كان قفل تحت) وتحط الاستوب فوق المثلث (ويقولوا عشان لو كسر فوق تانى يبقى هايمشى فى الاتجاه الشرا فنقفل على خسارة صغيرة وندخل شرا)
فتلاقى السعر تقريبا مامشيش اى حاجة فى صالحه وارتد فورا (رقم 2 فى الصور)
وضرب استوب
فيدخل بعد الانتظار شوية عشان يتاكد من الشرا، وعلى ما يدخل يحط استوب تاااانى تحت المثلث ، ويدخل شرا من رقم 3
ولتانى مرة على التوالى يرجع السعر ويضرب استوب
وهنا تهتز ثقة المتاجر فى نفسه من كتر الخساير المتتالية وانه غير قادر على تحديد اتجاه السوق وان السوق بيعانده و وو
واخيرا يلاقى السوق مشى بيع عادى زى ما كان هو قايل من الاول بس خاف
بس بعد ما اخد منه اللى فيه النصيب
ده اذا ماكانش ضاعف عدد العقود فى المرة التانية عشان يعوض الخسارة الاولى


المهم
لو بصينا هانلاقى اييييه؟
اولا احنا راسمين القنوات
وهو كسر القناة لتحت (يعنى بيع زى ما الراجل الاول عمل) انما عشان احنا فاهمين الحركة دى هاندخل بيع بس بعقود قليلة (اليوم ده على فكرة كنا داخلين سوا هنا لايف على نفس التريدة دى لو فاكرين)
المهم، السعر عكس
احنا ماتهزناش عشان عارفين الاتجاه وعارفين انه هايعكس (امال ليه دخلنا بعقود قليلة من الاول لما عارفين انه هايعكس؟؟) عشان لو نزل فورا يبقى الصفقة ما طارتش، وانا عن نفسى كان اول دخول ليا من التعزيز (طيب عرفت منين؟؟) اكيد زى العادة انتم كمان هاتعرفوا بالتدريب (زى ما ما شاء الله بيقى اغلبكم بيعرف امتى يدخل وامتى يخرج، والاهم، امتى يستنى برة السوق)
المهم لما عمل اختبار (انت عارف بجد انه هاينزل من هنا) دخلنا بيع والحمد لله جاب تارجت كبير


يارب تكون الصور موضحة الفكرة








انا تجربتى السابقة سنين مع الكيبل فقط
ولكنى الان باشتغل على كذا عملة
ودخلت على اليورو ين فى اليوم اللى دمّر الدنيا وصفّر حسابات ناس كتير والحمد لله طلعت بمكسب
بس عملت اييييه؟
دخلت بعقود قليلة اوى عشان حركته الرهيبة، وكمان بداية دخولى كان لما مشى (ضعف) الرينج اليومى فى اول ربع ساعة بس
ومع ذلك ارتد عليا 260 نقطة كمان (يعنى تقريبا عمل 4 اضعاف الرينج فى اول نص ساعة من اليوم) فعززت ، ورجع كل اللى ارتده وطلعت بمكسب +260 نقطة من عقد التعزيز

الفكرة فى كيفية انتقاء نقطة الدخول مع ادارة راس المال السليمة
بالنسبة للرينج ممكن يعدى كتير، ولكن مع نظام انتقاء نقطة الدخول وادارة راس المال الصارمة بيرجع بمكاسب كبيرة واكتر من لو كان مارتدش
وراجع الريبورت اللى انا اضفته زمان اللى وصل للمليون وكان ايامها السوق بيمشى فوق ال 1000 نقطة فى اليوم

اهم حاجة عدم الاستعجال، ولو حتى راحت الفرصة مش مهم، المهم انى ادخل صح
وانا عن نفسى كان اول دخول ليا من التعزيز (طيب عرفت منين؟؟) اكيد زى العادة انتم كمان هاتعرفوا بالتدريب

انا عرفت ليه 
حضرتك دخلت من التعزيز علشان السعر عمل شموع صغيره في الاول ومثلث قبل الكسر فالمتوقع هنا انه احتمال كبير اوي يرتد علشان يعمل اعاده اختبار وندخل احنا من الاعاده دي وتكون اول دخول 
لكن لو كان السعر ماشي عادي وكسر القناه على طول من غير مايكون اي شموع صغيره قبل الكسر او نموذج مثلث او مستطيل فده بيدل انه احتمال ضعيف اوي انه يعمل اعاده اختبار وان اول صفقه من اول مايكسر على طول 
ونموذج المثلث او المستطيل من النماذج اللي دايما بتيجي لتأكيد الاتجاه الي ماشي بيه السعر وليس لعكس الاتجاه
يعني لو السعر كان نازل بشده وفي فتره قليله ووقف شويه يعمل الشموع دي سواء عمل مستطيل او مثلث فدي منطقه تمسى منطقه تقبل السعر يعني بيستنى الناس تفوق من الصدمه بسبب تحرك السعر بالشكل ده وفي وقت صغير اوي 
وبعدين فهو لما يجي يكسر لازم يكسر بره المثلث في الجهه المعاكسه ويقفل بره وكل لما يكون مشي كتير في الجهه المعاكسه دي دليل على انه هيعمل حركه سريعه وجامده في الاتجاه الاصلي 
ليه علشان هو بيروح ياخد العزم او الطاقه اللي هيقدر يكمل بيها اتجاهه وكل لما ياخد طاقه كبيره بيتحرك اضعافها في اتجاهه 
بس هل ساعات بتحصل حالات شاذه والسعر بدل مايمشي في اتجاهه الاصلي لا يستمر في الجهه المعاكسه 
ولو فيه حالات زي دي بتحصل امتى غير فتره انتهاء الرينج اليومي وكده هل ممكن تحصل في وقت عادي


ايوة ممكن يكمل ومايرتدش بس على مين؟ هههه
اولا بيكون فى نفس اتجاه الكسر، يعنى لو كسر القناة انطلق ممكن يقف شوية ياخد نفسه قبل ما يمكل انطلاق
ثانيا بيكون رايح عشان يجيب الهدف اللى احنا عارفينه اصلا برضة، يعنى مافيش حركات مفاجئة ههههه
ثالثا فى الغالب لو عمل ده مابيكونش الشكل مثلث بيكون (علم) ومش عاوزين نوجع دماغ الناس بحاجات كتير، كفاية كده لحد لما الكل يشتغل بالطريقة ببساطة والتزام

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:17 am

المؤشر ده عبارة عن ايه؟
هو كل اللى بيعمله حاجتين
أولا بيرسم اهم الخطوط على النهاردة بناء على الفايبو المرسوم اوتوماتيك على الرينج بتاع امبارح
يعنى كانك راسم فايبو من اللو بتاع امبارح الى الهاى بتاع امبارح
وهانبتدى نتاجر عليه النهاردة، عشان مبدأ عدم التغيير فى القيم تماما

المؤشر بيرسم خطين بلون برتقالى ودول الممثلين لنسب (61 و 38) ودول نسب استكمال الاتجاه لليوم اللى فات
وبيرسم خطين باللون الاخضر ودول ممثلين لنسبة (123) من فايبو امبارح
وخطين لونهم احمر (من أقوى الخطوط) وده عشان الارتداد وده ممثل لنسبة فايبو (161) من امبارح
وخطين لونهم ازرق فاتح (نادر الوصول اليهم) ودول ارتداد وممثل لنسبة (261) من فايبو امبارح

طيب نعمل بيهم ايه؟
نخلى بالنا من حاجة مهمة
دول مش زى الخطوط بتاعت المؤشر السابق بيتحركوا مع السعر عشان يحافظوا على فرق الرينج
دول ثابتين ومالهمش دعوة بسعر الافتتاح (اعتماد كلى على امبارح)
فممكن يكون الافتتاح قريب من خط اخضر مثلا او يكون قريب من خط برتقالى على حسب

المهم
فى المعتاد، ونركز انه (فى المعتاااد مش اساسى) ان لو كان امبارح مثلا صعود ولمس النهاردة الخطوط البرتقالى (وعمل سلوك سعرى) فبكده يبقى هايكمل صعود، طبعا لازم يكون فيه تاكيد من اى نظام من بتوعنا السابقين
عشان موضوع الفايبو هو موضوع ثانوى وتأكيدى فقط وانما اساسيات نظم المتاجرة تكون بالاستراتيجيتين الاولتين
اما لو السعر راح للخطوط الخضرا او الحمرا او الزرقا فهو للارتداد (نظام الاستراتيجية التانية) والاهمية فى الخطوط حسب نفس الترتيب
طيب ممكن السعر يلمس الاخضر وما يرتدش ويكمل؟
ممكن جدا جدا
طيب على اى اساس؟
بناء على كذا حاجة
يعنى لو كان الخط الاخضر ده قريب من افتتاح اليوم (يعنى السعر لسه مامشيش حاجة عشان يرتد)
او يكون الخط الاخضر داخل القناة مش على اطرافها
او يكون ما حصلش اى سلوك سعر ارتدادى عليه
وهكذا
انما ممكن حتى انه يرتد من الخط البرتقالى (مش لازم يمشى للأخضر حتى) بس امتى؟
لما يكون الخط قريب من الرينج اليومى (زى ما هانشوف فى الصور)

يبقى نفهم من كل ده
ان الخطوط دى بيحترمها السعرعلى حسب بعدها عن الرينج اللى اتحركه السعر خلال اليوم
وعلى حسب سلوك السعر بالقرب من الخطوط
وطبعا على حسب الاتجاه العام

نيجى نشوف الصور عشان نطبق

الصورة بتاعت النهاردة (حاجة طازة كده)
السعر خرج من القناتين سوا، اللى كانوا متوازيين وضيقين (يعنى حاجة زى ما الكتاب بيقول)
فليه الف حق انه ينزل كده
طيب هاينزل لحد فين؟؟
هانلاقى انه وصل للرينج اليومى بتاعه ولسه مكمل
طيب انا جيت النهاردة فى مشاركة بدرى شوية وقلت انا هاشترى من 225 تمام؟ جبتها منين؟
نشوف، اولا الرينج اليومى كان على 245
والشمعة اللى قفلت تحته (لازم نستنى الشمعة تقفل عشان ده اتجاه نزول زى مانتم عارفين) كان اللو بتاعها عند 230
ولكن هناك خط فى منتهى القوة اللى هو الخط الفايبو الاحمر وموجود كمان عند نهاية الرينج اليومى، وكان عند 225
فمن هنا تشترى وانت مغمض
ليه؟
اولا قرب اعادة الاختبار للقناة الزرقا على ال 4 ساعات
ثانيا قفلت الشمعة تحت الرينج اليومى والسعر عدا اللو بتاعها كمان
ثالثا فايبو احمر، يعنى السعر مشى بنسبة 61% من اللى مشيه امبارح وفى نفس الاتجاه، وده دليل على انه بدا يضعف اوى ومش هايقدر يكمل تانى
وبالفعل السعر ارتد فوق ال 45 نقطة

اما الصورة التانية
فانا جبت لكم يوم السعر كان ماشى صعود فى اليوم اللى قبله كتير
وبعدين فى اليوم ده صحح بالنزول شوية ، طبعا النزول ده احنا ماسيبناهوش دخلنا مع كسر القناة وعززنا مع الاختبار ونزلنا مع السعر واكلين
بس لحد فين؟؟
لحد لما وصلنا للخط البرتقالى بتاع انه هايكمل الصعود بتاع امبارح بعد ما عمل تصحيح بنسبة 61 من حركة امبارح
طيب عرفنا منين انه مش هايكمل للخط الاخضر مثلا او للأحمر زى النهاردة؟
اولا الاتجاه الاصلى صعود
ثانيا لما كسر القناة الحمرا لتحت يبقى هدفه حوالى 80% لحد الازرق، وهو وصل له خلاص
ثالثا كان مشى السعر خلال التصحيح حوالى 130 نقطة من اصل الرينج 135 يعنى تقريبا وصل للرينج على الخط فلازم يطلع
وزى ماتفقنا قبل كده، لو كان الاتجاه صعود مش هانستنى انه يقفل تحت الرينج ونشترى من اللو، لا هانشترى على طول
كل ده غير السلوك الارتدادى اللى الشموع عملته اول ما راحت عند الخط البرتقالى

يارب يكون الشرح سهل ومبسط
الموضوع مش صعب
ولكن محتاج تدريب كتير عشان الناس تتمكن منه
وياريت الناس الجديدة ماتطبقش كله مرة واحدة
انا عامل الموضوع حلقات عشان الناس تطبق حاجة حاجة، والا مانا كنت ممكن انزل مرة واحدة وخلاص
وتاااااانى
اهم من كل اللى فات ده هو ادارة راس المال باكررها كتير ولكن الطمع
لسه واحد اعرفه متصل بيا وبيقول انه خسر حسابه، بس اعترف انه ماكانش ملتزم خالص ودخل عقد لكل 300 وعزز كمان بسرعة
وكان كل ده من كتر ثقته فى الطريقة وشاف انها بتكسب
يا جماعة، انا نفسى مابادخلش كده والله العظيم
ومن ضمن اساسيات الطريقة ونجاحها هو الالتزام بادارة راس المال زى مانا قلت (النسب دى مش من فراغ دى عن تجربة سنين)
فماينفعش اخد جزء من الطريقة واسيب جزء
الموضوع على بعضه، يا اما يتاخد على بعضه، يا يتساب على بعضه
انما اللى هايضيف استوب واللى هايضيف مؤشرات (كل ده كويس) ولكن انا غير مسئول تماما الا عن اللى انا باكتبه
حتى لو واحد قال الدخول من كذا بناء على الاستراتيجية
فالاستراتيجية معاكم كلكم، والمفروض انكم عارفينها بالتفصيل، يعنى مش محتاجين توصية
فاللى بيقول فيه فرصة فهو كتر خيره بينبهنا ليها
انما هاندخل واحنا مش مقتنعين او مش فاهمين يبقى اتقلب الموضوع توصيات
ده انا نفسى لما بانزل مشاركة باقول انا هابيع او هاشترى لازم اقول ليه

الفكرة فى الاخر، انى عاوز كل وااااااحد يقدر يتاجر بنفسه تماما
واللى هايلاقى نفسه مش عارف او مش حابب او مش متمكن من جزء من الاجزاء يسيبه ويمشى بالباقى
يعنى اللى مش نافع معاه الفايبو مش مهم
او الناس بتحب تشتغل على الارتداد بالرينج وبلاش القنوات، او او
المهم تشوف ايه اللى انت متمكن منه وتشتغل عليه
وشوية شوية تبدا تضيف الباقى الى نظام متاجرتك

ازاى نحدد التارجت بالفايبو بدقة قبل الوصول اليه







MGY Fibo3.ex4


أولا اليوم ده انا قلته قبل كده
الاحمر رفيع وباصص لتحت والأزرق اقل ميلا منه
وقلنا ان السعر بعد ما بيخترق الاحمر (وبيكون اختراق ضعيف) بينزل يعمل كذا اعادة اختبار وبيكون متذبذب بين الاحمر (الحد العلوى) وبين الازرق (الحد السفلى) لحد لما الناس تيأس من الطلوع فيطلع بقوة
والله الكلام ده اتقال سابقا وراجعوا الشرح فى الموضوع

وكمان لما لقيت بالصدفة مشاركة الأخ سفاح قبل ما انام مباشرة انه هايشترى قلت له (لا) لسه شوية
دى حاجة

والحاجة التانية
انا عارف ان الحمد لله الناس ابتدت تاخد ثقة فى الطريقة تماما
ولكن مش لدرجة انها تدخل فى كذا صفقة على كذا عملة فى نفس الوقت
الا اذا كانت مراعية انها تقسم عدد العقود المبدئى على عدد الصفقات (واللى عن نفسى لا اعتقد انها بتعمل كده)
بل بتدخل بعقد لكل 2500 فى كل عملة
ده اذا دخلت بعقد لكل 2500 اساسا
فانا اعتقد ان الناس بتدخل بأكتر من ده فى العملة الواحدة وعلى كذا عملة فى نفس الوقت
وده هايخلى فيه ضغط عصبى شديد والناس هاتتصرف غلط
وكمان مش هاتقدر تعزز بحرية ومن اماكن صح

عموما انا عاوز الاجازة (اللى هى بعد بكرة) الناس تقف وقفة جدية مع نفسها
عشان كذا واحد كلمنى على الشات وعلى التليفون وقالولى انهم بيتسرعوا وانهم مش مراعين لادارة راس المال خااااالص
وكل ده تبريرهم كان (عشان الطريقة حلوة وبتكسب)
والله والله والله انا نفسى ما بادخل فيها كده
انا بادخل بمنتهى الحذر
فلو كان هناك واحد متمكن او واثق فيها فمن باب اولى يكون اللى عاملها، ومع ذلك ما ادخل ابدا الا بمراعاة راس المال وادارة صارمة
فمهما كانت الفرصة رااااااااائعة لا أدخل الا بعقد صغييييير لكل 2500
ولو دخلت بالعقد المينى كله فى عملة واحدة مش ممكن ادخل عملة تانية فى نفس الوقت ابدا

فيا ريت نستغل الاجازة ونقرا تانى حالات القنوات اللى شرحتها
ونراجع نفسنا فى التسرع
ونمسك ايدينا فى عدد العقود اللى بنفتحها
ولو دخلنا بعقود قليلة وكسبنا ما تزعلش وتقول انك لوك كنت دخلت باكتر كان الربح زاد
بل احمد ربنا على انك كسبت
ومع الوقت هايزيد راس مالك فهاتزيد عدد العقود تلقائى (مع الحفاظ على نفس نسبة الدخول)

عموما ربنا ييسر الحال والناس تلتزم وتعرف تكسب
التحكّم فى النفس اصعب بكتيييير من ايجاد طريقة ناجحة ومربحة

وانا باتكلم من كل قلبى عشان افادة الناس وربنا يشهد
ومش عاوز حد يزعل منى على الكلام ده



عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:22 am

انا شغال على الاستراتيجية دى (فقط) بقالى 6 سنوات، ولا اعطى بالا لشهر 3 ولا شهر 6 ولا لتوقيتات ولا للاخبار ولا اى حاجة تانية
انا شايف ان اللى خسروا عملوا الاتى بالظبط
اولا دخلوا من نقط غلط (وده راجع لعد المامهم الجيد بالموضوع، او عدم التطبيق الكفاية) الطريقة سهلة، ولكنها سهلة لمن يتقنها (زى ما واحد قال لى على الموبايل انها السهل الممتنع) فلازم التطبيق كويس وده يكون بعد القراءة المتأنية للموضوع وكل اللى اتقال فيه
ثانيا التعزيز كان فيه تسرّع وكتير، فعشان كده الخسارة ازدادت بسرعة، وده لا علاقة له تماما بالاستراتيجية (ده فيه ناس كانت بتعزز كل 20 نقطة!! فهل هم بيعملوا ده فى المكسب؟؟ يعنى هل لو السعر ماشى فى اتجاهك هاتاخد عقود زيادة كل 20 نقطة؟؟!!!! اسأل نفسك كده)
ثالثا فى الغالب الاغلب الناس دى اشتغلت على حساب حقيقى (عكس ما قلنا ونبهنا كذا مرة) عشان كده واقعين تحت ضغط عصبى فبيدخلوا من نقط غلط، وبيعززوا غلط وكتير فبتزيد الخسارة
رابعا انا غير مسئول عن اى كلام غير اللى انا قلته، الاعضاء بارك الله فيهم بيجتهدوا، وكل واحد حسب رؤيته وحسب فهمه للطريقة (ده فيه ناس بتدخل تقول شرا من هنا، ولما الاخوان يسألوهم طب ليه كان الشرا؟ يقولوا لا ده حسب استراتيجية تانية انا شغال عليها هههههه ، او بعضهم يقول انه خسر 300 نقطة، ولما الاخوان يسالوه يقول لا ده انا اللى داخل غلط ومش بالطريقة دى خالص ههههه يعنى تشتيييييت وخلاص)
فأنا قلت والناس ممكن تراجع الردود وتوقيتاتها، قلت بلاش شرا الوقتى، قلت ان الشكل بتاع قنوات اول امبارح ده بيدل على عدم الشرا مع الكسر (وشرحت الشكل اكتر من مرة) وقلت انا دخلت الشرا من فين بالظبط (واعتقد انه جاب الهدف) ، وكل ما بينزل باقول انا هاشترى من فين، وانا حاليا (بعد مكسب كذا مرة، من الكيبل فقط) كل العقود اللى معايا وقايل عليها على هذه الصفحات تشهد بهذا، هو عقد شرا صغير من سعر 1.6035 فقط، والسوق قفل على 1.6030 يعنى فرق 5 نقاط فقططططططط (وكمان ده كان اوردر معلق، انا لو كنت امام الجهاز ماكنتش اشتريت عشان تحقق بالليل شوية، انما مش مشكلة خاااالص، العقد صغير وكل اللى ارتده 5 نقط فقططط)
انما اللى بيقول خسران بال 200 وال 300 نقطة ازاااااى؟؟ غير ان مافيش التزام سواء بنقط الدخول او بالتعزيز
عموما ربنا يعوّض، ويااااااريت يكون الدخول دييييمو عشان ما يكونش فيه ضغط نفسى ونتعلم الطريقة صح، وبعدين نبقى ننتقل للحقيقى ونواجة الضغط النفسى بس بعد مانكون اتقنا الشغل بالطريقة

انا بكرة باذن الله هاقول لكل الناس (المبتدئين واللى مش قادرين يفهموا اللى فات) حاجة تريحهم من وجع الدماغ ده كله، عشان بس على الاقل يحسوا بطعم المكسب ويتعودوا عليه، وبعدين يتاجروا براحتهم ههههه
والف شكر للى دعالى ربنا يكرمهم اجمعين
والف مبروك للى التزم وحقق مكاسب سواء على الباوند او اى عملة اخرى

الدخول بيكون من فريم الساعة، مع اخد ال 4 ساعات كدليل
ففريم ال 4 ساعات بيع (ده اللى انت بعت عليه) انما على الساعة كسر لفوق، فيببقى حاجة من الاتنين
يا اما ندخل شرا بس بعقد قليل (وده اللى انا عملته) يا اما ما ندخلش الصفقة دى ونتابع مع عملة تانية تكون شكلها متوافق افضل
انما تحليلك صح، بس دخولك بيع كان على ال 4 ساعات (الساعة ماكسرش لتحت)

















1- شمعة فولنج ذى روف ؟؟؟ ما هو شكلها وهل لها لون خاص يعني اخضر او احمر سواء في الاتجاه الصاعد او الهابط يعني متى نحكم عليها فولنج ذى روف ؟؟


الحمد لله انك لما قريت لقيتها، شوفت بقى اهمية القراية؟ ههههه

2- شمعة كيل ذي سيلر ؟؟؟ ماهو شكلها و هل لها لون خاص اخضر او احمر سواء في الاتجاه الصاعد او الهابط يعني متى نحكم عليها ان هذي كيل ذي سيلر ؟؟


مع انك لو قريت برضه هاتلاقيها، انما هى عكس فولنج اوف ذى رووف
يعنى ذيل طويل لتحت (اطول من اللى قبلها) وارتدت وقفلت فوق (خضرا يعنى)، ودى تكون بعد نزول (يعنى فى اخر الترند الهابط)

3- في ااحد مشاركاتك قلت ان الاتجاه يكون من ال 4 ساعات، والاتجاه الاكبر يكون من اليومى انما خلينا فى ال 4 ساعات الاتجاه لا يكون اتجاه شكل القناة انما اتجاه السعر بالنسبة للقناة بمعنى لو القناة طالعة لفوق، ولكن السعر اخترقها نزولا فيكون الاتحاه هبوط ؟؟ والسؤال هنا هل تقصد القناة الحمراء ام الزرقاء الكبيرة - ام انك تقصد القناة التي يوجد فيها السعر سواء الحمراء او الزرقاء ؟؟


القناة التى يوجد فيها السعر، ويا سلام لو كسر الاتنين، ويا سلام اكتر لو كان الاتنين متوازيين ومتطابقين

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:24 am


يا اخوان انا ابارك للجميع فضل الله عليه ونعمته في انه اعم على الكثير من المتاجرين بنعمة الربح من هذا السوق واهنئ الرابحين على ربحهم وادعوا للجميع بالبركة ودوام التوفيق


ده من فضل الله تعالى علينا اجمعين، الله يبارك فيك
[size]

من واقع خبرتي الكبيرة والحمدلله اريد ان اسجل اعتراضي على عدم وجود وقف خسارة للطريقة... انا في نظري حتى لو الطريقة تحقق مليون نقطة في الشهر ولكنها ليس فيها وقف خسارة فانا اراها استراتيجية تعتمد على احد محورين... اما حظ وتوفيق.... او معاندة للسوق.... وكلا المحورين سبب كبير في الفشل فيما بعد


[/size]
معلش اسمحلى ارد عليك
من واقع خبرتى الكبيرة برضة والحمد لله، موضوع عدم وجود استوب لا يجعل لنا هذين المحورين فقط
فلا هو حظ (ده لو انا داخل بدون دراسة زى اللى بيفتحوا صفقة من اى مكان وكل ما السوق يعكس يعزز، ولو ماعكس يبقى خير وبركة) بالعكس اماكن الدخول السليمة قائمة على دراسة كبيرة وممتازة ولو لاحظت هاتلاقيها جامعة لكل التحليل الفنى (بس بدون وجع دماغ)
يعنى
القنوات دى عبارة عن ترند ليوم سابق ويومين سابقين، ومع كسر القناة يعنى الترند اتكسر يعنى دعم او مقاومة لم يستطع السعر كسرها بقاله يومين واتكسرت فبندخل مع الكسر او الاختبار مع الترند ودى اول حاجة اساسية للمتاجر الا يعاكس الترند
وكمان قلنا بناخد الاتجاه الاساسى من فريم ال 4 ساعات، وده يعنى قناة مرسومة على الاسبوع اللى فات وعلى الاسبوعييييين اللى فاتوا
يعنى ماشى مع ترند اسبوعين وترند اسبوع وترند يومين وترند يوم
فلو انت داخل صح هاتبقى ماشى مع الترند تماما
يعنى مش من اى مكان وخلاص عشان تبقى موضوع حظ

اما الموضوع التانى وهو الاستراتيجية التانية
احنا مش بنعاند السوق، صحيح احنا بندخل عكس الترند (انا معترف) ولكن بندخل امتى؟؟؟ بعد التاكد من ان السعر هايصحح
والتصحيح برضة من اساسيات المتاجرة، يعنى مش اختراع، بل وهناك استراتيجيات كاملة على التصحيح فقط
ولما بنعزز لو ارتد فبرضة مش من اى مكان، هو اساسا لازم يصحح من النقطة الاولى، فلما ارتد زيادة معناها ان النسبة انه هايصحح بقت اعلى
فلا هى حظ ولا هى معاندة
بالعكس
هى متاجرة، بس سهلة
[size]

واريد ان اخبر الجميع انه لايمكن ابدا ان تعوض مسالة وقف الخسارة بطريقة ادارة راس المال.... لان ادارةراس المال امر ووقف الخسارة امر اخر.... وقف الخسارة احد ركائز ادارة راس المال وليس العكس... انا من وجهة نظري ادارة راس مال بدون وقف خسارة هي ادارة بها خلل جسيم.... واي استراتيجية من اهم ركائز النجاح فيها ان تعلم متى تغلق صفقتك على الاقل ان كنت تنوي ان لاتستعمل وقف الخسارة....


[/size]
انا معاك فى كل اللى انت قلته
بس الوقتى بالتجربة العملية، وكانت لايف بالنسبة لى، وكانت على اصعب الظروف، واصعب الفترات اللى مرت عليا (خلال 8 سنوات متاجرة متفرغ تماما للفوركس) ولله الحمد الاستراتيجية نجحت مع الالتزام بالشروط كاملة وادارة راس المال اللى انا قلت عليها ودى مش من فراغ
وانا حاطط مشاركة هنا فيها التقرير لهذه الفترة اللى السعر كان بيمشى فى اليوم الواحد فوق ال 1000 نقطة، والتقرير مش يوم ولا اتنين ولا شهر ولا اتنين عشان نقول مصادفة
انما حوالى سنتين متصلتين، عشان مانقولش اختيار عشوائى او اختيار ما يلائم الاستراتيجية
منها اليوم اللى عمل 1000 نقطة رينج
ومنها اليوم اللى كل رينجه كان 40 نقطة
ونجحت ولله الحمد طول الفترة وعلى كل الايام
بل ومش نجاح بالحفاظ على راس المال (حيث تهالكت بنوك وبروكرات فى هذه الفترة تحديدا) بل وحولت 25 الف الى مليوووون و 300 الف فى سنتين من اصعب السنين اللى مرت عليا
فأعتقد ان انا مش باتكلم من فراغ
وان كنت اعلم تماما انك تريد الخير والحفاظ على اموال الاخوان
ولكن انا شخصيا باتاجر كده وعلى حسابى الحقيقى (اللى هو كبير نوعا ما) مع ان اسلوب ادارة راس المال ده ينفع مع اللى حسابه 250 دولار بس
ولو مش نافع هذا الاسلوب مافيش اى مشكلة
انا ما باقولش ان اسلوبى هو افضل اسلوب فى العالم، انما كل واحد بيختار الانسب له
وانا بمنتهى الصراحة لو كنت لقيت افضل منه كنت اشتغلت بيه على حسابى (حد مايحبش زيادة الربح؟؟؟)
[size]

انا لا اقلل من مجهود احد وابارك للدكتور جمال ولجميع الاخوة ما وصلوا اليه.... لكن يجب ان لايفتتن الجميع بالارباح ويغفلوا هذا الجانب...

بل الجدير بالكل في هذه الورشة ان يتباحثوا ويتناقشوا للوصول الى افضل وانسب طريقة لوضع الاستوب لوز... وهذا لكي تكتمل الطريقة وتصبح بالفعل طريقة ذهبية,,,, لكي لاتنقلب الطريقة في نهاية الامر الى كارثة يوما ما على العاملين بها....


[/size]
الف شكر مرة تانية
عشان انا حاسس تماما فى مشاركتك خوفك على الاخوان (وانا منهم)
بس التعزيز ده أحد بنود هذه الاستراتيجية (واللى بدونه ماكانتش هاتعدى الفترة اللى فى التقرير دى بسلام)
وانا شخصيا ذكرت قبل كده انى ممكن استخدم الهيدج فى بعض الاحوال النادرة (ولازم تكون بتعرف تستخدمه كويس) وده فى رايى افضل من الاستوب
وان كان ثانوى، يعنى الطريقة ممتازة من غيره، والدليل ان الريبورت ماكانش فيه هيدج ابدا، وعمل النتايج دى
[size]

وان اراد احد ان يقول عني انني اريد تحقيق خسارةلاحد او انا احد اعداء النجاح.... فردي عليه ان اقول له يا سامحك الله نصيحتي هذه لتظل من الرابحين باذن الله.... لان استراتيجية بدون استوب او علامة اغلاق الصفقات الخاسرة هذا يعني ان الاستراتيجية غير قادرة على تحديد الخسارةاو تقلبات السوق مما يعني انها بنسبة كبيرة ستكون استراتيجية خادعة


[/size]
معلش كلمة استراتيجية (خادعة) دى مش حلوة حبتين
[size]

فنصيحتي للكل بعد التحية والمباركة.... ان يكملوا نجاح الاستراتيجية بالتوصل لانسب طريقة تضع بها وقف الخسارة اثناء العمل..... وشكرا للجميع
[/size]

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:32 am

وتعالو مع بعض ندرس ايه اللى حصل فى خلال الشهر دا وايه الاشكال المضمونه والاشكال اللى بيبقى فيها تردد 
وياريت الدكتور جمال يدخل يقلنا ايه الصفقات اللى دخلنها غلط والمفروض كنا ندخل ازاى 
ويارب كلنا نستفاد 

ده يوم مكسب ولله الحمد



اليوم ده انت بتقول مش عارف نعمل فيه ايه
مع انه كسر الازرق تحت فهاندخل بيع عادى ووصل للاحمر اللى هو الهدف وعداه كمان، وقفل تحت الاحمر فى نفس الشمعة يعنى هانحتفظ بالبيع (لو حبينا) ولما عمل شمعة الهامر اللى تحت نقفل بمكسب
يعنى اليوم ده من ضمن ايام المكسب عادى
يوم 3

يوم مكسب ولله الحمد
يوم 4

يوم مكسب ولله الحمد



اليوم ده بقى اللى محتاج وقفة
انت بتقول انه يوم خسارة والسعر ارتد!!!!
السعر عمل مكسب حوالى 45 نقطة مباشرة بدون اى ارتداد، فهل ده مش كفاية؟
طيب ولو مش كفاية، فهل هاتسيب الصفقة بعد ما السعر عمل شمعة فولنج اوف ذى رووف (اللى بنستناها عشان ندخل بعدها بييييع) هل هاتحتفظ لسه بالشرا؟؟
وهل لو هاتحتفظ بالشرا (ده افتراااض) هاتسيب صفقة تبقى بالسااالب بعد ربح 45 نقطة مش هاتقفلها ولو حتى على الدخول؟؟
اظن صعب اوى
انا عن نفسى احسب اليوم ده ربح (انا بارضى بربح قليل) مع ان 45 نقطة اعتقد انه مش قليل بس يارب يكون دايم
ده لو ما حسبناش اننا بندخل بيع بعد شمعة الفولنج اوف ذى رووف (بعنى الترند الهابط من اوله)
ولا حتى حسبنا اننا هاندخل بيع من كسر الاحمر من تحت وصولا للازرق (اللى هو اتحقق الهدف بتاعه)
ده رؤيتى لليوم
فاعتقد انه يوم مكسب رائع كمان
والتعزيز مش فى اى وقت، انما من المهم جدا معرفة امتى اخرج من الصفقة وليه، زى ماهو مهم معرفة امتى ادخل الصفقة وليه
يوم 8

يوم مافيش فيه فرصة


يوم 9





يوم مكسب ولله الحمد


يوم 10





يوم مكسب ولله الحمد
مع اننا المفروض ندخل بيع تانى بعد تحقق الهدف الاول مع اعادة الاختبار للقناة الحمرا وتكوين فولنج اوف ذى رووف يعنى يوم بربح مضاعف عوض اليوم اللى ماكانش فيه فرصة








بكده الاحصائية اللى فوق فى الاول مش صح



ويكون عندنا كام يوم ربح من ال 9 ايام الاولى؟؟؟



انتم تحكموا بنفسكم



بس المهم الدخول الصح



التعزيز الصح



والخروج الصح


عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:33 am

كدا احنا استفدنا من الاسبوعين دول من اخطانا 
وان شا ءالله لما النت يظيط عندى هرفع بقيت الاياام


بس عندى استفسار فى اليوم اللى ارتد بعد ما جاب ال 45 نقطه 
المفروض ان القناتين ماشين مع بعض ولما يكون الشكل كدا المفروض ان السعر لما يكسرهم لفوق او لتحت يطيرررررررر مش كدا مظبوط ولا لآ
فا المفروض انا مقفلتش الصقفه طمعا انها هيطيررر زى العصافير لفووووق 


....
كمان نقطه انا معتمدتش على شارت ال 4 ساعات فى الدخول او الخروج مع انو مهم طبعا لتحديد الاتجاه العام 


...........
هو الصح انه فعلا لما بيكسر القناتين بيطير ده كلام تمام

ولكن زى ماتفقنا، ان الواحد يكون مرن شوية مش ماكينة

بمعنى

اولا السعر مشى فوق ال 100 نقطة مباااااشر مافيش ولا شمعة واحدة حتى حمرا للتصحيح

ثانيا السعر عدى فايبو 123، وقرب خالص لفايبو 161 (اللى البيع من عنده بيكون بيع قوىىىى، وخاصة ان السعر بادىء من تحت مش كان افتتاح اليوم اساسا قريب للفايبو زى ما شرحنا)

ثالثا الرينج المتوسط 125 والسعر كان مشى فوق ال 100

رابعا تكون شمعة فولنج اوف ذى رووف، وكمان بعد شمعة اسبينينج توب (اللى تدل على احتمال انعكاس الاتجاه)

خامسا انت كسبان 45 نقطة




يعنى من الاخر

السعر مشى كتير وقريب للرينج وداخل على فايبو 161 ومكون فولنج بعد اسبينينج اعتقد انك لازم تقفل الصفقة وتكتفى بالربح وخاصة انه مش ربح 10 نقاط فقط

ده اذا ماكنتش هاتبيع كمان عشان كل اللى انا قلته ده هههههههههه

وطبعا عشان نتعلم

لما اجتمعت كل الحاجات اللى انا قلتها دى شوف كان رد فعل السعر مشى اد ايه

وده يوضح لك فكرة تجمّع كذا عامل فى منطقة معينة بيدى قوة اكبر لتأكيد الدخول

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:36 am

 توجد حاله شبه تطابق للقناتين وبعدهما إختراق برالي جبار ولكن لوكنا في الوضع لايف ولانعلم ماذا سيحدث بعد الكسر نجد الأتي : أولا شمعة إختراق خضراء ثم الشمعة التي تليها خضراء بذيل أعاد الإختبار ومنه يكون الدخول شراء (لحد دلوقتي جميل) ثم شمعة غادرة حمراء طويله تغلق مرة أخرى داخل القناة !! قبل أن يصعد مرة أخرى في رالي طويل، فهل تعتقد أننا لو كنا في هذه الصفقة كنا سنتركها مفتوحة بعد الشمعه الحمراء ؟؟ أقل مافيها كنا سنرفع الستوب لمنطقة الدخول عند الصعود ومن ثم تغلق الصفقة بدون خسائر ولكن يفوتنا هذا الرالي فما العمل في مثل هذه الحالات وما أدرانا أنه بعد الشمعه الحمراء داخل القناة سيعاود الصعود ثانية؟

هو طبعا لو اشتغلنا على الساعة هانقفل الصفقة
ولكن احنا بنشوف الاول ال 4 ساعات وبعدين يكون شغلنا على الساعة
انا فاكر الصفقة دى عشان كانت من الصفقات القوية
السعر كان على الحد السفلى للقناة على ال 4 ساعات وارتد منها بقوة وعمل سلوك شرا قوى
فلما نبص على الساعة ونلاقى فيه الكسر لفوق (مع توافق ال 4 ساعات) يبقى هانحتفظ بالشرا على الاقل كذا ساعة (عشان ال 4 ساعات لو عمل شمعتين بس على الاقل صعود يبقى ب 8 ساعات)
وممكن نقفل لما حصل سلوك ارتدادى بتوازى 3 شمعات مش عارفين يكسروا الهاى، واخرهم فولنج اوف ذى رووف مع الوصول للرينج اليومى، يبقى نقفل هنا اكيد، وحتى لو صعد زيادة مش مهم الحمد لله اوى على كده.

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الاستراتيجية التانية (بتاعت الرينج)

مُساهمة من طرف عبد الله سلام في الإثنين فبراير 05, 2018 2:39 am

 الاستراتيجية التانية (بتاعت الرينج)

افضل حاجة عشان وجع الدماغ ومحاولة تحديد الاتجاه وياترى هو كسر ولا لسه، طيب مانبص الاول على ال 4 ساعات، وده عكس ده
سييييييييييبك من كل ده (لحد لما تتقنه)
ولا هاترسم قنوات ولا هاتبص على اتجاهات ولا الهوا ههههههه
كل اللى عليك انك هاتحط مؤشر الرينج اليومى (بتاع الخطين الاحمر والاخضر) وبسسسسسسس
ولما السعر يكسر الخط ويقفل (تحته فى الشرا، وفوقه للبيع) يبقى تاخده من (اللو للشرا والهاى للبيع) وتخلى التارجت قليل مبدئيا فى الاول (بلاش التلت يا عم خلينا ولو حتى 20 نقطة ولو 15)
الفكرة فين؟
انا عاوز الناس تحس بسهولة الفوركس، وتذوق طعم المكسب بقى
وبدوووون وجع دماغ ولا تحليل ولا غيره
بس تانى ادينى باقول

الموضوع ده للباونننننننند فقططططططط

كان فيه زمان موقع مكسر الدنيا اسمه 20 نقطة يوميا واحد صاحبى قالى عليه
كان فعلا بيجيب 20 نقطة معظم الايام
المهم انا فضلت وراه لحد ماعرفت المعادلة اللى بيشتغل بيها ولقيتها فى منتهى التفاهة هههههههه
بيحسب البايفوت اليومى، ولو السعر فتح فوقه بياخد شرا من فوق البايفوت ب 20 نقطة والتارجت طبعا 20
وكذلك البيع بالعكس
وبس 
وكان عامل ضجة عشان بيكسب 20 نقطة فقط ولما تتوافر الشروط

المهم
الموضوع ده بيكسب اكتر من كده بس انا باقول عشان فى الاول بس ولحين اكتساب الثقة فى نفسك (مش فى الطريقة) وتقدر تلتزم وماتدخلش بدرى وتصبر و و و الحاجات اللى انتم عارفينها دى
تبقى تزود التارجت وتعرف تخرج امتى بالظبط شوية شوية
وحتى يبقى معاك شوية ارباح فوق راس المال عشان تتاجر وانت مستريح

الفكرة فين؟
لو ماتوفرتش فرصة يوم ولا اتنين ولا اسبوع حتى (مع ان ده مابيحصلش) بلاش تتسرع وتدخل اى كلام، خليك هنا زى الماكينة بقى ههههه
والفكرة انك مش هاتتابع زى زمان ولا هاتحلل ولا اى حاجة
ومحتاج تبص نظرة واااااحدة فى الساعة تشوفها قفلت فوق ولا لسه (عشان كده كده حتى لو السعر عدى الرينج مش هاتدخل الا لما تقفل فوقه)
وكمااااان النظرة دى مش هاتكون كل ساعة (يعنى 24 مرة) لا، دى كل 4 او 5 ساعات فى الاول لحد لما تلاقيه قرب من الرينج تبتدا تتابع مرة كل نهاية ساعة
من الاخر
هاتنام
هاتشتغل
هاتخرج وتعيش يومك
هاتبص على الشارت حوالى 10 مرات فى اليوم كل مرة دقيقة، يعنى شغلك 10 دقايق فى اليوم
عاوز ايه تانى؟؟ تكسب من غير ما تتاجر؟ 

وساعتها هايبقى عندك وقت تقدر تدرس الاستراتيجية الاولى وتطبق (عشان هى بتكسب اكتر الصراحة عشان مع الترند، بس لما تقدر تحدده صح)
وخلال مانت بتتقنها تكون بتكسب برضة، عشان الناس مستعجلة

مع حاجة مهمة للغاااااية
وهى ادارة راس المال السليمة
وياريت نراجع الاستراتيجية التانية (الرينج) فى الكتاب وكيفية تقسيم راس المال وعدد العقود وكيفية التعزيز
دول كلهم ماياخدوش قراية 10 دقايق
بس الفكرة فى الالتزام التااااام
مش تكسبلك يومين تلاتة تقوم داخل بعقود كتير عشان ماشية اهى زى الفل
لا يا حبى
التزم بكل حاجة، نقط الدخول، التعزيز، ادارة راس المال
والتوفيق من الله عز وجلّ

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:40 am

 اولا الفوركس سوق سريع ويتطلب مرونة وسرعة فى اتخاذ القرار
وبصراحة انا بالاقى انى عشان ادخل تريدة واكتب هنا وارد على الناس ليه دخلت واعزز هنا وارجع ادخل اكتب و و موضوع بصراحة صعب، وخاصة ان الناس معاها بالظبط انا باتاجر ازاى، من ادوات وكيفية استخدام
امال ممكن ايه؟ عشان الناس ساعات بتغلط او تستخدمها مش تمام
ممكن زى ما طلب الاخوة اقولكم تعليق ملخص يومى، منه نتعلم ايه اللى ممكن نعمله خلال الشكل ده ومنه انى الحق اتاجر شوية  (بصراحة وربنا يشهد انى قلت متاجرتى الخاصة من ساعة ما فتحت الموضوع، وطبعا ده عشان الرد هنا وعلى الخاص وعلى الياهو ماسنجر وو) فانا شايف ان الناس ابتدت تتقن شوية الاستراتيجية وكل اللى فاضل لهم الممارسة

وعموما
بالنسبة لى وعقودى
انا هاقولك اللى انا عملته شخصيا
انا دخلت شرا يوم الجمعة من 35 بعقود قليلة
وبعدين النهاردة دخلت بيع (عملت هيدج يعنى) من فتحة الساعة 10 الصبح
وده عشان السعر ارتد من حدود القناتين العليا بشمعة ابتلاع بيع كبيرة ابتلعت 8 شمعات قبلها وقفلت تحتهم
وكان فرق الهيدج 34 نقطة تماما
وقفلت البيع عند الحد السفلى للقناتين، مع عمل شمعة دوجى قوية
وعززت شرا تانى بعد القفل من 1.5950
وقفلت ال 2 شرا عند الحد العلوى للقناتين
مكسب البيع +53
مكسب شرا التعزيز +50
خسارة الشرا الاصلى -35
المجموع 103-35=68 نقطة

الفكرة فى التعزيز اخى الكريم انك تاخد من اماكن بعيدة شوية عن الدخول عشان يبقى فيه متوسط سعر محترم
انما التعزيز من قرب الدخول كانك دخلت بلوت عالى من نقطة قريبة من الدخول (يعنى مش تعزيز ده تكبير اللوت الاصلى)
فعشان كده يا عنتر انت دخولك على اليورو صح
ولكن انت عززت بعد اقل من 20 نقطة وده قليل اوى
لو كنت صبرت شوية وعززت من تحت كنت زمانك كسبان الوقتى

اخيرا
للمرة الاخير، ياريت الدخول يكون ديمو لحد لما تتقنوا الطريقة
وانا باذن الله قدر الامكان هانزل شرح لنقط الدخول والخروج يوم بيوم 
والاخوان اللى بيزعلوا انى ما رديتش، اعذرووووووونى والله والله مالاحق اتاجر حتى كويس زى الاول وباحلف بالله انى باكتب هنا اكتر ما باتاجر
مع ان كل مصدر دخلى هو المتاجرة، وانتم ما ترضوليش الخسارة
فالصبر، وحاول تقرا الموضوع بتأنى

عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:43 am

الفايبو طبعا اداة سحرية بجد للى بيعرف يستخدمها
احنا شرحنا قبل كده موضوع الفايبو على اليوم اللى فات وكمان فيه مؤشر بيرسم ده اوتوماتيك
والمؤشر ده حكاية لوحده ، بس محتاج انك تتعلم اشكاله مع السعر، فعشان مانتلخبطش اكتر من اللى احنا فيه، قلنا انه ثانوى ونستخدمه للتاكيد، مع انه يصلح استراتيجية مستقلة

طيب ايه الجديد الوقتى؟
الوقتى اللى انا هاقوله احقاقا للحق ده مش بتاعى، عشان ما يطلعش حد يقولى ان اللى شرحته موجود ب (66$) فى العتبة
اللى انا باعمله باقول انا عامله، واللى مش بتاعى باقول برضة
بس جربتها كتير ولقيتها ممتازة فحبيت انقلهالكم

هانستخدم هنا اداة الفايبوناتشى استخدام جميل عشان نحدد الاهداف (ده لو داخلين بالاستراتيجية الاولى) او نحدد هو ممكن يرتد منين بعد الهدف (وده لو كنا داخلين بالتانية)

فى الموضوع ده للأسف هانضطر نرسم بايدينا
ومحتاجة مهارة وممارسة
ولكننا بالتعود هاتلاقيها سهلة باذن الله

نشوف كده
السعر مشى فى ترند هابط (زى الكيبل اليومين اللى فاتوا) طيب انا اقدر اعرف التارجت ازاى؟ وامتى هارتد لما يخلص التارجت

اولا لما العملة تنزل تنزل تنزل
نستنى اول تصحيح (هاتطلع شوية طبعا)
وبعدين لما نلاقيها بتنزل تانى (يعنى استكمال للاتجاه السابق) نعمل الاتى
نرسم باداة الفايبو من اقل نقطة فى التصحيح لأعلى نقطة فيه (مع اتجاه التصحيح يعنى)
وبس 
هى تحس انها سهلة (ولكن هى سهلة فعلا ههههه بس بالممارسة)
والسعر بيجيب التارجت ويرتد 90% من مستوى فايبو 161
وال 10% من مستوى 261 لو وصل له

نشوف كام مثال سوا بالصور
فى الصور دى انا هارقمها من 1 2 3 وهكذا
ودى صور متتالية (مش امثلة متفرقة) للباوند من يوم 23 مارس (اخر حاجة)
وهايبين ان كل ما السعر بينزل بيوصل لحد 161 او 261 قبل ما يرتد، وبعدين (هو بنفسه) بيقولك هاينزل تانى لحد فين، قبل ما يرتد وهكذا...

اسيبكم مع الصور وانا قاعد ساعة كمان النهاردة لو فيه اى اسئلة
ملحوظة
الصورة 4 هى هى الصورة 5
طيب ليه؟؟
السعر بعد ما وصل ل 161 مارتدش يعتبر اى حاجة ينفع نرسم عليها فايبو كتصحيح
فكمل نزول الى 261
وارتد منها بقوة زى ماحنا شايفين
يعنى لاااازم يكون التصحيح واضح عشان نرسم عليه














عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اقوي واسهل طريقة تداول فوركس - 2018 - تعلم اقوي استراتيجية فوركس

مُساهمة من طرف عبد الله سلام في الإثنين فبراير 05, 2018 2:50 am

اولا التصحيح يكون نسبة وتناسب مع الحركة السابقة
بمعنى انه نزل مثلا 120 نقطة وطلع منهم 30 ولا 40 ونزل تانى
انما لو النزول 50 (ده مش نزول، او مش ترند)
او التصحيح كان 120 ولا حتى 100 من اصل نزول 120 (ده مش تصحيح ده رجع كل اللى نزله)
وتالت حاجة انه يؤكد انه تصحيح بالنزول تانى
او بشمعة ارتداد قوية، او شمعة ابتلاع لكذا شمعة طلوع قبلها عشان نقول انه هايكمل نزول ونبتدى نحسب هايروح لحد فين
او اخيرا انه يكسر نقطة البداية بتاعت الرسم بتاعنا
المهم كل ده هاييجى مع الممارسة

بالصور المرفقة مرسوم الفايبو من يومين يعنى مش شرط يكون التصحيح مرسوم على نفس اليوم المفروض بنرسمه على الحركة نفسها والمقصود بكسر نقطة البداية هيا اللو بتاع بداية التصحيح

الرسم بيكون على تحرك السعر مالناش دعوة بالايام
وكسر نقطة بداية الرسم اللى هو اللو تمام كده، وهايكون الهاى فى الترند الصاعد


التعزيز من منااطق بعيدة يعني من كم نقطة نقدر ندخل تعزيز ؟

يعنى مبدئيا مش اقل من 50 نقطة
ولو عدى ال 50 وماكانش فيه سلوك سعرى ننتظر شوية
الفكرة فين؟
انك كل ما تعزز من بعيد شوية بتكون انت اللى راكب الموجة
ولو انت داخل بادارة مال سليمة، هاتحس انك كسبان فى الحالتين
فلو انت شارى والسوق طلع فانت كسبان
ولو نزل فانت هاتستنى وتعزز من تحت ومع اى ارتداد تطلع كسبان
انما لما ينزل بسيط وتعزز فبتكتر الخسارة، وينزل بسيط تانى وتعزز، لما ينزل بقى ويدى اشارة كويسة للارتداد هاتعزز بكام عشان تتناسب مع العقود الكتير اللى انت واخدها؟


مشاركتي هاته تخص التعزيز في الصفقات التي لم توفق. أقدم لكم من خلالها ملف اكسل يقوم بتحديد مناطق الدخول بالصقات قصد التعزيز. 
هذا الملف يضم مجموعة من العمليات الحسابية تمكن من ضبط عدد صفقات التعزيز. الستوب لجميع الصفقات. حجم الخسائر.

إذا ندرج حجم الخسارة الممكن تحملها. حجم الصفقات دون مضاعفات. سعر الدخول في الصفقة الأصلية ثم عدد الصفقات. وهو يقوم بتحديد سعر الدخول لباقي صفقات التعزيز تبعا للمعدل.
Multiplicateur.xls
لو كانت الناس دخلت حسب الاستراتيجية صح (زى مانا كتبت امبارح) الدخول بيع من 1.6246 وعمل فوق +30 نقطة مباشرة وناس التزمت وكسبت ما شاء الله
بس فيه ناس بتقول خسرانة ونفسها حتى تطلع على صفر، فدول يا اما دخلوا بدرى قبل تمام الشروط (وهو شرط واحد على فكرة مش كذا شرط، يعنى مش عارف تلتزم بشرط واحد امال هانعمل ايه طيب، وهو الاغلاق فوق الرينج ونبيع من الهاى مافيش ابسط من كده والله)
يا اما لم يكتفى ب+30 نقطة نزول وعكس الاتجاه (انتم عاوزينه يروح للرينج اليومى فيعكس الاتجاه وينزل 200 نقطة مثلا؟؟ ههههه)

ومع كل ذلك
كل اللى ارتده بعد الدخول الصحيح (اذا لم تكتفى بال 30 نقطة ولا حتى قفلت على 0 لما رجعهم كلهم، ده فرضا، مع انه نزلهم تانى بعدها بساعتين يعنى كان الناس ممكن تقفل بدون طمع) او زى مانا عملت وقلت امباح انه لما طلع تانى انا بعت تانى واخدت كمان 30 نقطة
هانفترض ان بعد كل ده ماقفلتش
ده كل اللى ارتده 84 نقطة!!!!!!!!!!!!!!!! فهل 84 نقطة تستاهل انك تعزز وتعزز لحد لما تخسر الحساب؟!!!!!! داحنا داخلين بعقد لكل 2500 نقطة (الفييييين وخمسماااائة) ازاى تخسر حسابك بعد 84؟!!
التعزيز الاول والاخير (ده اذا كان فيه تعزيز اساسا ولسه ماتقفلتش الصفقة بتاعت امبارح) هايكون النهاردة لما السعر قفل تحت القناة الحمرا وشمعة القفل كانت فولنج اوف ذى رووف (يعنى اخر حلاوة ههههه)
ولو كانت الناس عززت من هنا 1.6330 فالسعر نزل فى الشمعة اللى بعدها بس 64 نقطة من اصل 84 يعنى الناس تطلع كسبااااااااااانة (مش تخسر الحساب) ده لو عززنا بنفس عدد العقود الاصلية مش زيادة كمان

نداء اخير لكل الناس
ارجو الالتزام بالاستراتيجية (دى مجربة لايف سنين يا اخوانى ومعاكم الريبورت)
ارجو الالتزام بادارة راس المال (تانى وتالت)
واخيرا، ارجو عدم الافتاااااء هههههه
يعنى لو حد حابب يعمل استراتيجية تانية اهلا بيه، المنتدى متسع ومليان استراتيجيات رائعة، ولسه ادارة المنتدى فاتحة امكانية اضافة مواضيع جديدة، يعنى افتح موضوع واعمل فيه اللى انت عاوزه
للمرة الاخيرة
الموضوع مش موضوع توصيات، ولا موضوع فرد عضلات وتورينا انك بتكسب (باسلوبك الخاص) وانك دخلت عكس استراتيجيتنا وكسبت ما شاء الله، او انك دخلت "غلط" (بالنسبالنا) وكسبت كام نقطة واحنا لسه مستنيين، كل ده بيشتت الاخوان
فياريت ترحموهم (بالنسبالى انا مش هاتشتت عشان متقن الاستراتيجية ولا يعنينى اى تعديل ولا انساق وراء الآراء) انما فيه ناس يا اما بتخاف وتقفل على خسارة او تفتح هيدج او تعزز تانى بناء على كلام احد الناس وتحليله، اتقوا الله فى اخوانكم، انا ما صدقت الاخوان ابتدت تكسب
والناس كمان تحاول تلتزم شوية
عشان اللى بيقول على نقط غلط، او دخوله (هو شخصيا مستعجل) وكمان بينزل نقطة دخوله وبيقول انه مش ملتزم وانها مش توصية!! (امال منزلها ليييييه؟!!!) عشان لو صابت تقول انت شاطر وداخلها من اولها، ولو خابت تبقى برّأت ذمتك وده حسابك الخاص (او ديمو فى الغالب) وانت غير مسئول عمّن اتبعك

كلمة اخيره عشان بيحز اوى اوى فى نفسى ان حد يخسر حسابه (حتى لو كان مش ملتزم)
يا ريييييييت الناس تميّز بين الغث والسمين، بلاش ننساق ورا كل رأى، عندنا الامور مافيش اوضح من كده، والجديد يقرأ الاول ويتعب شوية، والكتاب فى توقيعى
ومش كل من نزل شارت بقى المحلل العالمى، وسيبكم بقى من ان السعر هايروح لحد كذا، او مش هايقدر يكسر كذا
والله انا نفسى ماقدر اقول السعر هايعمل ايه، انا ماشى معاه وخلاص، مش انا اللى باحرك السوق
وتاااااااانى وتااااااااالت، لو انت بتعرف السعر رايح فين وترسم شهر لقدام، برافو عليك، افتح موضوع اشرح فكرتك، او اعمل توصيات وحافظ على فكرتك لنفسك، وسيب الناس تكسب هنا على قدها برؤيتها المحدودة
اتقوا الله فى اخوانكم، وبلاش تشتييييت من فضلكم

معلش على الكلام الصعب ده، بس انا حزين على اللى بيحصل
وعموما ربنا ييسر وهاكون متابع بقوة من اول الاسبوع (كمان يومين يعنى) عشان ارد (قدر الامكان) على اى تساؤل او ارجع اى حد يحاول يشتت الناس الحلوة اللى هنا
واللى مش فاهم لسه يشتغل دييييييمو، واللى ما قراش يجهد نفسه ويقرا قبل ما يسال وخلاص، واخيرا لو قريت وفهمت وماكنتش متاكد (انت شخصيا مش حد تانى) من التريدة بلااااااااااش تدخلها، ولو انا اللى قايل عليها

اشوفكم على خير
والف مبروك للى التزم وكسب امبارح والنهاردة


عبد الله سلام

المساهمات : 858
نقاط : 1863
تاريخ التسجيل : 02/07/2017

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 2 من اصل 3 الصفحة السابقة  1, 2, 3  الصفحة التالية

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى